Frjáls verslun - 01.05.2011, Blaðsíða 109

FRJÁLS VERSLUN 5.tbl.2011 109
jafnréttisstEfna fyrirtækja
Hjá Alcoa Fjarðaáli starfa á fimmta hundrað starfs­manna og eru um 22% þeirra konur, en markmið fyrirtækisins eru metnað­
arfull og er stefnt að því að konur verði í
framtíðinni um helmingur starfsmanna.
Innan fyrirtækisins er starfandi jafnrétt­
isnefnd sem nýverið lauk endurkoðun á
jafnréttisstefnu Fjarðaáls. Stefnan er byggð
á gildum fyrirtækisins sem eru sjö talsins
og er áhersla lögð á jöfn tækifæri kynjanna
til allra starfa, sambærileg laun karla og
kvenna fyrir svipuð störf auk þess sem
stefnt er að jöfnu hlutfalli kvenna og karla
innan fyrirtækisins.
Guðný Björg Hauksdóttir mannauðsstjóri
Fjarðaáls segir jafnréttisáætlun fyrirtækis­
ins ekki bara stefnu þess í jafnréttismálum,
heldur sé einnig í henni aðgerðaáætlun þar
sem jafnréttisnefnd úthluti verkefnum til
stjórnenda fyrirtækisins sem miða að því
að ná fram settum markmiðum. Nú eru
um 22% starfsmanna Fjarðaáls konur sem
þykir að sögn Guðnýjar gott í áliðnaði,
„en okkar markmið hafa frá upphafi verið
skýr, við stefnum að því að konur verði
um helmingur starfsmanna,“ segir hún.
Konur í framkvæmdastjórn eru 31% og
26% sérfræðinga Fjarðaáls eru konur. Það
er líka gaman að minnast á það að meðal
sumarstarfsmanna okkar eru konur 30%,
sem segir okkur að ungar konur líta greini­
lega á álver sem tækifæri fyrir sig“.
álver góður vinnuStaður
fyrir konur
Fjarðaál hefur verið í rekstri í fjögur ár
og segir Guðný Björg að því hafi fylgt
ákveðnar áskoranir þegar sett var á lagg­
irnar stórt framleiðslufyrirtæki í litlu sam­
félagi með takmarkað atvinnusóknarsvæði.
Íbúum á svæðinu hafði fækkað umtalsvert
áður en bygging álversins hófst, atvinnu­
tækifæri fyrir konur voru af skornum
skammti og því hafi það verið töluverð ás­
korun að ráða fólk til starfa hjá fyrirtækinu,
„og ljóst að við þyrftum að líta á allt landið
sem okkar ráðningarsvæði strax frá upp­
hafi,“ segir Guðný Björg.
„Við ákváðum að leggja mikla áherslu á
að laða konur til starfa og höfum alla tíð
talað opinskátt um að álver sé góður kostur
sem vinnustaður, fyrir konur jafnt sem karla.
Við gerðum ýmislegt til að vekja athygli
kvenna á vinnustaðnum, m.a. með auglý s­
ingum sem höfðuðu til þeirra og sérstök um
kvennafundum,“ segir Guðný Björg. Hún
nefnir m.a. minnistæðan fund sem efnt
var til þegar ráðningar starfsmanna stóðu
sem hæst. Álverið var enn í byggingu,
úrhellisrigning var og við bjuggumst ekki
við að nokkur sála mætti á fundinn. „En
austfirskar konur létu það ekki á sig fá og
um 300 konur komu í heimsókn og fengu
kynningu á fyrirtækinu og framtíðarstör­
fum sem í boði voru.“
vegferðin öll farin
með jafnrétti að leiðarljóSi
Þá nefnir Guðný Björg að Fjarðaál haldi
veglega upp á kvennadaginn 19. Júní ár
hvert og bjóði til sín konum af svæðinu.
„Ég tel mjög mikilvægt að halda upp á
daga og minnast viðburða sem tengjast
konum á einhvern hátt, það gefur lífinu lit
og þjappar að auki konum saman og veitir
þeim ákveðinn kraft,“ segir hún. Sjálf
er hún ákaflega stolt af því að starfa hjá
fyrirtæki í áliðnaði, „ekki síður en að starfa
hjá fyrirtæki sem leggur jafnríka áherslu á
jafnréttismál og Fjarðaál gerir. Það hefur
verið bæði skemmtilegt og krefjandi að
starfa hér við uppbyggingu fyrirtækisins
og við höfum þurft að takast á við margar
áskoranir til að komast þangað sem við
erum nú. Vegferðin hefur öll verið farin
með jafnrétti að leiðarljósi og að því búum
við,“ segir Guðný Björg.
fjarðaál leggur áherslu á að laða konur til starfa:
Stefnt að því 50% starfsmanna
verði konur
„Nú eru um 22% starfsmanna Fjarðaáls konur sem þykir að sögn Guðnýjar
gott í áliðnaði, „en okkar markmið hafa frá upphafi verið skýr, við stefnum að
því að konur verði um helmingur starfsmanna,“ segir hún.
Fjarðaál
Guðný Björg fyrir framan gamla Sómastaðahúsið sem stendur ofan við álver Fjarðaáls.