Frjáls verslun - 01.02.2011, Blaðsíða 74

74 FRJÁLS VERSLUN 1.tbl.2011
orka og iðnaður
Bílaiðnaðurinn keppist nú við að koma
fram með frambærilegar lausnir en það er
mikill munur á því hvað er framkvæman­
legt og hvað vísindin segja að hægt sé að
gera. Í því sambandi er vert að hafa í huga
það sem kom fram í skýrslu McKinsey­ráð­
gjafarfyrirtækisins í desember síðastliðn­
um um stöðu rafbíla á markaði nú og í
framtíðinni. Það var niðurstaða þeirra að
engin ein tækni myndi verða allsráðandi
á markaði í framtíðinni og ryðja annarri
burtu. Þar sem aðstæður og kröfur verða
mismunandi mun fjölbreytt tækni verða
notuð eftir því hvar hún hentar.
Hvað okkur Íslendinga varðar er ljóst að
við getum vænst jákvæðrar þróunar sem
ætti smám saman að lækka rekstrarkostn­
að bíla. Í raun veltur það fyrst og fremst á
skattastefnu stjórnvalda hvernig bílaeig­
end ur koma út úr því en í dag er bíllinn
mikil vægur tekjustofn fyrir ríkissjóð og
óvíst að stjórnvöld vilji gefa það eftir svo
auðveldlega.
Ef við fyrst lítum á valkost, sem er við
bæjardyrnar hjá okkur, þá gæti það metan
sem fellur til í dag knúið um 5.000 bíla.
Með smátilfæringum væri hægt að auka
metanframleiðslu verulega, jafnvel svo að
það gæti knúið um 20.000 bíla eða 10­15%
af bílaflota okkar. Á síðasta ári var 150 bíl um
breytt þannig að þeir geti notað met an. Núna
bjóða bílaumboðin Hekla og Askja upp á
átta gerðir bíla sem eru með fullkominn
metanbúnað frá framleiðanda. Ör fjölgun
er á þeim verkstæðum sem breyta eldri
bílum svo þeir geti gengið fyrir metani.
Spár gera ráð fyrir að í lok þessa árs verði
um 1.000 bílar knúnir metani og samhliða
fjölgun áfyllingarstöðva má ætla að metan
sæki verulega á. Þessar tölur benda ekki
til byltingar heldur jafnrar og stöðugrar
þróunar.
Aðrir innlendir orkugjafar, sem henta
vel til að knýja bílaflota okkar og spara
dýrmætan gjaldeyri, eru rafmagnsbílar og
vetnisknúnir bílar. Auðvelt er að framleiða
vetni hér á landi og í áðurnefndri skýrslu
McKinsey eru leiddar líkur að því að fram
til ársins 2025 geti verð vetnis lækkað um
70% miðað við núverandi framleiðsluverð
úr metangasi. Þá er átt við framleiðsluverð
erlendis en ekki hér heima þar sem metan
er í raun hliðarafurð. En McKinsey segir að
þetta sé háð skynsamlegri uppbyggingu
innviða og dreifikerfa.
Það segir sig sjálft að það verður ávallt
mjög ódýrt að knýja rafmagnsbíla hér á
landi, einfaldlega vegna þess að við höfum
ódýrt og umhverfisvænt rafmagn. Í ljósi
þess er í raun undarlegt hve lítið hefur
verið gert til að flýta þessari þróun hér á
landi. Þess er vænst að efnarafalar muni
lækka um allt að 90% og rafhlöður um
80% fyrir 2020. Hve langt er í hagkvæma
rafmagnsbíla er erfitt að segja en benda
má á að nýleg könnun þýska rann sókn­
ar fyrirtækisins ADAC sýnir að töluvert
dýrara sé að reka rafmagnsbíl en sambæri­
legan bíl með hefðbundnum drifbúnaði
enn sem komið er. Rafmagnsbílar í virkri
not kun á Íslandi eru nánast teljandi á fingr­
um annarrar handar.
En á meðan við erum að leita að réttri
framtíðartækni er að verða til mjög áhuga­
verð tækni og það eru tvinnbílar (hybrid).
Eins og kemur fram hér annars staðar er
Toyota með metnaðarfulla áætlun í gangi
varðandi tvinntæknina en gert er ráð fyrir
að allir þeirra bílar verði boðnir með þessa
tækni fyrir árið 2020.
Um leið er unnið að innleiðingu innstungu­
tækni (plug­in). Á milli 500 og 600 tvinnbílar
hafa verið seldir á Íslandi, nánast allir af
Toyota­ eða Lexus­gerð. Heildarfjöldi tvinn­
bíla í heiminum er þrjár milljónir.
Nýaldarbílar Íslendinga
Um síðustu áramót hófst verðstýring stjórnvalda þegar kemur að meng-
un bíla. Bílar sem menga mikið eru núna dýrari en áður, bæði í innkaupum
og rekstri, og það helst í hendur við hækkandi eldsneytisverð.
TexTi: siGurður Már Jónsson
Gæti knúið fimm þúsund metanbíla
Það metan sem fellur til núna á Íslandi
gæti knúið um 5.000 bíla. Með smátilfær­
ingum væri hægt að auka metanfram­
leiðslu verulega, jafnvel svo að það gæti
knúið um 20.000 bíla eða 10­15% af
bílaflota Íslendinga.
eitt þúsund metanbílar í lok þessa árs
Spár gera ráð fyrir að í lok þessa árs verði
um 1.000 bílar knúnir metani og samhliða
fjölgun áfyllingarstöðva má ætla að metan
sæki verulega á.
rafmagnsbílar
Það verður ávallt mjög ódýrt að knýja raf­
magnsbíla hér á landi, einfaldlega vegna
þess að við höfum ódýrt og umhverfis­
vænt rafmagn. Í ljósi þess er undarlegt
hve lítið hefur verið gert til að flýta þessari
þró un hér á landi.
Rafhlöður að lækka í verði
Þess er vænst að efnarafalar muni lækka
um allt að 90% og rafhlöður um 80% fyrir
2020.
Tvinnbílar á Íslandi
Á milli 500 og 600 tvinnbílar hafa verið
seldir á Íslandi, nánast allir af Toyota­ eða
Lexus­gerð. Heildarfjöldi tvinnbíla í heimin­
um er þrjár milljónir.Það verður ávallt mjög ódýrt að knýja rafmagnsbíla hér á landi.