Bæjarins besta - 16.04.2014, Blaðsíða 4
4 MIÐVIKUDAGUR 16. APRÍL 2014
Útgefandi: Gúttó ehf., kt. 680501-2620
Afgreiðsla og ritstjórn: Silfurgötu 1, Ísafirði, sími 456 4560
Ritstjóri BB og bb.is: Sigurjón J. Sigurðsson, 892 5362, bb@bb.is
Ábyrgðarmenn: Halldór Sveinbjörnsson,
Sigurjón J. Sigurðsson.
Blaðamenn: Harpa Oddbjörnsdóttir, 846 7487, harpa@bb.is
Smári Karlsson, 866-7604, smari@bb.is
Auglýsingar: Halldór Sveinbjörnsson, 894 6125, halldor@bb.is
Prentvinnsla: Litróf ehf.
Upplag: 2.200 eintök
Dreifing: Íslandspóstur. Dreift án endurgjalds inn á öll heimili
á norðanverðum Vestfjörðum
Stafræn útgáfa: www.bb.is / facebook.com/pages/bbis
Önnur útgáfa: Á ferð um Vestfirði
ISSN 1670-021X
Tekið er á móti auglýsingum á póstfangið bb@bb.is.
Auglýsingar þurfa að berast fyrir kl. 17 á mánudögum
fyrir útgáfudag sem er almennt á fimmtudögum.
Ritstjórnargrein
Kólflausar klukkur
Spurning vikunnar
Átt þú séreignarsparnað sem þú gæti
hugsað þér að nota til að greiða niður lán?
Netspurningin er birt vikulega á bb.is og þar geta lesendur
látið skoðun sína í ljós. Niðurstöðurnar eru síðan birtar hér.
Alls svöruðu 329.
Já sögðu 62 eða 19%
Nei sögðu 267 eða 81%
Hjalti og Ágústa færðu Torfa flöskuskeytið sem var hálft ár á leiðinni frá Hesteyrarfirði.
Fékk flöskuskeyti
nánast upp að dyrum
„Einhverjir félagar mínir, sem
eru skútumenn, lágu í firðinum
og fengu þá flugu í höfuðið að
gera þetta, fyrst það var nú ekkert
talstöðvar- eða símasamband.
Þeir settu skeytið í forláta rauð-
vínsflösku og sendu hana af stað.
Svo hringir hérna kona í mig í
gær, „Torfi Einarsson? Já ég er
með bréf til þín“, „nú?“ segi ég
bara. „Já við fundum flöskuskeyti
með bréfi til þín“ sagði hún og
þegar ég spurði hvar þau hefðu
fundið það sagðist hún hafa keyrt
að Skarfaskeri í Hnífsdal og fund-
ið það þar.
„Ég á einmitt heima hér í
Hnífsdal! Það hefur bara verið
alveg á leiðinni til mín“ sagði ég
við hana. Ég skil ekki hvernig
glerflaskan hefur borist hingað
ósködduð, það hefur verið brjálað
veður og ofboðsleg brim undan-
farið og mikið um stórgrýti hér,“
segir Torfi og bætir því við að flask-
an hafi verið fljótari á leiðinni til
hans heldur sumt sem sent er
með póstinum. Til gamans má
geta þess að Ágústa Hjaltadóttir,
konan sem fann flöskuskeytið
þegar hún var í bíltúr með syni
sínum Hjalta, er eiginkona Kjart-
ans Davíðssonar sem einmitt
þennan sama dag var staddur fyrir
tilviljun á námvæmlega þeim stað
þar sem félagar Torfa sjósettu skeytið.
Flöskuskeytið góða.
Þó einhver stjarnfræðilegur útreikningur leiði til þeirrar niðurstöðu
að páskadagur í ár rennur ekki upp fyrr en 20. apríl, í stað 31. mars
á síðasta ári, er tilhugsunin um páskafríið einhvern veginn alltaf sú
sama. Sem fyrr flykkjast ,,gamlir“ Ísfirðingar á heimaslóðir til end-
urfunda við ættingja og vini, gangandi að því vísu að Skíðavikan,
hin eina og sanna, sé til staðar að ógleymdri Aldrei fór ég suður-há-
tíðinni, sem stöðugt eykur við vinsældir sínar og orða má að slegist
sé um að fá að koma fram á.
Samt er sitthvað alltaf einhverjum breytingum undirorpið. Þannig
færast kynslóðirnar upp um eitt þrep í lífsstiganum með hverju árinu
sem líður; nýir hópar hefja gönguna á meðan aðrir ljúka henni.
Hiða sama á við um bæinn okkar. Ef til vill stendur einhver frammi
fyrir því að gamla húsið sem svo margar minningar tengdust er horf-
ið, þegar að er gáð, meðan önnur hafa endurheimt sitt fyrra horf og
ný hafa risið af grunni.
Þannig er bara lífið.
*
Þið hringið inn upprisu jarðar, kólflausu klukkur
klukkur af gullnu silki, lifandi silki!
Of skærar augum manns, skammdegið var svo dimmt.
Þið skínið í garðinum, sólir fæddar af mold.
Sólir sem skínið, klukkur sem kólflausar hringið!
Klukkur sem syngið!
*
Kennið mér ykkar hógværð, blóm björt eins og sólin.
Svo kemst Hannes Pétursson að orði í kvæði sínu ,,Páskaliljur.“
Með þessum hugljúfu orðum og bæn skáldsins óskar Bæjarins
besta landsmönnum öllum gleðilegrar páskahátíðar; býður alla þá
sem hingað leggja leið sína velkomna, vonar að þeir njóti dvalarinnar
og eigi síðan góða heimkomu.
s.h.