Bæjarins besta - 16.04.2014, Blaðsíða 23
MIÐVIKUDAGUR 16. APRÍL 2014 23
Lausn á síðustu krossgátu
Sudoku þrautir
ÞjónustuauglýsingarHafnarstjórn
harmar
ákvörðun Vísis
Hafnarstjórn Ísafjarðarbæjar
harmar tilkynningu Vísis hf. um
að loka starfsstöð fyrirtækisins á
Þingeyri og segir að erfitt verði
fyrir höfnina að halda úti stöðu-
gildi við Þingeyrarhöfn hætti
Vísir starfsemi á staðnum. Í
ályktun frá hafnarstjórn segir:
„Hafnarstjórn harmar þá tilkynn-
ingu Vísis hf, um að loka starfs-
stöð sinni á Þingeyri.
Starfsemi Vísis hefur verið
hryggjarstykkið í starfssemi hafn-
arinnar á Þingeyri og er forsenda
þess að halda úti stöðugildi á
höfninni. Hafnarstjórn hefur
áhyggjur af framtíð veiða og
vinnslu á Þingeyri og skorar á
fyrirtækið að endurskoða ákvörð-
un sína. Hafnarstjórn beinir því
einnig til bæjarstjórnar Ísafjarð-
arbæjar leitað verði allra þeirra
leiða sem hugsast getur til að
lágmarka skaðann.“
40 ára kaup-
staðarafmæli
Bolungarvík átti 40 ára kaup-
staðarafmæli fimmtudaginn 10.
apríl en þann dag árið 1974 stað-
festi forseti Íslands lög um kaup-
staðarréttindi sveitarfélagsins.
Stuttu seinna, eða þann 1. júní
sama ár, var síðan haldinn fyrsti
fundur bæjarstjórnar Bolungar-
víkur á skrifstofu Guðmunds
Kristjánssonar sveitarstjóra og
samþykkt var á fundinum að ráða
hann sem bæjarstjóra.
Ólafur Kristjánsson var kosinn
forseti bæjarstjórnar. Aðrir bæj-
arfulltrúar á fundinum voru Guð-
mundur B. Jónsson, Guðmundur
Agnarsson, Hálfdán Einarsson,
Guðmundur Magnússon, Kristín
Magnúsdóttir og Valdimar L.
Gíslason.
Ganamaður til
BÍ/Bolungarvíkur
BÍ/Bolungarvík hefur fengið
miðjumanninn Quincy Osei til
liðs við sig. Osei er 24 ára gamall
Ganamaður en hann lék í fyrra
með AC Kajaani í C-deildinni í
Finnlandi. Osei hefur áður leikið
í Serbíu og á Maldíví-eyjum auk
þess sem hann lék með FC Haka
í finnsku úrvalsdeildinni árið
2010. Þá var Osei hluti af liði
U23 ára liði Gana í undankeppni
fyrir Ólympíuleikana árið 2012.
Osei mun styrkja miðjuna hjá
BÍ/Bolungarvík en liðið verður
án Nigel Quashie næstu vikurnar
eftir að hann fótbrotnaði í Lengju-
bikarleik á dögunum. Quashie
ætti þó að verða klár áður en
keppni í 1. deildinni hefst 10. maí.
Frá þessu er greint á fotbolti.net.