Frjáls verslun - 01.05.2011, Blaðsíða 123
FRJÁLS VERSLUN 5.tbl.2011 123
jafnréttisstEfna fyrirtækja
Um 80% starfsmanna Nýherja eru karlar og um 20% konur. Ástæðu þess að karlar eru í talsverðum meirihluta starfsmanna
má einkum rekja til þess að fleiri karlmenn
hafa gegnum tíðina menntað sig til tækni
starfa og sótt meira í tæknistörf en konur.
„Það er ástæða þess að við fáum mun fleiri
umsóknir frá körlum í tæknistörfin en
konur. Við leggjum hins vegar mikla áherslu
á að auka hlut kvenna innan Nýherja,“ segir
Valka Jónsdóttir starfsmannastjóri. „Nú
nýverið var fyrsta konan ráðin sem fram
kvæmdastjóri hjá fyrirtækinu. Þá voru tvær
konur valdar í stjórn og varastjórn fél agsins
á síðasta aðalfundi þess í byrjun ársins.“
gefur konum Skýr Skilaboð
Valka segir að fjölgun kvenna í stjórn og
æðstu stöðum innan Nýherja gefi skýr
skila boð um að fyrirtækið meti framlag
kvenna að verðleikum og það sé hvatning
til annarra kvenna að sækja um aðrar
stöður hjá Nýherja. „Við ráðum hins vegar
ekki konu af því að hún er kona, heldur
reynum við ætíð að velja hæfasta einstakl
inginn. Hjá Nýherja leggjum við einnig
áherslu á kynhlutlaus viðmið um frammi
stöðu í starfi; konum og körlum eru greidd
jöfn laun og þau njóta sömu kjara að öðru
leyti. Þá höfum við unnið með tölvunar
fræðideildum HR og HÍ þar sem konur eru
hvattar til þess að kynna sér tækninám í
því markmiði að fjölga konum í tæknistörf
um til framtíðar.“
háStökkvari Í
vinnumarkaðSkönnun vr
Valka segir að hjá Nýherja sé jafnframt öllu
starfsfólki gert kleift að samræma fjöl
skyldu ábyrgð og atvinnu. „Vinnutími fólks
er sveigjanlegur, allir hafa jafnan rétt til
endur menntunar og starfsþjálfunar og við
út hlutun verkefna, þátttöku í vinnuhópum
og framgöngu í starfi er þess gætt að kynin
hafi jafna möguleika til að taka þátt og axla
aukna ábyrgð. Sú leið sem Nýherji hefur
farið á eflaust þátt í því að fyrirtækið var
hástökkvari í vinnumarkaðskönnun VR
meðal stærri fyrirtækja nú í sumarbyrjun.
Skemmtilegt félagSlÍf
Um leið og hlúð er að fólki í starfi með
ýmsum hætti leggjum við einnig mikla
áherslu á að skemmta okkur saman þegar
tækifæri gefst. Við erum með afar grósku
mikið starfsmannafélag fyrir Nýherja og
dótturfélög auk fjölda fagklúbba, svo sem
golfklúbb og ljósmyndafélag. Þá ætlar
starfsmannafélagið að standa fyrir Þórs
merkurferð í júlí.“
mikil tækifæri
til að þróaSt Í Starfi
Nýherji á sér langa sögu í íslenskum upp
lýsingatækniiðnaði; saga fyrirtækisins
nær langt aftur, en það hét um tíma IBM
á Ís landi eða allt til ársins 1992 þegar
Nýherji varð að veruleika. „Á þessum tíma
hefur félagið eflst og styrkst og hjá því og
dótturfélögum starfa nú í kringum 560
manns, bæði á Íslandi og annars staðar á
Norðurlöndum. Nýherji stendur því afar
styrkum fótum og starfsfólk hefur mikil
tækifæri til að þróast í starfi, hvort sem það
er innan Nýherja eða annarra dótturfél aga,“
segir Valka.
meta framlag kvenna að verðleikum
„Hjá Nýherja leggjum við einnig áherslu á kynjahlutlaus viðmið um frammi-
stöðu í starfi; konum og körlum eru greidd jöfn laun og þau njóta sömu
kjara að öðru leyti.“
Nýherji
Valka Jónsdóttir, starfsmannastjóri Nýherja.