Frjáls verslun - 01.02.2011, Blaðsíða 75

FRJÁLS VERSLUN 1.tbl.2011 75
Bækur
Bókin Fish! eftir Step hen C. Lundin, Harry Paul og John Christensen kom fyrst út í íslenskri
þýðingu árið 2005, útgef andi
Salka, og á sjaldan betur við en
núna þegar erfiðleikar steðja að
fjölda fyrirtækja. Eins og segir á
bókarkápu er hugmynda fræðin
„einstök leið til að auka vinnu­
gleði og bæta starfsárangur“.
Sýnt hefur verið fram á
tengsl starfsánægju og ánægju
viðskipta vina með fjölda rann­
sókna. Ánægðir viðskiptavinir
koma aftur og aftur og það er
því til mikils að vinna að stuðla
að ánægju starfsmanna. Í erfi ðu
árferði verður erfiðara að halda
uppi starfsánægju vegna fjölda
utan aðkomandi þátta og því
gaman að sjá að hugmynda fræð­
in Fiskur virðist vera að ganga í
end urnýjun lífdaga hjá stjórn end­
um. Þessi einfalda hugmynda­
fræði byggist á samnefndri bók
sem er dæmisaga um stjór­
nanda sem tekur við erfiðri deild í
fjármála stofn un og hvernig henni
tekst með hjálp fisksala að breyta
eitruðu andrúmslofti og neikvæðu
viðhorfi starfsmanna sinna til
hins betra.
Einfalt og aðgengilegt
Það sem gerir hugmyndafræðina
að Fisknum svo árangursríka er
einfaldleiki hennar. Einfaldleik­
inn gerir það að verkum að
hug myndafræðina má yfirfæra
á hvaða fyrirtæki sem er, í hvaða
starfsgrein sem er.
Í sinni einföldustu mynd geng­
ur hún út á að velja viðhorf sitt,
sama hvaða verkefni er sinnt.
Öll vinna getur verið leiðinleg
fyrir þann sem verður að vinna
hana en mörg höfum við þurft
að láta breytingar á verksviði
yfir okkur ganga undanfarin miss ­
eri. Við getum kannski ekki valið
verkefnin en við getum öll valið
viðhorf okkar gagnvart þeim.
Í öðru lagi hvetur hún starfs­
fólk til að hafa meira gaman í
vinnunni með því að bregða á
leik og það er nokkuð sem fisk­
salarnir eru snillingar í með því
að kasta fiskum sín á milli, bjóða
viðskiptavinum að reyna að grípa
sleipan fiskinn o.fl. Þegar við leik­
um okkur erum við lík legri til að
gera daginn eftir minni legan. Það
er einmitt það sem fær fólk til að
koma aftur og aftur.
Að lokum hvetja fisksalarnir
okkur til þess að vera til staðar;
þ.e. gefa okkur af heilum hug
þegar við tölum við fólk eða
sinn um verkefnum. Þannig ná­
um við meiri árangri.
Hljómar einfalt en er oft hæg­
ara sagt en gert, sérstaklega
í erli dagsins. En það er þess
virði þar sem vinnugleðin eykst
og með henni árangurinn.
Fyrir hverja?
Sjaldan eða aldrei hefur verið
mikilvægara að leita leiða til
að auka vinnugleði og afköst.
Bókin er tilvalin fyrir stjórnendur
og starfsmenn sem vilja bæta
orkuna á vinnustöðum sínum,
auka starfsgleði, minnka vinnu­
leiða og koma í veg fyrir kulnun
í starfi. Hún er einnig tilvalin
fyrir skipulagsheildir sem vilja
auka samvinnu sín á milli og
bæta afköstin og andrúmsloftið
á vinnu staðnum. Fjölmargir
vinnustaðir hafa innleitt þessa
hugmyndafræði með góðum
árangri. Til dæmis er lögð mikil
áhersla á Fiskinn hjá Íslenska
gámafélaginu sem valið var
fyrirtæki ársins í flokki stærri
fyrirtækja í VR­könnuninni 2010.
Helga Fjóla Sæmundsdóttir,
framkvæmdastjóri starfsmanna­
sviðs fyrirtækisins, segir lítinn
vafa á því að Fiskurinn eigi stór­
an þátt í starfsánægju innan fyrir­
tæk isins. Það er ekki eftir neinu
að bíða. Fiskurinn! er einfaldur
og auðlesinn og mun klárlega
veita lesandanum innblástur til
að gera breytingar sem stuðla
að aukinni starfsánægju og þar
með auknum árangri.
Fiskurinn eykur starfsánægju
Leið til að finna vinnugleðina á ný? Hvernig Fiskbúðin Pike Place í Seattle varð inn­
blástur að einfaldri en áhrifaríkri hugmyndafræði sem hvetur starfsmenn til að hafa
gaman af því sem þeir eru að gera og auka þannig árangur og afköst.
TexT: UnnUr valborG HilMarsdÓTTir
„Fiskur! Er dæmisaga, tilbúningur um að finna hina djúpu orkulind,
sköpunarkraft og ástríðu sem blundar innra með okkur öllum með því að
læra að unna því sem við gerum, jafnvel þótt í svipinn séum við ekki að
gera nákvæmlega það sem við viljum.“
HugmyndaFræði Fisksins
Veldu þér viðhorf – Þú hefur alltaf val um hvernig þú vinnur vinnuna þótt
þú hafir ekki val um vinnuna sjálfa.
Leiktu þér – Börn leika sér óhikað en fullorðnir virðast tapa þessum
eiginleika.
Gerðu daginn eftirminnilegan – Fólk kemur aftur ef við gerum
eitthvað eftirminnilegt og öðruvísi.
Vertu til staðar – Við viljum öll vera mikilvæg og skipta máli. Gefðu
þig allan í þau samskipti sem þú átt í hverju sinni í stað þess að vera
annars hugar.
Fisksölunum í Pike Place tekst þetta meistaralega eins og velgengni
hugmyndafræðinnar sýnir og sannar. Það er ekki síst einfaldleikinn sem
gerir það að verkum að hugmyndafræðin hefur náð mikilli útbreiðslu.
Í sinni einföldustu
mynd gengur Fisk­
urinn út á að velja
viðhorf sitt, sama
hvaða verkefni er
sinnt. Við getum
kannski ekki valið
verkefnin en við get­
um öll valið viðhorf
okkar gagnvart þeim.
Einstök leið til að
auka vinnugleði og
bæta starfsárangur
Fisksalarnir í Seattle hafa veitt
stjórnendum og starfsmönnum út
um allan heim innblástur til að auka
vinnugleði og bæta afköst.