Bæjarins besta - 16.04.2014, Blaðsíða 8

8 MIÐVIKUDAGUR 16. APRÍL 2014
Upprisa og vorboði
Stakkur hefur ritað viku-
lega pistla í Bæjarins
besta í mörg ár. Skoð-
anir hans á mönnum
og málefnum hafa oft
verið umdeildar og vak-
ið umræður. Þær þurfa
alls ekki að fara saman
við skoðanir útgefenda
blaðsins. Þrátt fyrir það
bera ábyrgðarmenn
blaðsins ábyrgð á skrif-
um Stakks á meðan
hann notar dulnefni sitt.
Stakkur skrifar
Páskar bíða okkar, stærsta hátið kristinna manna. Þeir eru
arfleifð fyrri hátíðar Gyðinga, sem ber nafnið Pesah enn í dag.
Gyðingar halda Pesah hátíðlega til að minnast flóttans frá
Egyptalandi og stendur hún sjö daga í Ísrael, en annars staðar
átta daga. Um trúar- og matarhátíð er að ræða. Þeir réttir sem
snæddir eru eiga að minna á flóttann og trúin er að sjálfsögðu
ríkur þáttur í hátíðinni. Páskar okkar kristinna manna eru því
beinn arfur frá Gyðingum, en hafa verið lagaðir að kristni.
Vegna þess að Kristur var krossfestur og lét lífið, en reis svo
aftur upp frá dauðum meðan Pesah Gyðinga stóð halda kristnir
menn páskana, sem ekki ber alltaf upp á sömu dögum og Pesah,
en gerir það oft. Fyrir okkur kristna eru páskar hátíð upprisu og
hafa því sérstaka merkingu, sem tengist því að lífið sigrar dauð-
ann.
En nú orðið er það svo að páskar eru mikil fríhátíð enda njót-
um við venjulega leyfis frá vinnu frá og með fimmtudegi, Skír-
degi, og til með annars í páskum meðan skrifstofur og margvísleg
atvinna liggur niðri, en þjónustugreinar eru í fullum gangi og
margir við störf. Venjulega eru þau þó betur borguð þessa daga.
Mörgum eru þó páskarnir helgir og þeir minnast trúar sinnar á
Guð og son hans Jesú Krist. Lengi var það svo að föstudagurinn
langi var alheilagur og ekkert mátti starfa og verslanir og þjónustu-
staðir voru lokuð. Þá leiddist mörgum drunginn er fylgdi þessum
degi. Nú er allt breytt og mörgum eru páskarnir fyrst og fremst
tækifæri til skemmtunar og ferðalaga og nú tíðkast að lengja í
þeim með því að nota Dymbilvikuna líka til frítöku frá mánudegi
til og með næsta mánudags til ferðalaga og skemmtunar. Þannig
hefur sú góða hátíð einnig mikil efnahagsleg áhrif, væntanlega til
góðs.
Á Ísafirði er nú haldin í tíunda sinn rokkhátíðin ,,Aldrei fór ég
suður“ og komast færri að en vilja, bæði gestir og ekki síður tón-
listarmenn. Hátíð þessi er órjúfanlega tengd Ísafirði og er það til
góðs, eykur orðspor bæjarins og laðar að sér marga gesti svo sem
fyrr segir. Megi hún lánast vel að þessu sinni, enda hefur hún yfir-
skyggt, ef svo má segja, Skíðavikuna, en þetta tvennt fer vel sam-
an. Hitt er hollt að hafa í huga að páskarnir hafa mikið gildi og
þeim fylgir friður í huga margra og von þar eð þeir eru svo ná-
tengdir upprisunni. Um leið boða þeir vorið og von um betri tíð
framundan. Það er góður boðskapur byggður á kristinni trú. Vor
og von fara vel saman. Gleðilega páskahátíð.
Gríðarlegur snjór er í Skjald-
fannardal í Ísafjarðardjúpi og seg-
ir Indriði Aðalsteinsson, bóndi á
Skjaldfönn, að sumstaðar í daln-
um sé meiri snjór en snjóflóða-
veturinn 1995. „Þetta hefur verið
afskaplega leiðinlegur vetur.
Geysileg snjóalög í brúnum mót
suðri. Snjóþykktin er óhugnaleg,
jaðrar við náttúruhamfarir í snjó-
þunga. Svona snjóþyngsli voru
hér áður kallaðar snjóþiljur. Þetta
eru ekki venjulegir skaflar heldur
er allt landslag er sokkið undir
þiljur,“ segir Indriði. Hann óttast
að tún séu illa kalin, þriðja vorið
í röð.
„Tún hafa verið undir skauta-
svelli síðan í desember og ég
óttast að það geti ekki verið annað
en verulegt kal í þeim en ég finn
ekki neina fýlu ennþá enda mikill
snjór á túnum.“ Indriði hefur þurft
að fækka fé verulega vegna lítilla
heyja síðustu ár. „Það er búið að
fækka á fóðrum um þriðjung
þessi kalár, úr rúmlega 300 niður
í 200. Heyfengur ræður hvað
maður setur á, maður setur ekki
út á Guð og gaddinn, það er ekki
búmennska þó það hafi tíðkast
sumstaðar hér áður fyrr.“
Bjargráðasjóður er ekki til mik-
illar stoðar í hremmingum eins
og Indriði hefur þurft að glíma
við síðustu ár. „Bjargráðasjóður
á að styðja bændur í stórum
áföllum. Árið 2012 fengum við
engan stuðning. Í fyrra vor komu
tveir ágætir ráðunautar að meta
kal í túnum hjá mér og í heildina
voru tún metin afskaplega illa
farin. Og það var aldeilis stuðn-
ingur sem ég fékk. Heilar 60 þús-
und krónur. Við bændur erum
ekki á flæðiskeri staddir með
svona stuðning,“ segir Indriði
Aðalsteinsson. – smari@bb.is
Indriði Aðalsteinsson fyrir framan Skjaldfönn að sumarlagi.
Snjóalög í Skjaldfannardal jaðra við náttúruhamfarir
Margt í boði á Skíðavikunni
Skíðavikan verður sett í dag á
Silfurtorgi. Að venju er dagskrá
Skíðavikunnar stútfull af skemmti-
legheitum fyrir alla fjölskylduna.
Af skíðatengdum viðburðum má
helst nefna að strax í dag verður
sprettganga í Hafnarstræti. Á há-
degi á morgun, skírdag verður
skíðaskotfimi á Seljalandsdal.
Boðið verður upp á æfingu og
kennslu í meðferð skotvopna kl.
11:00 sama dag. Keppnin er fyrir
15 ára og eldri. 15-18 þurfa skrif-
legt leyfi forráðamanns. Um kvöld-
ið verður snjóbrettamót á skíða-
svæðinu og Stigasleðarallý.
Á föstudaginn langa er hinn
rómaði furðufatadagur á skíða-
svæðinu. Íþróttaálfurinn og Solla
Stirða mæta á svæðið að þessu
sinni. Löng hefð er fyrir því að
fjölskyldan skemmti sér saman í
Tungudal á föstudaginn langa.
Fólk er hvatt til að mæta uppá-
klætt. Kveikt verður í grillinu
um hádegi, börnin geta látið mála
sig við undirleik lifandi tónlistar
og sælgæti mun rigna af himnum
ofan. Á laugardag verður páska-
eggjamót Hraðfrystihússins –
Gunnvarar en það er fyrir börn
fædd 2002 og síðar. Garpamótið
víðfræga verður á páskadag.
Framboð á menningarviðburð-
um er með besta móti þessa
páska. Fyrir utan tónlistarhátíð-
ina Aldrei fór ég suður má nefna
að Litli leikklúbburinn sýnir Þið
munið hann Jörund á miðvikudag
og á skírdag en leikritið var frum-
sýnt á laugardag. Komedíuleik-
húsið verður með sýningar á Höllu
eftir Stein Steinarr og einnig
verður Fjalla-Eyvindur eftir Elfar
Loga Hannesson sýndur. Ung-
mennafélagið Höfrungur á Þing-
eyri sýnir Línu langsokk um
páskana en leikritið var frumsýnt
fyrr í vetur.
Listakonan María Rut verður
með einkasýningu í Edinborgar-
húsinu. María hefur unnið með
teikningu og tónlist þar sem hún
teiknar við hinar ýmsu tegundir
tónlistar og er áhugavert að skoða
tengingarnar þar á milli. Gestum
sýningarinnar gefst tækifæri á
að hlusta á þá tónlist sem María
Rut hefur hlustað á meðan hún
vinnur að verkunum. Sýningin
er hluti af listahátíðinni List án
landamæra en þetta er í annað
sinn sem Edinborg tekur þátt í
listahátíðinni.
Skemmtistaðir bæjarins verða
með þétta og góða dagskrá. SSSól
spila á balli í Krúsinni, Páll Óskar
verður í Edinborg svo og Skúli
mennski og President Bongo
þeytir skífum í Krúsinni.