Frjáls verslun - 01.05.2011, Blaðsíða 110

110 FRJÁLS VERSLUN 5.tbl.2011
jafnréttisstEfna fyrirtækja
Ása Brynjólfsdóttir, rannsókna­ og þróunarstjóri Bláa Lónsins, hefur leitt vöruþróun fyrirtækisins frá
árinu 1993. Ása afhenti Katrínu Júlíusdótt­
ur iðnaðarráðherra fyrstu vörurnar, en
Katrín var heiðurgestur í spa­boðinu þegar
vörurnar voru fyrst kynntar.
Katrín sagði við þetta tilefni að það væri
sérstaklega ánægjulegt að vera við stödd
viðburðinn. Orka, nýsköpun, iðn aður og
ferðaþjónusta væru málefni iðnaðar ráðu ­
neytisins og í Bláa Lóninu sam einuðust allir
þessir þættir.
nýjar hagnýtingarleiðir
kÍSilSinS
Nýju Blue Lagoon­vörurnar eru: silica mud
exfoliator sem er endurnærandi skrúbb
fyrir andlit og líkama. Varan byggist á kísil
Bláa Lónsins og inniheldur örfínar kísilagn­
ir sem slípa húðina og fjarlægja dauðar húð­
frumur. Hér er á ferðinni einstök náttúru leg
vara án parabena.
Silica Foot & Leg Lotion inniheldur kísil
Bláa Lónsins sem styrkir og nærir auk þess
að innihalda mentól sem kælir, róar og frísk­
ar fæturna. Varan er frábær nýjung í Blue
Lagoon­vörulínunni og er fyrsta varan innan
línunnar sem er þróuð sérstaklega fyrir fætur.
Ása segir að kísillinn sé mest einkenn­
andi efni Bláa Lónsins. „Nýju vörurnar eru
afrakstur þróunarstarfs undanfarinna ára
þar sem áhersla er lögð á nýjar hagnýtingar­
leiðir kísilsins. Vísindarannsóknir sem við
höfum unnið í samstarfi við prófessor Jean
Krutmann, húðlækni og sérfræðing í öldrun
húðarinnar og áhrifum umhverfis á hana,
benda til þess að kísillinn styrki efsta varnar­
lag húðarinnar. Niðurstöður rannsóknanna
eru mjög áhugaverðar þar sem starfsemi
efsta varnarlags húðarinnar gegnir lykilhlut­
verki í heilbrigði hennar. Bláa Lónið hefur
sótt um einkaleyfi á þess um rannsóknum.
Blue Lagoon­húðvörurnar byggjast á Bláa
Lóns jarðsjónum og virkum efnum hans,
kísli, söltum og þörungum. Fyrstu vörurn­
ar voru settar á markað 1995 og voru þær
þróaðar með þarfir fólks með þurra og
viðkvæma húð í huga. Heildstæð vörulína
er nú fáanleg með vörum fyrir andlit og
líkama, þ.á m. andlitsvörur sem vinna
gegn öldrun húðarinnar ásamt ,,professi o­
nal“ vörulínu til notkunar á snyrtistofum
og í spa­meðferðum Bláa Lónsins. Allt
frá því að fyrstu vörurnar voru settar
á markað höfum við lagt áherslu á að
hlusta á þarfir markaðarins. Vörurnar
eru ofnæmispróf aðar og framleiddar við
vottaðar aðstæður. Bláa Lónið fylgir
evrópskum stöðlum um framleið slu
snyrtivara.“
Að sögn Ásu hefur Bláa Lónið í
gegn um árin átt frábært samstarf
við franskt snyrtivöruþróun ar­
fyrirtæki við þróun Blue Lagoon­
húðvaranna en mekka snyrti vöru­
iðnaðarins er í Frakklandi og þar liggur
gríð arleg þekking og reynsla á þessu sviði.
„Við leitumst ávallt við að vinna með færustu
sérfræðingum á þessu sviði,“ segir hún.
einStakt viStkerfi –
grænaframleiðSluaðferðir
Bláa Lónið er hluti af einstöku lokuðu vist­
kerfi. Nýtt merki er á bakhlið varanna með
táknmynd af vatni og texta sem myndar
hring með orðunum „geothermal eco­cycle,
energy for life“ en það vísar í uppruna
varanna sem byggjast á einstöku jarðvarma­
vistkerfi þar sem sjálfbærar og grænar
vinnsluaðferðir eru hafðar að
leiðarljósi.
,,Umhverfismál skipta
okkur miklu máli og
við erum t.d. nýfarin
að nýta kolsýru eða
afgas frá orkuver­
inu í Svartsengi til
þörungaræktun ar. Með
þessu móti sköpum við
verðmæt efni úr kolsýru/
afgasi og leggjum einnig lítil lóð á vogar­
skálarnar í kolefnisjöfnun.“
fimm hundruð konur fögnuðu komu nýrra
Blue Lagoon-vara í spapartýi Bláa Lónsins
Ása segir að kísillinn sé mest einkennandi efni Bláa Lónsins. „Nýju vörurnar
eru afrakstur þróunarstarfs undanfarinna ára þar sem áhersla er lögð á nýjar
hagnýtingarleiðir kísilsins.“
Bláa Lónið
Ása Brynjólfsdóttir, rannsókna- og þróunarstjóri Bláa Lónsins.