Frjáls verslun - 01.02.2011, Blaðsíða 40

40 FRJÁLS VERSLUN 1.tbl.2011
fyrir tækja og á markaði. c) Þáttur óvissu,
hugmynda fræði og valda baráttu í þróun
þjóðfélags gerðarinnar.“
Þú kynntist prófessorunum Gylfa Þ. Gíslasyni
og Ólafi Björnssyni. Hvað lærðir þú af þeim?
„Ég held ég hafi næstum ekkert lært af
þeim í hagfræði, þar sem ég fór utan
strax að loknu stúdentsprófi og stundaði
ekki nám við Háskóla Íslands. Gylfi og
Ólafur hafa báðir verið mér fyrirmynd. Ég
kynntist Gylfa þegar ég var í menntaskóla.
Við Þorsteinn Gylfason vorum skóla­
bræður og góðir vinir. Gylfi hafði, að mér
fannst, meiri áhuga á bókmenntum, tónlist
og myndlist en á félagsvísindum. Þessi
viðhorf hafa eiginlega loðað við mig og
klofið mig að endilöngu. Ólafur, held ég,
var hagfræðingur af líf og sál. Hann var
heilsteyptur maður og heiðarlegur og ég
var honum yfirleitt innilega sammála um
efnahagsmálin. Við vorum samstarfsmenn
um árabil en ég kynntist honum ekki að
nokkru marki persónulega.“
Aðeins um kennarann Þráin Eggertsson.
Hvernig myndir þú sjálfur lýsa honum?
„Þegar ég var unglingur fékk ég andúð
á kennurum, eiginlega þar til ég settist í
Menntaskólann í Reykjavík. Þá fyrst naut
ég þess að vera í skóla. Þegar ég var við
nám í Ohio var mér boðið að kenna en ég
vildi fremur aðstoða við rannsóknir. Ég sá
mig ekki sem kennara. Síðasta árið mitt við
Ohio State University var ég knúinn til að
kenna og áttaði mig þá loks á því að mér
leið mjög vel í kennarapontunni. Ég held
að þetta séu einhverjir leikaradraumar. Mér
þykir líka vænt um unga fólkið sem kemur
í tíma hjá mér; nýt þess að tala við þau. Ég
held ég læri meira af þeim en þau af mér.
Í New York komu nemendurnir úr öllum
heimshornum og sömu sögu er að segja
hér í Hertie School í Berlín. Það er ótrúlega
lærdómsríkt að blanda geði við ungt fólk
víða að úr heimsbyggðinni.“
Hvað geturðu sagt mér um uppvaxtarárin á
Íslandi og fjölskylduna?
„Foreldrar mínir, Þrúður Gunnarsdóttir
og Eggert Gíslason, fæddust árið 1904
og eru bæði látin. Þau spruttu úr grasi á
sjávarbýlum rétt norðan við Blönduós.
Þekktust í æsku og voru reyndar skyld.
Fólkið mitt steig á örfáum árum út úr
gamla Íslandi og inn í iðnbyltingu tvö.
Pabbi minntist þess stundum þegar hann
sá í fyrsta sinn hús lýst upp með rafmagni.
Hann hafði farið unglingur suður til sjó­
róðra og umrætt hús var í Grindavík.
Þegar mamma var um tvítugt fóru hún og
systkini hennar öll nema elsta systirin til
Ameríku. Hún lærði hárgreiðslu í Winni­
peg en sneri svo aftur til Íslands eftir
nokkur ár og giftist pabba. Ég á marga
ætt ingja í Norður­Ameríku og hef fæsta
þeirra séð. Jón, bróðir mömmu, sneri einnig
aftur til Íslands. Hann er afi Bjarna Bene­
diktssonar alþingismanns.
Pabbi fór um tvítugt, minnir mig, til Reykjavíkur með sínu fólki. Þetta voru
uppgangstímar og kornungur keypti pabbi
í félagi við Bessa bróður sinn fiski skip og
myndarlegt steinhús innarlega við Laugaveg,
hús sem enn stendur. En svo kom kreppan
og fjölskyldan tapaði öllu. Foreldrar mínir
komust smám saman aftur til nokkurra
álna en nú voru þau afskaplega varkár.
Pabbi stundaði verslun og viðskipti í fremur
smá0um stíl. Við bjugg um í leiguhúsnæði við
Hverfisgötu þar til ég var 15 ára gamall og
lengst af áttum við ekki bíl. Þeir sem stunda
við skipti til langs tíma þurfa umfram allt
að afla sér trausts og það er gert með því að
standa við orð sín og skuldbindingar.
Traust skiptir hins vegar tiltölulega litlu
máli í akademíunni. Þegar ég var að alast
upp var lenska að tala illa um kaupmenn
og heildsala eins og þeir væru þorparar
upp til hópa. Mín reynsla hefur verið sú að
kaupmenn, ef frá eru taldir „farandsalar“, eru
að jafnaði heiðarlegri en prófessorar. Hlutfall
farandsala virðist þó hafa aukist á nýrri öld í
viðskiptalífi Íslendinga og nálægra þjóða!
Og aftur að varkárninni. Þegar íslensku bankarnir tóku að bólgna og þenjast
út með meiri hraða en gerðist annars staðar
í heiminum – þeir voru á lista yfir þá 10
banka í heimi sem hraðast uxu – gat ég
ekki séð að þetta væri eðlileg þróun. Velti
því jafnvel fyrir mér hvort erlendir aðilar
notuðu íslenska banka til að baða fé sitt.
Strax um og upp úr 2004 þegar ég rakst
á merka Íslendinga, svo sem fyrrverandi
forsætisráðherra, æðstu embættismenn
þjóðarinnar eða prófessora, gerði ég mér
far um að spyrja hvað væri að gerast í
bankamálum þjóðarinnar. Ég fékk alltaf
sama svarið. Þeir höfðu ekki hugmynd um
hvað væri að gerast og það væri aðeins
spurning um það hvenær kerfið myndi
hrynja. Ég man aðeins eftir einum við­
mæl anda sem taldi stöðuna sterka og fjár­
málakerfið í góðu lagi. Það hvarflaði ekki
að mér að eiga allt mitt undir þessu kerfi.
Ég neita því þó ekki að mér brá í brún
þegar bankarnir hrundu eins og spilaborg
– og við Íslendingar stóðum uppi einang­
raðir. Hrunið á evrusvæðinu er hins vegar
eins og kvikmynd í hægagangi sem er rétt
að byrja.“
Þú verður sjötugur 23. apríl. Hvernig ætlarðu
að halda upp á afmælið?
„Ég hef fundið viðeigandi eyðieyju til að
hugleiða tímamótin, en ég ætla að fresta
því um eitt ár að halda upp á afmælið!
Félagar mínir í Háskóla Íslands stefna að
smáráðstefnu vorið 2012 og munu bjóða
þangað nokkrum innlendum og erlendum
vinum mínum. Og þá verður haldið upp á
afmælið.“
Galbraith sagði einnig
að hagkerfi Banda ríkj­
anna mundi hrynja
ef sam keppnislöggjöf
lands ins væri fylgt
eftir af alvöru og að
að gerðir bandarískra
sam keppnisyfirvalda
gegn stórfyrirtækjum
væru sýndarmennska,
táknrænar fórnir.
Hann er alþjóðlegur heiðursprófessor við New York University og var um árabil gistiprófessor við Columbia-
háskólann í New York og ýmsa aðra bandaríska há skóla, eins og Stanford og Washington-háskóla í St. Louis.
Skuldlaus
banki!
Spennandi húsnæði til sölu eða leigu
Húsnæðið hýsti áður samskiptamiðstöð
Bandaríkjahers. Það var byggt árið 1997
og er tæplega 1.700 m2. Húsið er ákaflega
rammbyggt, hefur eins metra þykka
steypuveggi og stálhurðir sem hannaðar eru
til að standast loftárásir. Lóðin er afgirt og
slökkvistöð í næsta nágrenni. Húsið hentar
því vel sem geymsla fyrir mikilvæg verðmæti,
hvort sem þau eru stafræn eða áþreifanleg.
Skotheld bygging
Húsnæði með 100 íbúðum er til sölu eða
leigu. Húsið er 3.359 m2 á þremur hæðum.
Það var byggt árið 1976 og er í mjög góðu
ástandi. Baðherbergi og eldhús er í öllum
íbúðum og húsnæðið gæti því hentað
vel undir stúdentagarða, lýðheilsuskóla,
ráðstefnur o.fl. Húsið er staðsett í heilsu­
þorpinu á Ásbrú.
Lýðháskóli
Atlantic Studios er 4.730 m2 kvikmyndaver
í flug skýli sem þjónaði áður Bandaríkjaher.
Kvikmyndaverið er hið stærsta á Íslandi,
með 2.700 m2 aðalsviði (e. soundstage)
þar sem lofthæð er 9 metrar. Einnig er
þjónustuaðstaða með búningsherbergjum,
skrifstofum og kaffistofu. Kvikmyndin
Reykjavík Whale Watching Massacre var
meðal annars tekin upp í verinu.
Atlantic Studios
Húsnæðið er 292 m2 og hýsti áður banka. Húsið er steinsteypt á tveimur hæðum og var byggt árið 1956.
Gengið er inn á fyrstu hæð í afgreiðslu með afgreiðsluborðum. Á fyrstu hæð eru einnig tvær skrifstofur,
baðherbergi og peningaskápur. Á efri hæð eru sjö skrifstofur af ýmsum stærðum ásamt baðherbergi.
Húsnæðið hentar vel undir skrifstofur, verslun eða aðra þjónustu.
Hið sögufræga Andrews­leikhús er til sölu
eða leigu. Húsið var áður kvikmyndasýningar­
salur Nató, en byggingin var endurnýjuð árið
2010. Salurinn tekur 499 í sæti og sviðið er
100 m2. Myndvarpi, tjald og gott hljóðkerfi er
til staðar fyrir fyrirlestra. Húsnæðið hentar
undir leik­ eða kvikmyndasýningar, tónleika
eða ráðstefnur.
Andrews-leikhúsið
Sími 425 2100 | fyrirspurnir@kadeco.is
Þetta er einungis sýnishorn af þeim eignum sem eru til
sölu eða leigu á svæðinu. Nánari upplýsingar um eignir
á www.asbru.is/fasteignir.
Ásbrú er spennandi svæði þar sem fyrrum herstöð er
um breytt í samfélag frumkvöðla, fræða og atvinnulífs.
Á Ásbrú er stór háskólagarður,
spenn andi nám í boði hjá Keili,
kvik myndaver, heilsuþorp í
fararbroddi heilsu ferða mennsku,
tækniþorp þar sem alþjóðlegt
gagnaver er að rísa og fjöldi
áhugaverðra sprota fyrirtækja.
Mikil upp bygg ing er á svæðinu
og má þar nú meðal annars finna leikskóla, grunnskóla,
verslun og veitingastað.
P
IP
A
R
\T
B
W
A
-S
ÍA