Frjáls verslun - 01.07.2008, Blaðsíða 57

F R J Á L S V E R S L U N • 7 . T B L . 2 0 0 8 57
N æ r m y N d – s i g u r ð u r ó l i ó l a f s s o N
Eftir að hafa kynnt sér vísindahliðina í nokkurn tíma ákvað Sig-
urður þó að skipta um starfsvettvang, enda von á fjölgun í fjölskyld-
unni og nauðsynlegt að afla meiri tekna til heimilisins. Hann hóf
störf hjá samheitalyfjafyrirtækinu Omega Farma sem markaðsstjóri,
en var fljótt orðinn yfir þróun og skráningu.
Búferlaflutningar fjölskyldunnar
Árið 1998 ákvað fjölskyldan að flytjast búferlum til Canterbury í
Englandi þar sem Sigurður hóf störf hjá Pfizer, stærsta lyfjafyrirtæki í
heimi. Hann segir þennan tíma hafa styrkt fjölskylduna enda nokk-
urt rask að flytja til útlanda með tvö lítil börn. Fjölskyldan kunni vel
við sig í Bretlandi en árið 2000 tók hún sig aftur upp og flutti, í þetta
sinn til East Lyme, lítinn svefnbæ í Connecticut í Bandaríkjunum
þar sem Sigurður starfaði fyrir sama fyrirtæki í þróunarhöfuðstöðvum
þess.
Hann segir East Lyme hafa verið frábæran stað, allt öðruvísi en
England og Ísland, en með því að búa á mismunandi stöðum hafi
hann lært að meta kosti hvers staðar fyrir sig. Sigurður vann hjá Pfizer
til ársins 2003 en gekk þá til liðs við Actavis og stofnaði fyrstu skrif-
stofu þess í Bandaríkjunum, í Hartford í Connecticut.
Árið 2006 varð Sigurður síðan aðstoðarforstjóri Actavis og flutt-
ist þá fjölskyldan aftur heim eftir átta ára búsetu erlendis. Hann segir
það hafa verið hægara sagt en gert að flytja heim með unglinga en þau
hafi nú aðlagast ágætlega þó fyrsta árið hafi eftirsjá eftir vinunum og
lífinu í Bandaríkjunum vissulega gert vart við sig.
sterkir stjórnendur
Sigurður segir starfið hjá Actavis virkilega skemmtilegt og þar starfi
hann sem einn af fjöldanum í hópi frábærra stjórnenda, meðal ann-
ars með Guðbjörgu Eddu Eggertsdóttur aðstoðarforstjóra, sem hafi
ótrúlega reynslu og þekkingu. Raunar sé reynsla stjórnendateym-
isins gríðarleg, hjá mismunandi fyrirtækjum um allan heim. Sig-
urður segist hafa reiknað það út nýlega að í framkvæmdastjórn
Actavis búi meira en 200 ára reynsla úr lyfjageiranum.
Stjórnendahópurinn sé alþjóðlegur og í raun er aðeins lítill hluti
starfsins á Íslandi. Sigurður getur þess þó sérstaklega að þungamiðja
þróunarstarfs félagsins sé hér heima. Hér vinni um 150 starfsmenn
að þróun á nýjum samheitalyfjum, sem sé undirstaðan að vexti fyr-
irtækisins í framtíðinni. Actavis hefur vaxið hratt síðastliðin fimm ár
og segist Sigurður líta björtum augum fram á veginn, þó að næstu ár
verði vafalaust öðruvísi.
Fyrirtækið muni vissulega halda áfram að vaxa, en nú einkum
inn á við. Innri vöxtur Actavis hefur verið yfir 10% á árinu
2008 að hans sögn og er gert ráð fyrir meira en 1000 markaðs-
setningum á lyfjum í ár. Sem stjórnandi segir Sigurður mikilvægt
að hafa sterka stjórnendur í kringum sig sem hafi skoðanir sem
hlustað sé á og að ákvarðanir séu þá teknar í framhaldi af því ef
með þarf.
Þegar svo miklum tíma er eytt í vinnunni er líka mikilvægt að þar
sé skemmtilegt og góður félagsskapur eins og raun ber vitni í fyrirtæk-
inu. Kveðst hann hafa það að leiðarljósi að taka vinnuna alvarlega en
sjálfan sig ekki um of.
veikur fyrir rómantískum gamanmyndum
Sigurður er giftur Björgu Harðardóttur íslenskufræðingi og eiga þau
tvö börn. Í frístundum les Sigurður mikið, allt frá fræðibókum yfir
í sögubækur og horfir mikið á kvikmyndir, en rómantískar gam-
anmyndir segir hann vera sinn veikleika.
Jóhannes Sigurðsson,
aðstoðarforstjóri Milestone:
mikill húmoristi
Ég kynntist Sigga Óla þegar við störfuðum
saman í Actavis. Fyrirtækið var í miklum
vexti og við unnum mikið saman í verk-
efnum tengum fyrirtækjakaupum. Það var
mjög skemmtilegt að vinna með Sigga því
það er alltaf stutt í húmorinn hjá honum.
Hann er mjög glöggur og fljótur að setja sig
inn í flókin mál. Hans sterka hlið er hversu
góður hann er í samskiptum við fólk, sem
kemur sér mjög vel í samningaviðræðum og
við vinnslu á öðrum verkefnum.
Þá er hann mjög góður í að leiða starfs-
fólk í erfiðum og flóknum viðfangsefnum
eins og hann hefur margsýnt í störfum
sínum hjá Actavis. Í stuttu máli er Siggi
mjög öflugur í því sem hann tekur fyrir sér
hendur og þægilegt að vinna með honum.
Svo er það bónus hversu mikill húmoristi
hann er og skemmtilegur í samstarfi.
Einar Þór Magnússon,
fjármálastjóri Eimskips:
duglegur að halda
sambandi
Við Siggi kynntumst á unglingsárunum
þegar við unnum saman í kjötborðinu í SS
Glæsibæ og náðum strax vel saman, en
það var mikil upphefð í því að fá að fara
beint í kjötið. Þó við höfum aldrei verið
saman í skóla höfum við þó alltaf haldið
sambandi og Siggi er ótrúlega duglegur við
það, sama hvert hann fer, að halda sam-
bandi við þá sem hann þekkir. Þrátt fyrir að
hann hafi flutt heim gefst allt of sjaldan tími
til að hitta hann þar sem hann eyðir miklum
tíma erlendis starfs síns vegna. Hann
hefur hingað til varla vitað hvar hann verður
staddur í heiminum á morgun. Ég myndi
fyrst og fremst segja að Siggi sé afburða-
greindur og traustur og góður drengur sem
alltaf er mjög gott að leita til.
SAGT UM SIGURð ÓLA: