Frjáls verslun - 01.03.2011, Blaðsíða 43

FRJÁLS VERSLUN 3.tbl.2011 43
Yngvi Pétursson, rektor MR:
Tilbúnir að leggja
mikið á sig
Þ
að er ánægjulegt að nemend­
ur Menntaskólans í Reykjavík
standa sig vel. Þetta er hvatning
til skólans og bendir til þess
að við séum á réttri braut í
skóla starfinu,“ segir Yngvi Pétursson, rektor
Mennta skólans í Reykjavík, um könnunina.
„Á hverju ári fáum við góða nemendur í
skólann sem eru tilbúnir að leggja mikið á
sig og í skólanum er hópur áhugasamra og
vel menntaðra kennara sem eru reiðubúnir
að aðstoða þá. Nemendur eiga jafnframt
hrós skilið fyrir að halda uppi öflugu félags­
lífi. Við reynum að veita þeim gott nám en
markmið skólans er m.a. að undirbúa þá vel
undir háskólanám.
Helstu styrkleikar skólans eru áhugasamt og
vel menntað starfsfólk og dugleg ir nemend ur
sem saman mynda sterka liðs heild.
Þessi könnun skoðar takmarkaða þætti
í fjölbreyttu starfi skólanna. Það er ánægju­
legt að vakin sé athygli á þátttöku nemenda
á margvíslegum vettvangi utan hefðbund­
ins skólastarfs. Á þessum vettvangi eru
t.d. fulltrúar Íslands valdir til að taka þátt
m.a. í ólympíukeppni í eðlisfræði, efnafræði
og stærðfræði. Nemendur fá þjálfun hjá
háskólakennurum í undirbúningnum. Þessi
lið eru skipuð framúrskarandi námsmönn­
um í þessum greinum og eiga skilið að fá
viðurkenningu fyrir framlag sitt.“
Lárus H. Bjarnason, rektor MH:
Skólinn í hópi þeirra
eftirsóttustu
M
ér finnst að tala þurfi var­
lega um „bestu“ framhalds­
skólana á grundvelli þeirra
atriða sem könnunin tekur
til þar eð þau vísa hvorki
til viðmiða námskrár né hvernig nemendum
vegnar í námi eða starfi að framhaldsskóla
loknum,“ segir Lárus H. Bjarnason, rektor
Menntaskólans við Hamrahlíð.
„Að því sögðu gleðst ég að vissulega yfir
vísbendingum um að nemendur MH standi
sig vel miðað við aðra í ýmsum þrautum sem
þeir velja sér utan hins eiginlega skólastarfs.
Ég þekki ekki til annarrar samantektar
um þetta en hitt vissi ég að sjálfsögðu að
skólinn er í hópi þeirra eftirsóttustu meðal
grunnskóla nemenda og kennararnir eru vel
menntaðir.
Ég held að ég velji bara stutta svarið við
því hverju megi þakka árangurinn; áhuga­
sömum og duglegum nemendum og
kenn urum. Þeir eru jafnframt helsti styrkleiki
skólans í bland við þá stefnu að hafa náms­
fyrirkomulag það sveigjanlegt að ólíkir nem­
endur fái notið sín. Þeir fá tækifæri og læra
að bera ábyrgð.
Góður skóli getur alltaf orðið betri. Eitt af
því sem gerir skólann góðan að mínu mati er
metnaður kennara og frumkvæði að því að
feta nýjar slóðir í kennslu og gera tilraunir.“
Ingi Ólafsson, skólastjóri
Verzlunarskóla Íslands:
Mismunandi hefðir í
skólum
M
ér finnst hæpið að tala um
gæði framhaldsskóla út frá
könnun sem þess ari. Það
eru mismunandi hefðir í ein­
stökum skólum og nemen­
dahópurinn er mjög misjafn. Í Verzlun ar­
VIðBRöGð SKÓLASTJÓRNENDA
Frjáls verslun leitaði eftir viðbrögðum skólastjórnenda í þeim skólum sem efstir urðu í saman-
tektinni í ár. Spurt var um gengi þeirra eigin skóla, hverjir styrkleikar skólans væru og hvar svig­
rúm væri til bætingar, að þeirra mati. Loks voru þeir spurðir hvort hvort það væri eitthvað annað
varðandi könnunina sem þeir vildu að kæmi fram. Svör þeirra eru birt í blaðinu.
Yngvi Pétursson, rektor Menntaskólans í Reykjavík.
Lárus H. Bjarnason, rektor Menntaskólans við Hamrahlíð.