Bæjarins besta - 16.04.2014, Blaðsíða 6

6 MIÐVIKUDAGUR 16. APRÍL 2014
Magnús Hauksson, vert í Tjöruhúsinu.
Tjöruhúsið opnar í dag
Sumaropnun á veitingastaðn-
um Tjöruhúsinu í Neðstakaup-
stað á Ísafirði byrjar óvenju snemma
í ár, eða í dag 16. apríl. Síðustu ár
hefur verið opið yfir páskana og
síðan hefur sumaropnun hafist í
byrjun maí. „Nú eru páskarnir
svo seint í ár að það tekur því
eiginlega ekki að loka aftur,“
segir Magnús Hauksson, eða
Maggi Hauks eins og hann er
gjarnan kallaður, vert í Tjöru-
húsinu en hann og hans góða
starfsfólk, hefur skerpt hnífana,
fægt pönnur og íhugað nýjar upp-
skriftir í vetur svo eflaust er von
á einhverju góðu. Aðspurður
hvort eitthvað nýtt verði á boð-
stólum segist Magnús ætla að
vera lamba- og svínasteikur um
páskana.
„Okkur langaði til að bjóða
upp á steikur á vægu verði, svona
fyrir þá sem eru ekki heima hjá
sér í páskamatnum. Við þykjum
býsna góð í steikunum, sérstak-
lega svínasteik. Annars verður
þetta með hefðbundnu sniði, ljúf-
fengir sjávarréttir. Í sumar ætlum
við svo að leggja áherslu á þennan
dýrðlega eldisfisk úr Dýrafirði,
sem er að mínu mati afspyrnu
góð vara. Og svo eitthvað fleira
nýtt og spennandi, aldrei að vita,“
segir Magnús.
Viðskiptavinir fá einnig að njóta
tónlistar í Tjöruhúsinu þessa
páska en hinn ísfirski tónlistar-
maður Skúli mennski spilar þar
að kvöldi skírdags. Þá stígur
fimm manna hljómsveit á stokk
annað hvort á föstudags- eða
laugardagskvöldinu en hana
skipa Lára og Margrét Rúnars-
dætur, sem báðar hafa sungið
með hljómsveitinni Lifun, faðir
þeirra og gítarleikari hinnar þjóð-
þekktu hljómsveitar Grafík, Rún-
ar Þórisson, og makar Margrétar
og Láru. – harpa@bb.is
Ný bæjarmálasamtök, Hrepps-
listinn, hefur ákveðið að bjóða
fram í komandi sveitarstjórnar-
kosningum í Súðavík. Að sögn
Péturs G. Markan, eins af að-
standendum samtakanna, stendur
nú yfir vinna við að koma saman
fólki á listann. „Hreppslistinn er
bæjarmálasamtök, mönnuð fólki
sem hefur metnað, framtíðarsýn
og sköpunarkraft fyrir komandi
tíma í Súðavíkurhreppi. Stefna
Hreppslistans er að setja saman
öflugan lista af vel meinandi,
skapandi og ferskum einstakl-
ingum í bland við reynslumikið
fólk, þannig að úr fáist þverskurð-
ur af íbúum hreppsins, og bjóða
fram í komandi kosningum.
Markmið listans fram að kosn-
ingum er að eiga hreinskiptið og
opið samtal við hreppsbúa um
framtíð Súðavíkurhrepps, setja
saman skýra stefnuskrá sem
hreppsbúar geta vegið og metið
áður en gengið er til kjörfundar
og virkja þannig vald kjósenda
hreppsins til þess að koma að
stefnumótun næstu ára og velja
þannig þá framtíð sem þeir helst
kjósa,“ segir í tilkynningu frá
Hreppslistanum. – harpa@bb.is
Hreppslistinn býð-
ur fram í Súðavík