Frjáls verslun - 01.05.2011, Blaðsíða 143
FRJÁLS VERSLUN 5.tbl.2011 143
S
em markaðsstjóri
hjá Ferðaskrifstofu
Ís lands sé ég um
alla markaðsstefnu
og hönnun á fjórum
vörumerkjum; ÚrvaliÚtsýn,
Sumarferðum, Plúsferðum og
Viðskiptaferðum ÚrvalsÚtsýnar.
Öll merkin snúa að ferðaþjón
ustu erlendis en eru samt sem
áður með ólíkar áherslur og
kúnnahóp sem gerir starfið mjög
skemmtilegt og spennandi. Það
getur samt verið mikil vinna og
það koma nokkrir álagspunktar
yfir árið, en ég fæ mikið frelsi til
að vinna mitt starf og starfa með
frábæru fólki sem gerir vinnuna
bæði auðveldari og fjölbreyttari.
Í byrjun júní vorum við með
jómfrúflug á glænýjan áfanga
stað sem heitir Almería. Þetta
er í fyrsta skipti sem Íslendingar
ferðast þangað í beinu flugi.
Maður er alltaf með í maganum
fyrir slíkt því aldrei er hægt að
vera 100% viss um hvernig
heppnast með nýja áfangastaði.
Sem betur fer er mikil ánægja
með staðinn og hefst sumarið
með ágætum. Við finnum að
ferða þráin hjá Íslendingum er
meiri í ár en í fyrra og er framboðið
á ferðum því meira þetta árið.“
Daði er spurður hvort kuldinn í
byrjun sumars hafi ekki haft mikil
áhrif á söluna á ferðum í sólina.
„Salan hefur verið mjög góð hjá
okkur. Það merkilega er samt
að við finnum oft fyrir meiri sölu
þegar sól og hlýtt er á Íslandi.
Þá kemur fólk meira saman, er
jákvæðara og fær þessa sólar
landatilfinningu. Það er eins og
kuldinn hafi þau áhrif að fólk
dragi sig meira inn í hús og það
verði meiri kvíði og neikvæðni.
Þannig að ég vona innilega að
það fari að hlýna hérna, þá get
ur maður líka spilað meira golf.“
Daði er trúlofaður Írisi Elmu
Jónsdóttur Guðmann. Hún er
útskrifuð frá Háskóla Íslands
sem stjórnmálafræðingur með
áherslu á lögfræði. „Ég á rúm
lega tveggja ára dóttur, Árelíu
Dröfn, og verð að segja að
föðurhlutverkið er það hlutverk
sem hefur gefið mér mestan
þroska og ánægju. Sjálfur er
ég útskrifaður sem hagfræðing
ur frá Háskóla Íslands og tók
fjölmiðlafræði sem aukagrein.
Mín helstu áhugamál eru tón
list, að ferðast erlendis (auð
vitað), hönnun og golf. Ég er
í hljómsveit sem heitir Kakali.
Hljóm sveitin er lítið þekkt en
við gáfum út okkar fyrsta disk
í fyrra. Ég spila þar á píanó en
spila einnig á gítar og trommur.
Ef mig vantar innblástur eða
hugmyndir í vinnunni er ótrúlega
gott að geta farið í tónlistina því
þar þykir mér best að hugsa.
Ég elska líka að spila golf. Það
er alveg hættulegt hvað mér
þykir það gaman, þótt ég sé alls
ekki góður kylfingur. Það er fátt
betra en að vakna klukkan sex á
morgnana og ná níu holum áður
en maður mætir í vinnu. Alveg
magnað!
Það allra besta við starfið er
að ég fæ betra tækifæri til að
ferð ast erlendis. Ég hef oft líkt
ferða lögum við að lesa bók. Ef
þú ert alltaf á sama staðnum
hefurðu í raun bara lesið fyrsta
kaflann í bókinni … og mig
þyrstir í lestur. Á þessu ári hef
ég farið til Tenerife, Almería,
Alicante og Brighton. Besta ferð
mín hingað til var samt, verð ég
að segja, þegar ég fór, ásamt
unnustu minni, í skemmtisigl
ingu um Karíbahafið síðasta
haust. Þjónustan gerist ekki
betri, maturinn unaðslegur og
áfangastaðirnir spennandi. Það
var einstakt að vakna á hverjum
morgni, ganga út á svalir og sjá
nýjan áfangastað. Þetta mun
allavega lifa lengi í minningunni.
Við snorkluðum á Haítí í ferð sem
er eitt af því magnaðasta sem
ég hef gert, mæli hiklaust með
því. Það var bara eins og maður
væri staddur í kvikmyndinni
Finding Nemo.“
Daði Guðjónsson
– markaðsstjóri Ferðaskrifstofu Íslands
„Ef mig vantar innblástur eða hugmyndir í vinnunni er ótrúlega gott að geta farið í tónlistina
því þar þykir mér best að hugsa.“
Nafn: Daði Guðjónsson
Fæðingarstaður: Reykjavík, 16.
desember 1982
Foreldrar: Guðjón Margeirsson og
Margrét Jónsdóttir
Maki: Íris Elma Jónsdóttir Guðmann
Börn: Árelía Dröfn Daðadóttir
Menntun: BA í hagfræði með fjöl
miðlafræði sem aukagrein