Frjáls verslun - 01.05.2011, Blaðsíða 6
6 FRJÁLS VERSLUN 5.tbl.2011
lEiðari
Ég er oft hugsi yfir því hvernig oddvitar ríkisstjórnarinnar, Jóhanna Sigurðardóttir forsætisráðherra og Steingrímur J. Sig fússon fjármálaráðherra,
kom ast upp með allt sem þau gera og
segja. Nýjasta dæmið er skuldabréfaútboð
ríkisins fyrir einn milljarð Bandaríkjadala
þar sem færri fengu en vildu. Það voru
aðallega fagfjárfestar í Bandaríkjunum og
Evrópu sem keyptu og var áhættuálag
þeirra miklu lægra en gert var ráð fyrir.
Stein grímur J. fjármálaráðherra sagði að
útboðið markaði tímamót fyrir Ísland. „Við
tökur fjárfesta styðja skoðun okkar á því að
endurreisn efnahagslífsins sé að heppnast
og horfurnar séu góðar,“ sagði Steingrímur.
Í þjóðaratkvæðagreiðslu um Icesave
sögðu Jóhanna Sigurðardóttir, Steingrímur
J. Sigfússon og Már Guðmundsson seðla
bankastjóri að erlendir fjárfestar myndu
frysta Ísland ef þjóðin samþykkti ekki
Ice save. Alþjóðleg lánshæfismatsfyrirtæki
myndu fella matið á Íslandi og þeir, sem
vildu á annað borð lána þjóðinni, gerðu
það á afarkjörum. Þetta var hræðsluáróður
en þau komast upp með allt sem þau segja.
Ég hafði orð á því í Icesaveumræðunni
að peningar færu ekki í fýlu. Ef fyrirtæki
hefði á annað borð ágætt eigið fé og traustar
framtíðartekjur fyndust ævinlega ein hverjir
sem vildu lána því. Finnst mér skulda bréfa
útboð ríkisins erlendis renna stoð um undir
þá kenningu.
Vonandi hefur Steingrímur rétt fyrir sér
um mat erlendu fjárfestanna á Íslandi. Hinn
venjulegi Íslendingur skynjar hins vegar
ástandið í atvinnulífinu ennþá sem brekku
og að ríkisstjórninni sé ekki treystandi til að
endurreisa atvinnulífið. Hann les að vísu
um það í blöðunum að bankarnir þrír hafi
hagnast um 70 milljarða á síðasta ári og það
stefni í 80 milljarða hagnað þeirra á þessu
ári; samtals 150 milljarða hagnað í dýpstu
kreppu lýðveldisins. Hvaðan kemur þessi
hagnaður? Hinn venjulegi Íslendingur veit
að það hefur verið samdráttur tvö ár í röð.
Skattar hafa verið hækkaðir og ýta undir
frekari samdrátt. Yfir 15 þúsund manns eru
atvinnulausir og fólksflótti er frá landinu.
Verðbólga er í pípunum eftir ábyrgðar
lausa kjarasamninga sem ríkisstjórnin ýtti
undir. Seðlabankinn boðar hækkun vaxta
í kjölfarið. Ströng gjaldeyrishöft hindra
fjárfestingu í landinu. Ríkisstjórnin hefur
áhuga á að rústa kvótakerfinu – merki
leg asta framlagi Íslendinga til alþjóðlegra
sjávar útvegsmála. Ríkisstjórnin sér Ísland
fyrir sér sem lokað þjóðfélag þar sem stýr
ingi n er æpandi – líkt og í kommúnista ríkj um.
Ríkisstjórnin klúðraði stjórnlagaþinginu.
Hæstiréttur dæmdi kosninguna til þing s ins
ólögmæta en sá dómur hafði enga merk
ingu fyrir ríkisstjórnina sem breytti nafninu
yfir í stjórnlagaráð og flestir hinna ólöglega
kjörnu fulltrúa settust í ráðið eins og ekkert
væri. Forsætisráðherra brýtur jafnréttislög
í mannaráðningum en segist alls ekki hafa
brotið þau heldur vandað til verksins.
Árni Páll Árnason efnahags og við
skipta ráð herra margendurtekur á fundum
að leið in út úr kreppunni sé að afnema
gjald eyris höftin og boðar „að opna markaði
út á við“. Gjaldeyrishöftin eru ólögleg sam
kvæmt EESsamningnum. Hann fram lengir
þau á Alþingi en fer nokkrum dög um síðar
út til Brussel á samráðsfund umsóknar ríkja
ESB og segir þar í ræðu að helstu áskor
anir sínar í efnahagsmálum séu hröð
un skuldaúrvinnslu heimafyrir, afnám
gjald eyrishafta og „opnun markaða út á
við“. EESsamningurinn gekk út á opnun
mark aða innan Evrópu; frjálst flæði vöru,
þjónustu, fjármagns og vinnuafls. Ráð
herrann þverbrýtur EESsamninginn en
sækir á sama tíma um aðild að Evrópu sam
bandinu. Hvernig væri nú að byrja á því
að standa við EESsamninginn? Hvernig
rökræðir þú við svona ráðherra?
Aðför ríkisstjórnarinnar að Geir H. Haarde er svo ósmekkleg og ranglát að engu tali tekur.
Steingrímur J. sagðist vera með „sorg
í hjarta“ eftir að hann setti Geir á
sakamannabekk fyrir vanrækslu í starfi.
Meginniðurstaðan í Rannsóknarskýrslu Al
þingis var að orsakir hrunsins væri að finna í
örum vexti bankanna, en þeir störf uðu sam
kvæmt fjármagnsfrelsi EESreglna, og vinnu
brögðum eigenda þeirra og stjórn enda.
Þegar ákæran á hendur Geir H.
Haarde er lesin er mjög erfitt að átta sig á
ákæruatriðunum og hvað þá að það séu meiri
líkur en minni á að hann verði sak felldur.
Þvert á móti kom í ljós í Ice s ave umræðunni
hversu snjall leikur það var hjá Geir að setja
neyðarlögin og bjarga því sem bjargað varð
þegar hinn alþjóðlegi fjármálafellibylur
reið yfir land ið og úr varð bankahrun,
gengis hrun og efnahagslegt hrun. Það er á
ríkis stjórn inni að skilja að Geir hafi komið
hinni al þjóðlegu fjármálakreppu af stað;
hann sé höfuðsökudólgurinn. Þegar hópur
fólks tekur til varnar með Geir stíga máls
metandi menn á stokk og segja að brennu
vargar geri hróp að slökkviliðinu. Það er
margt skrítið í kýrhausnum.
Ég spyr mig enn og aftur: Hvernig kemst
ríkisstjórnin upp með að klúðra hverju
málinu af öðru og fara nokkra hringi í
umræðunni?
Stjórnin kemst upp með allt!
Jón G. Hauksson
Ég spyr mig enn og
aftur: Hvernig kemst
ríkisstjórnin upp
með að klúðra hverju
málinu af öðru og
fara nokkra hringi í
umræðunni?
Verkefni okkar
eru misjöfn en
öll þarfnast
þau lausnar
kpmg.is