Frjáls verslun - 01.04.2007, Page 84

84 F R J Á L S V E R S L U N • 4 . T B L . 2 0 0 7
K
YN
N
IN
G
SUMARIÐ ER TÍMINN
Garðmiðstöð rís
á Hvaleyrarholti
Garðyrkja:
Suðaustan í Hvaleyrarholti, við Reykjanesbraut beint á móti Íþróttamiðstöð Hauka á Ásvöllum, eru hafnar framkvæmdir við nýja garðmiðstöð sem mun taka til starfa næsta vor. Það er
Steinþór Einarsson skrúðgarðyrkjumeistari sem stendur að uppbygg-
ingu garðmiðstöðvarinnar og er eigandi hennar, en hann heldur senn
upp á 30 ára starfsafmæli sitt sem skrúðgarðyrkjumaður.
Steinþór rekur fyrirtækið Garðyrkju í Hafnarfirði sem stofnað var
árið 1999 og er byggt á áratuga reynslu Steinþórs sem skrúðgarð-
yrkjumeistara. Hann var garðyrkjustjóri Hafnarfjarðarbæjar um
fimm ára skeið og rak garðyrkjufyrirtækið Skrúðgarðaþjónustuna
sem sjálfstætt starfandi verktaki þar til Garðyrkja tók til starfa. Hann
segir í gamansömum tón að lengi hafi hann verið þrællinn á mörk-
inni en hafi nú snúið sér að sölu tækja og búnaðar til garðyrkju til að
létta störf kollega sinna. Starfsmenn Garðyrkju hafa standsett fjölda
einkagarða, leikskóla og skólalóða og eiga heiðurinn af framúrskar-
andi góðu handbragði í hellulögn og hleðslu við
Stafakirkjuna á Skansinum og við ráðhúsið í Vest-
mannaeyjum.
Garðmiðstöð í alfaraleið Hugmyndin að garð-
miðstöðinni kviknaði fyrir einum átta árum í
samtali við Magnús Gunnarsson, þáverandi bæjar-
stjóra í Hafnarfirði. „Ég sá strax fyrir mér fallega
garðmiðstöð, vel staðsetta í alfaraleið þegar komið
er inn í bæinn,“ segir Steinþór. Svæðið var óskipu-
lagt þegar Steinþór lagði inn umsókn um land
undir garðmiðstöðina þann 1. desember 1999 og
fylgdi henni frumhugmynd Péturs Jónssonar landslagsarkitekts.
Umsókninni var vel tekið og síðan hófst þarna skipulagsvinna af
bæjarins hálfu sem unnin var af Friðrik Friðrikssyni arkitekt. Garð-
miðstöðin verður í eigu fyrirtækisins Syðra-Langholts ehf. sem hefur
verið úthlutað fjórum hektörum lands, hluta af gamla holtinu hægra
megin vegar þegar ekið er til Keflavíkur. Landið hefur verið hæðarsett
en Steinþór hyggst hækka það um nokkra metra næst veginum og
mynda með því náttúrulega hljóðvörn. Garðmið-
stöðin á eftir að blasa við öllum sem um veginn
fara og laða til sín þá sem eru í leit að blóma-,
trjá- og runnagróðri og öðru því sem garðmið-
stöðvar bjóða upp á.
Þegar jarðvinnu lýkur verður hafist handa við
gróðursetningu og í haust og vetur verður reist
gróðurhús sem flutt verður inn frá Englandi.
Sölustarfsemi getur hafist af fullum krafti næsta
vor. „Staðsetning garðstöðvarinnar er heillandi og
mér er mikið kappsmál að vandað verði til allra
hluta, enda er þetta innkoman í Hafnarfjörð frá
Suðurnesjum og hundruð þúsunda munu aka framhjá á hverju ári,
bæði Íslendingar og erlendir ferðamenn. Stefnt er að því að Garðmið-
stöðin Holt verði fullmótuð og frágengin árið 2010,“ segir Steinþór
Einarsson.
Steinþór við nokkur þeirra tækja sem hann selur til garðyrkju.
Tölvumynd af fyrirhugaðri garðmiðstöð.
Garðyrkja ehf. og
Steinþór Einarsson
hlutu „Garðyrkjuverð-
launin 2007 - Verk-
námsstaður ársins“
í Garðyrkjuskólanum
á Reykjum.