Fréttatíminn - 13.03.2015, Síða 28

Það var
smá sjokk
fyrir
pabba
þegar ég
hætti í
fótbolta til
að ein-
beita mér
að leiklist
en hann
fyrirgaf
mér það.
PÁSKAEGG M
EÐ TVEIMUR
SANDLEIKFÖ
NGUM
HÆGT AÐ
BREYTA Í FÖTU
2850 kr
PÁSKAEGGIN
Leikfangg
frr
KÍKTU Á VEFVER
SLUN
KRUMMA.IS
Gylfaflöt 7 112 Reykjavík 587 8700 www.krumma.is
B estu ár mín eru að baki en hann á allt lífið fram undan,“ segir Hörð-ur Magnússon íþróttafréttamaður um son sinn, Tómas Geir, sem
vakið hefur mikla athygli fyrir framgöngu
sína með liði FG í Gettu betur.
Úrslitin í Gettu betur réðust á miðviku-
dagskvöld. Þá fór Tómas Geir fyrir liði Fjöl-
brautaskólans í Garðabæ sem atti kappi við
lið Menntaskólans í Reykjavík. Tómas og
liðsfélagar hans áttu aldrei séns og töpuðu
á endanum með nokkrum mun. Þau geta þó
borið höfuðið hátt eftir frækna frammistöðu
í vetur.
Pabbi var líka í Gettu betur
Tómasi Geir þykir svipa nokkuð til pabba
síns, bæði í útliti en ekki síður í skapgerð.
Báðir eru þeir miklir keppnismenn og til-
finningaverur.
„Tómas er ótrúlega mikill keppnismaður
og gríðarlega tapsár,“ segir Hörður um son
sinn. „Við spilum alltaf á annan í jólum, fjöl-
skyldan. Þegar við höfum verið saman í liði
höfum við nær alltaf unnið. Ég man eftir
einu skipti þar sem við þó töpuðum í borðs-
pili og það varð allt vitlaust bara. Mamma
hans er kappsöm líka.“
Hörður segir að sonurinn hafi spurninga-
áhugann frá foreldrum sínum. „Við höfum
alltaf haft mikinn áhuga á spurningakeppn-
um og spiluðum Trivial Pursuit mikið á
sínum tíma. Ég keppti sjálfur í Gettu betur
með Flensborg. Ég held að það hafi verið
annað árið sem keppnin var haldin. Við
unnum í útvarpinu, sem þá var á Skúlagötu,
og komumst í sjónvarpssal.“
Erfitt fyrir pabba þegar ég hætti í
boltanum
Hörður var einn skæðasti framherjinn í ís-
lenska fótboltanum á sinni tíð. Hann segir
að Tómas hafi verið í fótbolta þegar hann
var yngri og nokkrir vina hans séu nú að
spila með FH. „Þegar hann var tólf eða
þrettán ára var hann frá í eitt og hálft ár
vegna krónískra bakmeiðsla. Þau bundu
enda á hans feril,“ segir Hörður.
Hörður segir að það sé engin tilviljun að
Tómas hafi náð svona langt í Gettu betur.
„Hann nær yfirleitt því sem hann stefnir
að.“
Sjálfur segir Tómas að það hafi verið
erfitt fyrir pabba sinn þegar hann hætti í
boltanum. „Það var smá sjokk fyrir pabba
þegar ég hætti í fótbolta til að einbeita mér
að leiklist en hann fyrirgaf mér það. Hann
hefur alltaf mætt á sýningarnar mínar og er
stoltur af mér.“
Hafnfirðingur í skóla í Garðabæ
Það vekur einmitt nokkra athygli að Tómas
skuli stunda nám í Fjölbraut í Garðabæ
enda af þekktum Hafnfirðingum kominn í
báðar ætti. Pabbi hans lék með FH og föður-
afinn, Magnús Ólafsson leikari, hefur lengi
haldið merki bæjarins á lofti. Skýringin er
einfaldlega sú að Tómas hafði áhuga á leik-
list og það er boðið upp á sérstaka leiklistar-
braut í FG. „Ég vildi auðvitað að hann færi
í Flensborg eins og pabbinn,“ segir Hörður.
„Þetta sýnir hvað hann hugsar sjálfstætt og
fram í tímann. Hann var tilbúinn að yfirgefa
vinina fyrir þetta nám. Systir hans gerði
einmitt það sama en hún útskrifaðist fyrir
einu eða tveimur árum.“
Á leið í heimsreisu með vinum sínum
„Þegar ég byrjaði á leiklistarbrautinni í
FG þekkti ég ekki neinn. Ég hafði komist
í úrslit með spurningaliðinu í grunnskóla
svo ég var spurður hvort ég vildi ekki mæta
í forpróf fyrir Gettu betur. Ég gerði mér
ekki miklar vonir en komst samt í liðið og
hef verið öll fjögur árin. Úrslitaviðureignin
var fjórtánda keppnin mín. Við höfum alltaf
komist í sjónvarpið en aldrei náð svona
langt,“ segir Tómas.
Tómas segir að uppeldið hafi gagnast
sér vel í Gettu betur. „Pabbi og mamma
eru bæði mjög menningarlega sinnuð og
vel með á nótunum í tónlist og kvikmynd-
um. Það eru einmitt mínir flokkar í Gettu
betur.“
Hann hefur ekki látið sér Gettu betur
nægja. Í vetur hefur hann verið forseti nem-
endafélagsins og keppt í Morfís. Þá hefur
hann líka leikið í söngleikjum í skólanum en
lét það vera í vetur.
„Ég útskrifast í vor og ætla mér að verða
leikari í framtíðinni. Ég fór í prufurnar í
LHÍ í janúar og komst í 40 manna hópinn.
Það verða aftur prufur í janúar á næsta ári
og þá reyni ég aftur. En þangað til ætla ég
að fara í heimsreisu. Það er búið að vera
klikkað að gera síðasta árið og nú ætla ég
að ferðast með vinum mínum.“
Höskuldur Daði Magnússon
hdm@frettatiminn.is
Tilfinningavera eins og pabbi
Tómas Geir
Harðarson fór
fyrir liði FG sem
komst alla leið í
úrslit Gettu betur
í vikunni. Tómas
er af þekktum
Hafnfirðingum
kominn og pabbi
hans, Hörður
Magnússon
íþrótta-
fréttamaður, er
stoltur af árangri
sonarins. Tómas
Geir ætlar sér
að verða leikari í
framtíðinni en að
útskrift lokinni í
vor ætlar hann að
skella sér í heims-
reisu með vinum
sínum.
Feðgarnir Tómas Geir
og Hörður í Hafnar-
firðinum. Þeir eru
svipaðir í skapgerð;
báðir tilfinningaverur
og tapsárir. Hörður
er stoltur af árangri
sonar síns sem komst í
úrslit Gettu betur með
FG. Ljósmynd/Hari
28 viðtal Helgin 13.-15. mars 2015