Frjáls verslun - 01.04.2007, Side 123

KOSNINGAR 2007
Beinn sparnaður af að nota frekar metan var því 229,32 kr. pr. 100
km. Það sparar tæplega 23 þús. kr. á ári m.v. 10.000 km akstur.
Koldíoxíð (CO2) útblástur metangasvélar við meðaleyðslu er skv.
upplýsingum framleiðanda 155 g/km (grömm á kílómetra) en 193
g/km frá samsvarandi bensínvél. Þetta koldíoxíð hefði hvort sem var
farið út í andrúmsloftið á sorphaugunum, þannig að nýting þess er
hreinn ágóði. Skv. upplýsingum Metan hf., sem vinnur eldsneytið úr
urðunarstöð Sorpu í Álfsnesi er CO2 útblástur 20% minni af metani
en bensíni, sem kemur heim við tölur framleiðanda hér að ofan.
Af öðrum mengandi útblástursefnum er ávinningurinn þessi, skv.
upplýsingum Metan hf.:
Kolmónoxíð 74% minna, köfnunarefnisoxíð 36% minna, hærri
kolvetni (sót) 60% minna.
Metangasi sorphauganna verður að eyða á einhvern hátt. Það sem
framleitt er af því í Álfsnesi og ekki fer til sölu á bíla er notað til að
framleiða raforku sem fer inn á landsnetið.
Vinnuumhverfi ökumanns Touran Ecofuel fæst aðeins handskiptur.
Reynslubíllinn var 5 gíra, hefði mátt vera 6 gíra. Vel fer um ökumann
og auðvelt að finna góða samstillingu sætis og stýris. Stjórntæki öll
við höndina, sæti góð, útsýni ágætt þó útispeglar mættu taka meira
svið. Mælaborð með upplýsingatölvu sem stjórnað er með sama
sprota og þurrkunum.
Rými VW Touran er 5-7 manna bíll. Rými er allgott og mikið um
hirslur. Farangursrými lítið ef allar sætaraðir eru í notkun, en gott ef
aftasta sætaröð er felld niður. Ekki er hægt að leggja niður sæti til að
sofa í bílnum.
Aksturseiginleikar Þessi bíll er afar skemmtilegur í akstri, „lifandi“
og frískur. Hægt væri að óska sér sjálfskiptingar en hér fara saman
leikandi og ratvís gírskipting og lauflétt kúpling. Vinnslan furðu góð,
mun betri en ætla mætti ef aðeins er horft á orkutölur (109 hö., 160
nM frá 3500 sn/mín) og þarflaust að skarka í gírunum. Stýring og
rásfesta eins og best verður á kosið og fjöðrun prýðileg. Tiltölulega
hljóðlátur bíll.
Verð/virði Samþykkt var á síðustu dögum þings í vor var að fella
tímabundið niður vörugjöld af bílum sem nota metangas fyrir
aðaleldsneyti, en þeir flestir eru dýrari í innkaupi en hefðbundnir
bílar. Bíll eins og Touran Ecofuel, sem eftir lækkun kostar aðeins
2.350.000 kr., er kostakaup hvort heldur er fyrir einstakling eða fyrir-
tæki, auk þess sem verðlagning á metangasi gerir bílinn hagstæðan í
rekstri. Hvort tveggja á við þar sem meginhluti akstursins er innan
seilingar við metanstöðina á Ártúnshöfða, en lengra til verður að
notast við bensín. Ef aðeins er bensínvél í bílnum er byrjunarverð kr.
2.510.000.
Sé bíllinn notaður 7 manna er
lítið rými afgangs fyrir farangur.
Annað er upp á teningnum
þegar hægt er að leggja niður
annað aftasta sætið eða bæði.
VW Touran er af því byggingarlagi sem sumir vilja kalla „heimilisrútu“ – þ.e. ekki með
sama útliti og hefðbundinn fólksbíll með skott. Augað blekkir, því þessi 7 manna bíll er
aðeins minni heldur en 5 manna fólksbíllinn Volkswagen Passat, sem flestir þekkja og
þykir ekkert sérlega stór. Hann er styttri, mjórri og lægri og hjólahafið er aðeins minna.
Hurðir opnast vel og menn setjast beint inn og stíga
beint út – þurfa ekki að láta sig síga ofan í sætin né
hífa sig upp úr þeim aftur. Fyrir bragðið hafa öku-
maður og farþegar líka góða yfirsýn yfir umhverfið.
Mælaborð er greinilegt og
liggur vel við. Upplýsingatölva
bílsins er á góðum stað milli
hraða- og snúningshraða-
mælis.
F R J Á L S V E R S L U N • 4 . T B L . 2 0 0 7 123