Frjáls verslun - 01.04.2007, Page 58

58 F R J Á L S V E R S L U N • 4 . T B L . 2 0 0 7
L A X V E I Ð I
Ég held að ég fari rétt með það að stang-ardagar í laxveiði á landinu öllu séu taldir vera um 35 þúsund talsins á
sumri. Stangaveiðifélag Reykjavíkur (SVFR)
er alls með um 60 veiðisvæði á sínum vegum
og skiptingin milli lax- og silungsveiðisvæða
er því sem næst jöfn hjá okkur. Við erum
með alls um 16 þúsund stangardaga til ráð-
stöfunar á þessu sumri og þar af eru tæplega
10 þúsund í laxveiði,“ segir Bjarni Júlí-
usson, formaður SVFR, í samtali við Frjálsa
verslun.
Stangaveiðifélag Reykjavíkur er stærsta
áhugamannafélag um stangaveiði á landinu
og félagsmenn eru nú á milli 3200 og 3300
talsins. Mikil fjölgun hefur orðið í félaginu
síðustu mánuði og misseri og lætur nærri að
fjölgunin nemi rúmlega 1000 manns á sl.
tveimur árum. SVFR hefur til ráðstöfunar
um fimm stangardaga fyrir hvern félagsmann
um þessar mundir og er skiptingin þannig að
þrír stangardagar eru í laxveiði en tveir stang-
ardagar í silungsveiði. Að sögn Bjarna þarf að
fara aftur til árdaga félagsins til þess að finna
dæmi um hærra hlutfall stangardaga á hvern
félaga, en SVFR var stofnað 17. maí árið
1939. Miðað við að félagsmönnum fjölgi um
10% á ári næstu ár þá þarf SVFR að bæta
við 1500 til 1600 stangardögum á ári, bara
til þess að halda í horfinu. Það hefur tekist
sl. tvö ár en Bjarni viðurkennir að það hljóti
að koma að því að stangardögum á hvern
félagsmann fækki á nýjan leik, þ.e.a.s. ef þessi
mikla fjölgun félagsmanna heldur áfram.
Erlendum veiðimönnum
hefur fækkað verulega
Að sögn Bjarna hefur sala veiðileyfa á vegum
SVFR gengið mjög vel og síðustu ár hefur
félagið verið að selja um 80-90% veiðileyfa
sinna ef miðað er við verðmæti. Félagið hefur
til ráðstöfunar fjölbreytt úrval veiðileyfa, allt
frá ódýrri silungsveiði og tilraunaveiðileyfi
í laxi á fyrrum netaveiðisvæðum í Hvítá í
Árnessýslu og upp í dýr laxveiðileyfi í ám eins
og Norðurá í Borgarfirði. Verðið fyrir dýr-
ustu dagana í þeirri á er vel á annað hundrað
þúsund krónur fyrir stöngina en fyrir ódýr-
ustu dagana er verðið tæplega 18 þúsund
krónur. Við það verð bætist svo húsgjald fyrir
fæði og gistingu. Er það 7.900 og 13.900
krónur sumarið 2007.
„Það blasir við að ásókn í laxveiðileyfi
hefur farið vaxandi. Íslenskir veiðimenn eru
í miklum meirihluta hjá okkur og sumarið
2006 nam sala til erlendra veiðimanna vart
nema 5% af verðmætum. Sala til íslenskra
fyrirtækja hefur farið vaxandi en þrátt fyrir
það eru fyrirtækin ekki með hátt hlutfall
stangardaga. Hvað varðar verðmætin þá gæti
Bjarni Júlíusson er formaður Stangaveiðifélags Reykjavíkur
„Dýrustu veiðileyfin hafa náð toppnum“
Bjarni Júlíusson, formaður Stangaveiðifélags Reykjavíkur.
STANGAVEIÐIFÉLAG REYKJAVÍKUR: