Bæjarins besta - 16.04.2014, Blaðsíða 2
2 MIÐVIKUDAGUR 16. APRÍL 2014
Bæjarstjórn Ísafjarðarbæjar
hefur ákveðið að ganga til samn-
inga um yfirtöku Hjallastefnunn-
ar ehf. á rekstri leikskólans Eyr-
arskjóls. Samningurinn verður
gerður til reynslu í eitt ár en að
þeim tíma liðnum endurnýjast
hann til fimm ára í senn.
Sveitarfélagið ber áfram ábyrgð
á eftirliti með starfseminni lögum
samkvæmt og njóta börn í leik-
skólanum allrar þjónustu sveitar-
félagsins, t.d. talkennslu og sál-
fræðiþjónustu. Eyrarskjól hefur
starfað í anda Hjallastefnunnar
undanfarin 15 ár en nú hefur verið
ákveðið að stíga skrefið til fulls.
Foreldrar ættu ekki að verða varir
við neinar sérstakar breytingar,
öllu starfsfólki leikskólans verður
boðið áframhaldandi starf og leik-
skólagjöld verða óbreytt.
Samið við Hjallastefnuna
Fjölmenni í afmæli 3X Technology
Fjöldi fólks lagði leið sína í
höfuðstöðvar 3X Technology á
Ísafirði á laugardag til að sam-
fagna 20 ára afmæli fyrirtækisins
með eigendum og starfsfólki. Í
framleiðslusal fyrirtækisins var
boðið upp á ljúffengar veitingar
og starfsmenn 3X Technology
svöruðu spurningum gesta um
helstu tæki í vörulínum fyrirtæk-
isins en hluti af þeim var til sýnis
í framleiðslusalnum. Í tilefni af-
mælisins veitti fyrirtækið veg-
lega gjafir. Albert Högnason, þró-
unarstjóri og einn stofnenda 3X
Technology, færði Rauða krossi
Íslands hjartahnoðtæki til nota í
sjúkrabifreið félagsins á Ísafirði
og nágrenni. Verðmæti tækisins
er um tvær milljónir króna.
Tækið, sem er það fjórða sinnar
tegundar hérlendis, gerir bráða-
liðum auðveldara með að sinna
sjúklingum í hjartastoppi en tæk-
ið sér um að hnoða sjúklinginn
meðan bráðaliðinn sinnir öðrum
aðkallandi störfum á meðan á
sjúkraflutningi stendur. Þorbjörn
Sveinsson, slökkviliðsstjóri á Ísa-
firði, veitti tækinu viðtöku. Al-
bert afhenti einnig Skíðafélagi Ís-
firðinga styrk að upphæð 200.000
krónur til kaupa á nýjum heild-
stæðum tímatökubúnaði af Tag
Heuer gerð og saman stendur af
markhliði, starti, búnaðinum
sjálfum ásamt tölvuforriti. Há-
punktur afmælisgesta af yngri
kynslóðinni var tvímælalaust
heimsókn Línu Langsokks og
félaga.
Stofnendur fyrirtækisins voru
þrír ungir menn á Ísafirði með
reynslu af fiskvinnslu og tækni-
lausnum. Í fyrstu var markmiðið
að hanna og framleiða vinnslu-
búnað fyrir sjávarútveginn á Ís-
landi, aðallega rækjuiðnaðinn.
Tæknin sem fyrirtækið þróaði
þótti nýstárleg og viðskiptavinir
voru fljótir að nýta sér hana enda
sáu þeir að framleiðni og hráefn-
isnýting batnaði verulega. Árið
1998 hófst útflutningur á vörum
þess og nú selur fyrirtækið vinn-
slulausnir fyrir matvælageirann
um víða veröld. Viðskiptavini 3X
Technology er nú að finna í fjór-
um heimsálfum. Frumkvöðla-
andi fyrstu áranna hefur viðhald-
ist, og allt frá fyrsta degi hefur
fyrirtækið lagt alla áherslu á að
bjóða gæðavörur sem færa við-
skiptavinum verulegan ávinn-
ing.
Fyrirtækið er nú með starfsstöð
á tveimur stöðum en auk starf-
seminnar á Ísafirði þar sem starfa
um 40 manns er félagið með sölu-
skrifstofu, þjónustudeild og sam-
setningu á Flex vörulínu félagsins
að Fiskislóð 73 í Reykjavík en
þar starfa 10 manns.
– smari@bb.is
Þorbjörn Sveinsson (t.h.) veitti hjartahnoðtækinu viðtöku.