Frjáls verslun - 01.05.2011, Blaðsíða 13

FRJÁLS VERSLUN 5.tbl.2011 13
fyrst & frEmst
TexTi: SVAVA jÓnSdÓTTir myndir: geir ÓlAfSSon
hlær hressi lega. Þetta er eins og hreingern­
ing. Fólk ætti að gera þetta á hverjum degi.“
Gleðin smitar
Ásta segir að á vinnustöðum væri gott að
byrja á hláturjóga í fimm til fimmtán mínútur
á dag. „Sum fyrirtæki bjóða upp á jóga,
sem er hið besta mál, og einhverja leikfimi­
tíma á morgnana. Ég tel að hláturjóga gæti
alveg breytt andrúmsloftinu í fyrirtækinu.
Það er hægt að efla samvinnu, samkennd,
samvinnuanda, umburðarlyndi, hjálpsemi
og skilning á milli fólks innan fyrirtækis með
því að stunda hláturjóga.
Vinnuafköstin verða meiri vegna þess að
það er hægt að láta sér líða betur í vinnunni.
Sumum líður illa í vinnunni og þá hægist á
öllu en fólk verður jákvæðara ef það stundar
hláturjóga. Þar með lærir það að gleðj ast yfir
öllu smálegu sem það gerir og nýtur þess.
Fólk öðlast meira sjálfstraust.“
Ásta segir að stjórnendur í fyrirtækjum
séu oft einangraðir frá undirmönnum sínum
og kannski hræddir við að afhjúpa sig þar
sem þeir myndu þá missa einhver tök eða
völd. „Ég hef verið í fyrirtækjum þar sem
stjórnendur hafa tekið þátt í hláturjóga og
ég held í rauninni að þeir hafi meiri völd yfir
því sem gerist innan fyrirtækisins vegna
þess að þeir hafa alla með sér. Og skiln­
ingurinn á milli fólks er meiri. Stjórnendur
geta spilað á starfsmennina með því að
vera sjálfir jákvæðir og vera ekki hræddir
við að missa nein tök þótt þeir gleðjist með
hinum. Gleðin sem fylgir hláturjóga smitar
út frá sér út í allt fyrirtækið og síðan áfram.
Það er eins og þessar jákvæðu hugsanir
séu bylgjur sem fara út í loftið og efla bæði
innra starf og styrkja starfsemina út á við.“
Mikil guðsgjöf
Stundum er fólki ekki hlátur í hug en með
því að virkja hláturtaugarnar meðvitað og
af einskærri ákvörðun er hægt að láta sér
líða betur. „Ég geri mér sífellt betur grein
fyrir því hvað það er mikil guðsgjöf að geta
hlegið; og það upphátt.“
Ásta segir að þegar hlegið er sé líkaminn
að bregðast við einhverju áreiti. „Það verður
samdráttur í þindinni sem virkjar kirtla í
brjóstholi og hálsi auk þess að hafa áhrif á
heilann. Heilinn fer að framleiða endorfín og
fleiri efni sem auka vellíðan og gera manni
auðveldara að takast á við erfið viðfangs­
efni.“
Hún bendir á að sumir leiti í alls konar
efni svo sem vímuefni og fleira sem deyfir
t.d. óbærilegar tilfinningar. „Það er til önnur
leið. Hlátur er heilbrigð leið; þetta er einhver
heilbrigðasta leið sem til er.“
Sumum finnst óþægilegt að prófa hlátur­
jóga. „Ég tel að það sé vegna þess að
fólk þorir ekki eða það telur að hláturjóga
henti sér ekki. Það er hrætt við að leita að
barninu í sjálfu sér, leyfa því að vera frjálst
og leika lausum hala. Hláturjóga kemur ekki
í staðinn fyrir neitt en það styður allt gott
hvort sem það er mataræði eða líkamsrækt
og svo er það streitulosandi. Það er svo
ótrúlega margt sem maður getur haft upp
úr því að stunda hláturjóga. Fólk verður
fyrst og fremst að vera opið og hafa vilja til
þess að breyta og bæta líf sitt. Í öðru lagi fá
þeir meiri kímnigáfu sem stunda hláturjóga.
Það er styttra í hláturinn.“
Ásta er líka með þriggja
tíma námskeið sem hún
kallar „hláturjóga með
jákvæðu ívafi“. „Þá vek ég
athygli á því sem maður fer
að temja sér þegar maður
stundar hláturjóga.“