Frjáls verslun - 01.11.2011, Blaðsíða 145
FRJÁLS VERSLUN 11. TBL. 2011 145
Ferðaskrifstofan GB ferð ir ehf. var stofnuð árið 2002. Fyrirtækið sérhæfi r sig í borgar-,
golf- og skíðaferðum. Hvað
varðar starf mitt þá er ég titlaður
framkvæmda stjóri og sem
slíkur hef ég snertifleti víðar í
fyrir tækinu, m.a. markaðsmál,
vefmál, vörustjórn og sam
skipti við erlenda birgja, sölu,
áætlanagerð, stefnumótun
o.fl. Um þessar mundir er verið
að undirbúa sölu á golf- og
borgar ferðum á fyrri hluta 2012
auk þess að undirbúa vörulínu í
tengsl um við nýjan áfangastað
Iceland air í Bandaríkjunum.
Hvað varðar golfferðir vorsins
erum við að bæta nokkrum
áfangastöðum við þá þrettán
sem fyrir eru. Þeir helstu eru
Rusack’s-hótelið í St. Andrews,
Marine-hótelið í North Berwick í
Skotlandi, Barcelo Marine-hó tel ið
í Troon og Brocket Hall í London.
Í borgarferðunum erum við að
taka upp samstarf við Jum e irah-
keðjuna, eina bestu hótel keðju
í heimi. Þeir eru hvað þekktastir
fyrir hótelin sín í Mið-Auturlönd-
um, en hafa í aukn um mæli
opnað hótel í Vestur-Evrópu.
Nýjasta afurð þeirra er Jumeirah
-hótelið í Frank furt. Hótelið er
sér staklega vel heppnað og
vel staðsett við Zeil, eina helstu
verslunargötu Evrópu. Fankfurt
er skemmtileg heim að sækja
og þarna erum við komin með
gullmola. Önnur Jumeirah-hótel
sem við hefjum væntanlega
sam starf við á næsta ári eru í
Lon don og New York.
Þar sem sölutímabilinu í skíða -
ferðum lýkur senn höfum við
þegar hafist handa við að skipu-
leggja veturinn 2012-2013. Við
munum eins og fyrri ár bjóða
upp á ferðir til Evrópu, en mesta
áherslan á næsta ári verður á
Colorado í Bandaríkjunum. Við
höfum tuttugu ára reynslu af
viðskiptum við skíðasvæðin í
Colorado og höfum ávallt trúað
á svæðið. Þaðan koma allir til
baka með bros á vör. Hafi ein-
hver farið einu sinni til Colorado
á skíði er erfitt að fara eitthvað
annað, enda fölna önnur svæði
í samanburði. Skíðatímabilið
er langt; frá miðjum nóvember
fram í miðan apríl. Svæðin eru
stórbrotin, ná 4.000 metra hæð
og eru allt að 2.500 hektarar
að stærð. Þekktustu svæðin
eru Aspen og Vail. Aspen hef ur
verið í miklu uppáhaldi hjá mér
persónulega. Ég hef fa rið þang-
að nánast á hverju ári frá 1994.
Að meðaltali eru sjö manns per
hektara þannig að oftar en ekki
upplifir maður sig einan í fjallinu.
Bærinn er fjölbreyttur; þar eru
yfir 150 veitingastaðir, kaffihús,
barir, kvikmyndahús, leikhús,
verslanir, listagallerí, tónleikar
og fjölbreytt götulíf.“
Jóhann Pétur er kvæntur Berg-
lindi Rut Hilmarsdóttur hdl. Sam-
an eiga þau tvö börn, Guðríði
og Hilmar Kára. „Áhugamálin
tengjast vinnunni að mestu.
Þau eru meðal annars ferðalög,
skíði, golf, skvass, vindlasöfnun
og hófleg neysla þeirra.“
Síðasta frí var til Sikileyja á
Ítalíu. „Við gistum á sunnan
verðri eyjunni, á Verdura Golf &
Spa Resort nálægt smábænum
Sciacca, vorum þar í vikutíma
sem var himneskt. Verdura er
hluti af RoccoForte Collection
sem er í miklu uppáhaldi hjá
okkur hjónum. Oftar en ekki eru
fríin tengd vinnunni þannig að
við erum ýmist á skíðum, í golfi
eða í einhverri stórborginni.“
Jóhann Pétur Guðjónsson
– framkvæmdastjóri GB ferða
„Áhugamálin tengjast vinnunni að mestu. Þau eru meðal annars ferðalög, skíði, golf, skvass,
vindlasöfnun og hófleg neysla þeirra.“
Nafn: Jóhann Pétur Guðjónsson
Fæðingarstaður: Reykjavík, 21.
febrúar 1971
Foreldrar: Guðríður Sveinsdóttir
og Guðjón Böðvarsson
Maki: Berglind Rut Hilmarsdóttir
Börn: Guðríður, átta ára, og Hilmar
Kári, þriggja ára
Menntun: BS í markaðsfræðum frá
University of Colorado