Frjáls verslun - 01.04.2007, Qupperneq 77

F R J Á L S V E R S L U N • 4 . T B L . 2 0 0 7 77
til allra; e) þú hlustar
vel og leitast við að
skilja samstarfsmenn
þína; f ) þú ert skap-
andi og nærð meira út
úr sérhverri stöðu með
samlegðaráhrifum; g)
þú lærir stöðugt og
leitar nýrra leiða.
Í bók Stephens
Coveys um einkenni góðra stjórnenda er gengið út frá
því að stjórnandinn hafi sterk gildi sem hjálpi til í starf-
inu. Einkenni góðra stjórnenda eru samkvæmt Covey:
a) Þeir læra stöðugt; b) þeir eru reiðubúnir til þjónustu;
c) þeir miðla jákvæðum straumum; d) þeir hafa trú á
öðru fólki; e) þeir eru í jafnvægi og með allt líf sitt í
jafnvægi; f ) þeir líta á líf sitt sem ævintýri; g) þeir koma
miklu í verk; h) þeir gefa af sér og gera mikið fyrir sjálfa
sig til að halda sér við.
Í bókinni um 8. venjuna sem einkennir góða stjórn-
endur beinir Covey athyglinni að þekkingarsamfélag-
inu og þeim áskorunum sem það hefur í för með sér.
Hann segir að stjórnendur þurfi að huga vandlega að
sínum innri manni og eigin rödd. Að sérhver stjórn-
andi þurfi að finna sína eigin rödd og hjálpa öðrum
að finna þeirra eigin raddir. Nánari upplýsingar um
Stephen Covey er að finna á vefsíðunni www.steph-
encnvey.com.
Peter F. Drucker
- Spurningar Druckers
Það er ekki ofsagt að
Peter F. Drucker (1909-
2005) sé kenningakóng-
urinn með stóru K-ái.
Frá sjónarhóli fyrirtækja-
reksturs og stjórnunar
var Drucker nær alla tíð
á undan öðrum að sjá og
skynja aðalatriðin. Hann
var sannur leiðtogi. Allt
sitt líf var hann fremstur
meðal jafningja þegar kom að því að miðla skilningi á
mikilvægi tilvistar fyrirtækja og stofnana. Ritverk hans,
hátt í 40 talsins, draga fram kjarna málsins þegar kemur
að stjórnun. Allt frá því að fyrsta bókin hans, „The End
of Economic Man“ (1939), kom út hefur Drucker
áunnið sér og fest í sessi orðsporið „faðir nútímastjórn-
unar“.
Ritferill Druckers spannaði 65 ár og hann kom víða
við, sbr. umfjöllun um hann í Frjálsri verslun snemma
árs 2006. Það má flokka framlag hans í þrennt: a) Afar
framsýn ritverk um samfélagið og þróun þess, sbr. bók-
ina „The Next Society“ (2002); b) meitluð ritverk um
fyrirtæki og lögmálin við stjórnun þeirra, sbr. bókina
„The Management Challenges of the 21st. Century“
(1999); og c) mikilvægt innlegg í verk og vinnulag yfir-
stjórnenda, sbr. nýjustu (vinnu)bækurnar, „The Daily
Drucker“ (2004) og „The Effective Executive
in Action“ (2006).
Þegar gera á grein fyrir framlagi Druckers er
erfitt að festa sig við eitthvað eitt. Drucker kom
víða við á óvenjulöngum og heilladrjúgum ferli.
Eitt einkennið á framlagi Druckers er hversu
notadrjúgt það er. Texti hans er kjarnyrtur með
áherslu á íhugun og athafnir. Ritverk Druckers
hjálpa stjórnendum að spyrja sig réttu spurn-
inganna og nálgast reksturinn frá nýjum sjónarhóli.
Þetta kemur m.a. fram í bókinni „The Definitive
Drucker“ (2007) þar sem Elisabeth Haas Edersheim
ræðir við Peter F. Drucker um þróun og megineinkenni
nútímastjórnunar. Í bókinni lítur Drucker yfir farinn
veg og hann horfir ekkert síður fram á við. Inntakið
í samræðu Druckers og Edersheim er flokkað í fimm
hluta, sem allir skipta meginmáli í stjórnun fyrirtækja:
a) Að ná og halda sambandi við viðskiptavininn; b) að
vinna að nýsköpun og nýskipan til framtíðar jafnframt
því sem úreltum hugmyndum er skipulega ýtt til hliðar
eða eytt; c) að þróa farsæl og langvarandi tengsl við
birgja og samstarfsaðila; d) að laða til sín og efla þekk-
ingarstarfsmenn; og e) að koma sér upp og halda aga í
öllu vinnulagi og ákvarðanatöku.
Í bókunum „The Effective Executive in Action“ og
„The Definitive Drucker“ er skipulega greint frá spurn-
ingum sem stjórnendur þurfa að spyrja sig reglubundið.
Líklega eru „spurningar Druckers“ meðal mögnuðustu
verkfæra á sviði stjórnunar sem stjórnendur geta til-
einkað sér. Nánari upplýsingar um Peter F. Drucker og
verk hans má m.a. finna á www.peter-drucker.com og
www.thedruckerinstitute.org.
S T J Ó R N U N
Í fyrstnefndu bókinni
er fjallað um venjurnar
sjö sem auðveldað geta
stjórnendum að ná
árangri. Þessar venjur
eru einkenni góðra
stjórnenda.
Peter F. Drucker.
Ritverk Druckers
hjálpa stjórnendum
að spyrja sig réttu
spurninganna og
nálgast reksturinn
frá nýjum sjónarhóli.