Dagblaðið Vísir - DV - 23.06.2008, Blaðsíða 6

Auka tengsl
við Grænland
Ingibjörg Sólrún Gísladóttir
utanríkisráðherra var viðstödd
hátíðarhöld í Nuuk á laugardag
sem voru af tilefni þjóðhátíð-
ardags Grænlendinga. Í heim-
sókninni átti Ingibjörg fund með
Aleqa Hammond, sem fer með
utanríkismál í landsstjórninni,
og ræddu þær meðal annars
samgöngu- og öryggismál. Þá var
ákveðið að koma á fót vinnuhópi
sem á að kortleggja möguleika
á frekara samstarfi Íslands og
Grænlands.
Sérstakt áherslumál í ferðinni
er nánari tengsl byggða á Vest-
fjörðum og Norðvesturlandi við
Grænland en Halldór Halldórs-
son, bæjarstjóri Ísafjarðar, var
einnig með í för.
Fjögur pör hafa bókað veraldleg-
ar eða húmanískar athafnir hjá Sið-
mennt, félagi siðrænna húmanista á
Íslandi. Siðmennt byrjaði formlega
athafnaþjónustu 29. maí síðastlið-
inn. Tvö pör hafa bókað veraldlega
eða húmaníska athöfn í sumar og
tvö pör hafa strax bókað athafnir fyr-
ir næsta ár.
Svanur Sigurbjörnsson, umsjón-
armaður athafnaþjónustu Siðmennt-
ar, segir að mikill áhugi sé hjá fólki
fyrir veraldlegum eða húmanískum
athöfnum og að eftirsókn eigi eftir
að aukast á næstu misserum þar sem
Siðmennt er aðeins nýbyrjað með at-
hafnaþjónustuna. Fyrsta veraldlega
eða húmaníska giftingarathöfn fór
fram á síðasta ári. Athafnir félagsins
fara fram án lesturs trúarritninga.
„Athafnirnar eru opnar öllum þar
sem við getum jafnvel gefið saman
fólk af mismunandi trúarbrögðum
til dæmis ef parið er ekki sammála
um trúarbrögð í athöfninni eða par-
inu finnst það ekki vera nógu trúað
til að gifta sig í kirkju. Veraldleg at-
höfn getur þá verið góður valkostur,
en auðvitað hentar slík athöfn oftast
fyrst og fremst trúlausu fólki og húm-
anistum, “ segir Svanur. „Ástin ræður
ríkjum og við gefum saman pör óháð
kynhneigð.“
Siðmennt hefur sex starfandi at-
hafnastjóra.
olivalur@dv.is
mánudagur 23. júní 20086 Fréttir DV
InnlendarFréttIr
ritstjorn@dv.is
Fjögur pör hafa bókað veraldlegar giftingar hjá Siðmennt:
Farin að panta fyrir næsta ár
Vaxandi áhugi Siðmennt tekur á móti
hvort tveggja trúlausum og trúuðum,
gagnkynhneigðum og samkynhneigð-
um, segir Svanur Sigurbjörnsson.
Hafnarvörðurinn
Pálmi
Pálmi Gestsson, leikari í Þjóð-
leikhúsinu og í Spaugstofunni,
hefur ráðið sig í hafnarvörslu í
Bolungarvík í sumar. Aðspurð-
ur viðurkenndi hann fúslega að
vera orðinn, eða um það bil að
verða, hafnarvörður í bænum.
„Þeir vildu að ég byrjaði strax, en
ég byrja líklega bara á mánudag-
inn,“ sagði Pálmi þegar hann var
staddur í húsi sínu í Bolungar-
vík. Eins og alþjóð veit er Pálmi
Víkari í húð og hár þótt hann hafi
búið sunnan heiða meirihluta ævi
sinnar. „Þetta er ágætis afsökun
fyrir því að dvelja hérna langdvöl-
um,“ sagði Pálmi í viðtali við bb.is
Vilja fleiri
Þingeyinga
Í fréttabréfi Framsýnar-stétt-
arfélags í Þingeyjarsýslum, sem
kom út á laugardag, hvatti fé-
lagið Þingeyinga til barneigna.
Hefur félagið ákveðið að veita
þeim félagsmönnum sem fjölga
mannkyninu fæðingarstyrki.
Aðalsteinn Árni Baldursson,
formaður Framsýnar-stéttar-
félags, sagði við vefinn 640.is
að eitt af markmiðum félagsins
sé að fjölga Þingeyingum. Þing-
eyskt loft þykir það allra besta
í heimi að því er Þingeyingar
sjálfir telja en það hefur aldrei
fengist staðfest.
Frí afnot af
hjólum
Reiðhjól merkt símafyrir-
tækinu Vodafone ættu ekki að
fara framhjá neinum í sumar
þar sem fyrirtækið hefur afhent
þrettán sveitarfélögum um 400
hjól til afnota. Markmiðið er að
hvetja til hollrar og skemmti-
legrar hreyfingar, og auðvelda
fólki að ferðast innanbæjar. Þau
bæjarfélög sem taka þátt eru
Akureyri, Akranes, Borgarnes,
Dalvík, Egilsstaðir, Grindavík,
Ísafjörður, Húsavík, Neskaup-
staður, Reykjanesbær, Sauðár-
krókur, Selfoss og Vestmanna-
eyjar. Hjólin má nálgast við
sundlaugar bæjanna ásamt
reiðhjólahjálmum sem Trygg-
ingamiðstöðin útvegar.
„Við ætlum okkur að finna hann,“
segir Erla Björk Emilsdóttir en hún
og fjölskyldan hafa leitað að smá-
hundinum Patta í einn og hálfan
mánuð. Þau hafa reynt allt, síðasta
hálmstráið var að tala við miðil til
þess að komast að örlögum Patta.
Sjálf segist Erla hafa talað við þrjá
miðla en einn þeirra taldi líklegast
að Patti héldi sig nálægt Reynisvatni
við Grafarholt. Sjálf trúir hún því
að Patti sé á lífi þrátt fyrir að hann
sé pínkulítill og ekki vanur óblíðri
náttúrunni. Lokatilraun var gerð
til þess að finna Patta þegar tug-
ir manna leituðu hans um helgina.
Meðal þeirra sem hafa aðstoðað
Erlu er eigandi Lúkasar sem týndist
á síðasta ári.
Hljóp í burtu
Það var í byrjun maí sem eigin-
maður Erlu Bjarkar gekk með Patta
og hinn smáhundinn þeirra Tuma við
Reynisvatn.Þegar þeir komu að vatn-
inu var taumurinn tekinn af þeim
og þeir fengu að hlaupa um frjálsir.
Síðan gengu þeir fram á veiðimann
sem var að henda út línu. Við það fór
Tumi að gelta. Maður Erlu sótti þá
Tuma en þegar hann leit aftur fyrir
sig sá hann að Patti var horfinn. Fjöl-
skyldan fór strax að leita að Patta og
eyddu þau allri laugardagsnóttinni í
að reyna finna hann. En ekkert gekk,
Patta var hvergi að finna.
Gefin von
Fjölskylda Erlu er í miklum sárum
eftir að Patti strauk. Á næstum hverj-
um degi hafa þau farið í göngutúra
til þess að leita að Patta. Ekkert hefur
gengið hingað til.
„Við höfum fengið þrjár tilkynn-
ingar að það hafi sést til hans,“ seg-
ir Erla Björk. Þær fregnir hafa blás-
ið glæðum í vonir fjölskyldunnar
um að finna Patta heilan á húfi. Sést
hefur til hans við Reynisvatn og svo
einnig við Húnsheiði.
Refaskytta leitar Patta
Erla Björk hefur reynt bókstaflega
allt til þess að finna Patta. Hún fékk
par sem á þrjá leitarhunda til þess að
þefa Patta uppi. Þau sáu hann nálægt
Reynisvatni en náðu honum ekki.
Síðan hefur hún sett inn auglýsingu
í Fréttablaðinu, fengið refaskyttu til
þess að hlusta eftir fuglunum sem
eiga að geta gefið vísbendingar um
hvort hætta sé í nágrenninu en fugl-
arnir túlka hundinn sem slíka. Þá
hefur hún að auki leitað eftir honum
á spjallsíðum á netinu, bæði á barna-
landi sem og dýravefsvæðum.
Þrír miðlar
„Við höfum leitað til þriggja miðla,“
segir Erla Björk sem vill ekki hætta
að leita án þess að reyna allar leiðir
til þess að finna Patta. Hún segir tvo
miðlanna hafa séð hundinn annars
vegar við Reynisvatn og svo hins veg-
ar hjá húsarústum. Þau hafa túlkað
orð þeirra á allan mögulegan hátt og
leitað á þeim stöðum sem spádóm-
arnir benda til. En leitin hefur ekki
borið árangur. Engu að síður gengu
þau hönd í hönd í kringum Reynis-
vatn síðasta laugardag þar sem miðill
taldi Patta hafast við í nágrenni þess.
Lúkasarmamma hjálpar
Það sem meira er, þá hefur Elsa
Björk verið í sambandi við eiganda
Lúkasar sem hvarf til fjalla eins og
frægt er orðið síðasta sumar. Þá lifði
Lúkas eins og villtur væri í fleiri vikur
þar til hann fannst.
„Við höldum bara í vonina. Ég er
viss um að Patti sé á lífi,“ segir Erla að
lokum en söknuður þeirra er gríðar-
legur. Hafi einhver orðið var við smá-
hundinn Patta er hinum sama bent á
að hafa samband við DV.
Miðill leitAr
Að sMáHundi
Smáhundurinn Patti hefur verið týndur í rúman mánuð. Eigandi hans, Erla Björk Em-
ilsdóttir, hefur reynt allt til þess að finna hann. Meðal annars hefur hún leitað á náðir
miðla. Eigandi Lúkasar sem týndist á síðasta ári hefur lagt henni lið og miðlar af reynslu
sinni í von um að Patti finnist að lokum.
VaLuR GREttisson
blaðamaður skrifar: valur@dv.is
„Við höldum bara í
vonina. ég er viss um
að Patti sé á lífi.“
Mikil leit Það var gerð
gríðarleg leit að Patta á
laugardaginn.
Patti Smáhundurinn Patti er af chihuahua-
kyni. Hafi einhver séð hann í grennd við
reynisvatn er sá vinsamlegast beðinn um
að hafa samband við dV.