Frjáls verslun - 01.02.2011, Blaðsíða 22
22 FRJÁLS VERSLUN 1.tbl.2011
Tekið á erfiðum
starfsmannamálum
Ingrid Kuhlman segir að margir stjórnendur eigi í erfiðleikum með að framkvæma nokkur stjórnunarleg verkefni. Eitt þeirra sé að ræða ófullnægjandi frammistöðu við starfsmenn.
„Fyrsta viðtalið er að öllu jöfnu óformlegt; stjórnandinn ræðir
mál ið og talar um það sem gerðist eða gerðist ekki. Hann segir
hvað honum finnst og fær fram hugmyndir um hvernig hægt sé
að leysa málin.
Ef sama málið er farið að koma upp oftar er ástæða til að taka
málin fastari tökum og vera með formlegt viðtal þar sem málin
eru rædd af skynsemi og ábyrgð til að tryggja að allar hliðar
komi fram – hvað gerðist, hvers vegna, hvernig eiga hlutirnir
að vera, hverjar eru afleiðingarnar af því að gera ekki eins og á
að gera, spyrja spurninga og fá fram aðgerðir til að laga málið.
Hann þarf að láta koma fram að breytinga er þörf og að öðrum
kosti muni fylgja afleiðingar eins og tilfærsla í starfi, áminning
eða jafnvel brottrekstur.“
Ingrid segir að meðhöndlun erfiðra starfsmannamála verði að
fara saman við skýra og uppbyggilega stjórnun; starfsmenn
þurfi að vita hvar þeir hafa stjórnandann – hvað hann er að
hugsa og hvað honum finnst um málin og hreinskilni verður að
vera í umræðum og sanngirni í aðgerðum.
„Stjórnendur stjórna fyrst og fremst með því að vera fyrirmynd
ir í orðum og gerðum. Fólk er líklegra til að framfylgja beiðnum
sem eru sanngjarnar og eðlilegar og líka ef það er sátt við
málsmeðferðina.“
Ingrid nefnir þrjú atriði sem sé gagnlegt að hafa í huga þegar
verið er að leita skýringa á hegðun eða leita leiða til að breyta
hegðun fólks.
„Í fyrsta lagi þarf að hafa í huga hvort eitthvað þurfi að skoða
eða vinna með hjá einstaklingnum, til dæmis hvað varðar kunn
áttu, viðhorf, líkamlega og andlega getu, þekkingu og reynslu
eða menntun.
Í öðru lagi þarf að athuga hvort eitthvað þurfi að skoða sem
varðar samstarfið og samstarfsmennina svo sem hópþrýsting,
menninguna á vinnustaðnum, starfsanda og lítinn stuðning.
Þriðja atriðið er hvort eitthvað þurfi að skoða eða vinna með
sem varðar skipulag svo sem starfslýsingar, verkferla, vinnu
brögð, skipulag vinnunnar, upplýsingaflæði, aðbúnað eða
aðstöðu.“
HOLLRÁÐ Í STJÓRNUN
Ingrid Kuhlman, framkvæmdastjóri
Þekkingarmiðlunar:
Nýttu þér
núllgrunns-hugsun
Þessi nálgun, sem á ensku kallast „zero based thinking“, byggist á þeirri hugmyndafræði að við ættum af og til að staldra við og spyrja okkur: „Miðað við þær upplýsingar sem ég bý yfir
núna, hverju ætti ég að hætta að sinna?“
Það sem plagar fólk hvað mest í dag og veldur hvað mestri streitu
er eftirsjá og hvað það heldur í gamlar ákvarðanir. „Kannski hefði ég
átt að…“ eða „bara ef ég hefði…“ eru algengar vangaveltur. Hollara
væri að láta fortíðina eiga sig og fyrst og fremst læra af henni.“
Thomas segir að rannsóknir sýni að um 70% ákvarðana fólks
og fyrirtækja reynist röng. Breytingar séu svo örar og forsendur
breytist það ört að oftar en ekki reynist ákvarðanir rangar.
„Með hliðsjón af þessu ættum við að íhuga hvort við ættum ekki
að hætta að gera hluti sem bara kosta okkur peninga og tíma en
skila engum árangri. Til dæmis hætta að selja vöru eða þjónustu
sem skilar ekki neinum arði. Losa um fjárfestingar um leið og
þær lækka í verði, ekki lifa í voninni um hækkun. Hætta í félaga
samtökum sem skila þér ekki í átt að markmiðum þínum. Hætta
verkefnum, viðskiptasamböndum og samskiptum sem skila ekki
tilætluðum árangri. Segja upp starfsfólki sem ekki stendur sig eða
segja upp í starfi sem þér leiðist. Stöðva tímaþjófa sem taka frá
þér tíma og strika út kostnað sem skilar ekki neinu virði.
Jack Welch talar mikið um „the reality principle“. Hann sagði að
við ættum að horfa á heiminn eins og hann er, ekki eins og við
vildum gjarnan hafa hann. Hann minnti á að von er ekki stefna í
sjálfu sér þegar hann sagði eitt sinn: „Hope is not a strategy.““
STJÓRNUN
Thomas Möller,
framkvæmdastjóri Rýmis:
þau hafa orðið
Þarfir viðskiptavinarins
Ásmundur Helgason segir að við markaðssetningu á vöru þurfi að leggja áherslu á hvaða þarfir sé verið að uppfylla. „Þegar fólk tekur ákvörðun um kaup á vöru eða þjónustu
er það að uppfylla þörf. Vörur og þjónusta geta t.d. uppfyllt þarfir
fólks um öryggi, stöðu í samfélaginu, sjálfsmynd og svo framveg
is. Sum fyrirtæki átta sig vel á þessu á meðan önnur fyrirtæki
auglýsa út frá öðrum þörfum í staðinn fyrir þörfum viðskiptavinar
ins. Þetta er eins og þegar fyrstu pctölvurnar voru auglýstar.
Sumir framleiðendur auglýstu innihaldið í tölvukassanum í staðinn
fyrir hvað tölvan gæti gert fyrir viðskiptavininn; hvaða þarfir hún
myndi uppfylla.“
Ásmundur segir að þetta sé fyrsta skrefið þegar farið er af stað
með markaðssetningu – að spyrja hvaða þarfir eigi að uppfylla. „Út
frá því er hægt að setja niður markmiðin sem á að ná með mark aðs
sókninni. Þegar því er lokið má huga að miðlanotkun og lokaskrefið
væri að fara í hugmyndavinnuna og skilgreina skila boðin. Þetta ferli
er nokkurs konar hringur því þörf er á stöð ugu endur mati.“
AUGLÝSINGAR
Ásmundur Helgason, markaðsfræð-
ingur hjá Dynamo: