Frjáls verslun - 01.05.2011, Blaðsíða 103

FRJÁLS VERSLUN 5.tbl.2011 103
Ólíkur stjórnunarstíll kvenna og karla
og hlut tekn ingu. Þær leggja sig
fram um að skilja vandamálin til
hlítar og leggja raunsætt mat á
áskoranir, sem byggist bæði á
til finningum og staðreyndum.
Ávinningur kvenlegra áhrifa
Sá ávinningur sem getur falist í
eiginleikum kvenlegs stjórnunar­
stíls er fjölbreyttur. Konur eiga
til dæmis auðveldara en karlar
með að biðja um upplýsingar
og leiðbeiningar og opinbera
skort á þekkingu. Oft getur stolt
og hræðsla við niðurlægingu
staðið í vegi fyrir því að óskað sé
aðstoðar eða nauðsynlegra upp­
lýsinga og þekkingar sé aflað. Ef
ekkert er sagt er afleiðingin oft
minni framleiðni.
Konur líta gjarnan á spurning­
una „Hvað viltu gera?“ sem
upp haf að umræðum um val ­
kosti og sameiginlegri ákvarð­
anatöku meðan karlar líta á
þessa sömu spurningu sem
beiðni um ákveðið svar eða
lausn. Þessi eiginleiki kvenna
opnar fyrir að velt sé upp hug­
myndum, rætt um mismunandi
möguleika, kosti þeirra og
galla og ákvarðanir eru því oft
betur ígrundaðar. Þegar hraði
ákvarðanatöku er mikill er oft
litið fram hjá mikilvægum mögu­
leikum og áhrifaþáttum.
Konur eiga auðveldara með
að ræða áhyggjur sínar en karl­
ar og gera það ekki einungis
í þeim tilgangi að kalla á hjálp
eða að fá ábendingar um lausn­
ir, heldur einnig til að auðvelda
sér að skilja vandamálið sem
þær eru að kljást við. Ef karlar
viðra áhyggjur sínar er það oftar
í þeim tilgangi að fá frest til að
takast á við vandamálið síðar.
Þannig eru konur ekki eins
feimn ar við að opna umræður
og hlusta á aðra til að auka
inn sæi og flýta fyrir ákvörðun
um lausn.
Konur eiga það til að meta
úrslitakosti sem karlar setja
sem alvarlegar hótanir fremur
en aðferð í samningatækni. Í
þessu getur falist að konur taki
það sem sagt er of bókstaflega.
Konur leggja áherslu á að segja
það sem þær meina og meina
það sem þær segja og reikna
með að karlar geri það sama.
Konur hafa tilhneigingu til að
láta efasemdir sínar varðandi
ákvarðanir í ljós á meðan karlar
hafa tilhneigingu til að draga úr
þeim. Þess vegna er stundum
litið svo á að konur standi
ekki nægilega fast í lappirnar
varðandi ákvarðanir og valkosti.
Viðskiptavinir og hagsmuna­
aðilar vilja flestir forðast óvissu
og því kann það að vera meira
aðlaðandi að hlusta á þann
sem lýsir fullri vissu en þann
sem vekur athygli á óvissuþátt­
unum. Til lengri tíma litið eru þó
upplýstar ákvarðanir og meiri
vitneskja meira virði.
Konur hvetja gjarnan fólk
til aðgerða með því að vera
leið andi, koma með tillögur
og útskýra ávinning, á meðan
karl ar nota meira fyrirmæli eða
skip anir í þeim tilgangi. Báðar
leiðirnar geta verið skilvirkar
en aðeins við réttar aðstæður.
Skipanir geta átt vel við þegar
hraði er mikill og öryggi er í
húfi en í mörgum tilfellum er
leiðandi stjórnun árangursríkari
en skipandi. Að gefa starfsfólki
svigrúm og sveigjanleika til að
uppgötva á eigin spýtur og
reyna nýjar leiðir getur verið
mun áhrifaríkara og skilað mun
meiri árangri en fyrirmæli sem
veita ekkert svigrúm til þróunar.
Það sem við þurfum að vita
Það hversu ólík konur og
karlar geta verið í samskiptum
og stjórnunarstíl skapar ótal
tækifæri. Til að nýta tækifærin
þurfa bæði konur og karlar að
viðurkenna muninn, vera meðvit­
uð um tækifærin sem felast í
honum og leggja sig fram um
að fjarlægja hindranir sem
skap ast þegar ólík sjónarmið
og skoðanir skarast.
jafnréttisstEfna fyrirtækja
Það getur verið gagnlegt fyrir báða aðila að hafa
í huga að ekki er alltaf allt sem sýnist:
1. Konur og karlar beita mismunandi líkamstjáningu.

2. Konur tala gjarnan niður og gera lítið úr sérþekkingu sinni eða
hæfni á meðan karlar hafa tilhneigingu til að vilja draga
athygli að sér.

3. Karlar eiga auðveldara með að taka við viðurkenningu og hrósi
fyrir verk sín en konur.

4. Konum hættir til að draga úr áhrifum gagnrýni með jákvæðum
athugasemdum á meðan karlar geta sagt neikvæða hluti
umbúðalaust.

5. Konur hafa tilhneigingu til að þakka fyrir allt mögulegt þótt ekki
sé beinlínis þörf á því. Karlar líta á slíkar þakkir sem
veikleikamerki.

6. Konur spyrja gjarnan „hvað finnst þér?“ til að byggja undir
sameiginlegan skilning. Karlar túlka þessa spurningu gjarnan
sem vanmátt og skort á sjálfstrausti.

7. Konur nýta sér lítinn raddstyrk til að virka sannfærandi og ná
fram samþykki á meðan karlar nýta mikinn raddstyrk til að ná
athygli og valdi á samtalinu.

8. Konum finnst skorta á að karlar segi nógu skýrt frá hvað þær
gera rétt. Körlum finnst skorta á að konur segi skýrt frá hvað
þeir gera rangt.
Það er ljóst að það sama á við í viðskiptalífinu og í lífinu almennt. Ef
eðlilegur vöxtur og þróun á að eiga sér stað er nauðsynlegt að bæði kynin
komi að málum. Flestir eru í dag sammála um að árangursrík stjórnun sé
lærð hegðun en ekki bundin í genum og því geti bæði kynin tileinkað sér
áhrifaríkar aðferðir í stjórnun þótt líffræðilegar, samfélagslegar, menningar-
legar eða uppeldislegar aðstæður geri sumum það auðveldara en öðrum.
Fyrir konur sem vilja komast til aukinna áhrifa gæti því verið áhrifaríkast að
leggja áherslu á kvenlega eiginleika og styrkleika sem þeim eru eðlislægir
og gangast við þeim fremur en að keppast við að ná árangri á nákvæm-
lega sömu forsendum og með sömu aðferðum og karlmenn. Fyrir karla
sem vilja ná auknum árangri er ekki úr vegi að skoða fordómalaust hvaða
tækifæri geta legið í þessum svokölluðu kvenlegu eiginleikum.