Bæjarins besta - 29.07.2010, Qupperneq 13

FIMMTUDAGUR 29. JÚLÍ 2010 13
Átján holur í Syðri-Tungudal?
Golfvallahönnuðurinn Ed-
win Roald Rögnvaldson kastar
fram þeirri hugmynd í leiðara
nýjasta tölublaðs golfblaðsins
„Hola í höggi“ að nýta mætti
tvo 9 holu golfvelli sem einn
18 holu golfvöll. Þessi hug-
mynd gæti gagnast golfvöllum
þar sem stuttar vegalengdir eru
milli golfvalla líkt og í tilfelli
Syðridalsvallar í Bolungarvík
og Tungudalsvallar á Ísafirði.
Ljóst er að með góðum vilja má
líta á tvo 9 holu golfvelli sem
einn 18 holu golfvöll og ef t.d.
Golfsamband Íslands gæfi út
ákveðnar tilslakanir þess efnis
að golfmót á mótaröðum GSÍ
mættu fara fram á tveimur 9 holna
golfvöllum væri möguleiki fyrir
golfklúbbana í Bolungarvík og
Ísafirði að halda saman stór mót
á landsvísu.
„Það væri óskandi að Golf-
samband Íslands tæki þessa
hugmynd til nánari skoðunar
en verði hún að veruleika geta
golfklúbbum á landsbyggðinni
opnast ný tækifæri til fram-
þróunar á næstu árum,“ segir á
vikari.is þar sem greint er frá
þessari hugmynd.
– thelma@bb.is
„Við stefnum að því að vera
komin með markaðshæfa vöru
árið 2012,“ segir Guðmundur
Fertram Sigurjónsson, stjórnar-
formaður nýsköpunarfyrirtækis-
ins Kerecis á Ísafirði í ársskýrslu
Matís fyrir árið 2009. Fyrirtækið
vinnur að rannsóknum, vöruþró-
un og framleiðslu á lækninga-
vörum unnum úr fiskipróteinum,
en Matís hefur komið að þróun-
arvinnu fyrirtækisins og rann-
sóknarstarfi.
„Þær vörur sem við munum
framleiða eru ætlaðar til með-
höndlunar á þrálátum sárum. Þau
fá um 0,8% allra t.d. í kjölfar
sykursýki eða æðahrörnunar-
sjúkdóma á síðustu árum ævinn-
ar. Þrálát sár, sem ekki tekst að
meðhöndla, eru algengasta ástæða
þess að fólk missir útlimi og þarf
að fá gervilimi. Vörur sem þessar
nefnast stoðefni og eru í örum
vexti á markaðnum í dag. Þau
eru yfirleitt unnin úr spendýra-
próteinum en okkar framleiðsla
byggir á fiskipróteinum sem við
teljum hafa ákveðna yfirburði.
Annars vegar markaðslega og
hins vegar virknilega yfirburði,“
er haft eftir Guðmundi í árs-
skýrslunni.
Hráefni í framleiðslu Kerecis
er unnið úr eldisþorski frá Hrað-
frystihúsinu Gunnvöru í Súðavík.
Það er meðhöndlað á rannsóknar-
stofu Kerecis á Ísafirði og byggt
á aðferðum sem Matís þróaði
með fyrirtækinu. Síðan heldur
meðhöndlun áfram á rannsóknar-
stofu Matís í Reykjavík og loks
fer efnið sem úr þessu ferli fæst í
prófunarferli í samvinnu við heil-
brigðisstarfsmenn á Íslandi og
erlendis. „Þegar þróunarferlinu
lýkur kemur vinnslan síðan til
með að verða á Ísafirði. En með-
an á rannsóknar- og þróunarferl-
inu stendur er Matís okkur mik-
ilvægur samstarfsaðili,“ segir
Guðmundur.
– thelma@bb.is
Stefna að markaðshæfri vöru árið 2012
Bæjarráð Ísafjarðarbæjar hefur
samþykkt tillögu bæjarfulltrú-
anna Albertínu Elíasdóttur og Ei-
ríks Finns Greipssonar um endur-
skoðun á stjórnskipulagi safna
Ísafjarðarbæjar. Tillagan er fram
kom vegna þeirra tímamóta að
forstöðumaður safna innan Safna-
hússins á Ísafirði er að láta af
störfum eftir 37 ár. Fram kemur
í tillögu Albertínu og Eiríks að
þau telji rétt að nota þessi tíma-
mót til að skoða stjórnskipulag
safna Ísafjarðarbæjar og þar sem
samstarf er við aðra eins og
Byggðasafn Vestfjarða, sem er í
sameiginlegri eigu sveitarfélag-
anna þriggja á norðanverðum
Vestfjörðum.
„Gerð er sú tillaga að til bæj-
arráðs að hafin verið vinna við
skoðun núverandi stjórnskipu-
lagi og tillögur um hugsanlegar
breytingar á því lagðar fram til
umræðu og frekari skoðunar.
Verkinu verði stýrt af bæjarráði
sem fer með yfirumsjón safna-
mála í stjórnsýslu Ísafjarðarbæj-
ar. Litið verði til stjórnskipulags
annarra sveitarfélaga og samlaga
í eigu sveitarfélaga í þessari vinnu
og óskað eftir aðkomu þeirra er
starfa að safnamálum í Ísafjarðar-
bæ,“ segir m.a. í tillögunni.
Markmiðið með endurskoðun
á málaflokkum er m.a. að endur-
skoða stjórnskipulag sem lengi
hefur verið óbreytt. Skoða á hvort
stjórnkerfið sé nægilega skilvirkt
og hagkvæmt og skoða innra
skipulag viðkomandi stofnana/
safna. Þá verður skoðað hvort
samræma eigi stjórnun safnanna
og hvort Byggðasafn Vestfjarða
geti átt stjórnunarlega samleið
með öðrum söfnun þrátt fyrir að
vera í sameign þriggja sveitarfé-
laga. Þá er markmiðið einnig að
ná fram aukinni hagræðingu í
rekstri. Bæjarráð hefur eins og
fyrr segir samþykkt tillöguna og
einnig óskað eftir greinargerðum
frá forstöðumönnum safnanna
um núverandi rekstrarskipulag
þeirra. – kristjan@bb.is
Skoða stjórnskipulag safna Ísafjarðarbæjar
Lager og inn-
réttingar til sölu
Lager og innréttingar úr blóma- og gjafavöru-
versluninni Turninum, Ísafirði er til sölu. Tilboð
berist fyrir kl. 12:00 föstudaginn 6. ágúst til
skiptastjóra, Tryggva Guðmundssonar hdl., í
annars vegar allan vörulager og hins vegar
allar lausar innréttingar.
Áhugasömum er bent á að tala við starfs-
fólk Íslandsbanka á Ísafirði óski þeir eftir frek-
ari upplýsingum eða til að skoða lagerinn.
Skiptastjóri áskilur sér rétt til að taka hvaða
tilboði sem er eða hafna öllum.
Byggðasafnið í Neðstakaupstað.