Frjáls verslun - 01.07.2008, Blaðsíða 73

F R J Á L S V E R S L U N • 7 . T B L . 2 0 0 8 73
b æ k u r
Að lokum langmikilvægasta spurningin af
þeim öllum. Kjarninn í kynningunni:
Hvert er algjört lykilatriði sem ég vil
koma á framfæri?
Með öðrum orðum, ef áheyrendur myndu
aðeins eitt atriði úr kynningunni, hvaða
atriði væri það?
Hönnun
Þegar meginefni og tilgangur kynningarinnar
er ljós þá er kominn tími til að setja kynn-
inguna sjálfa saman. Fyrir mörgum þýðir það
að setjast niður fyrir framan tölvuna og setja
saman tugi PowerPoint slæða sem innihalda
kynninguna sjálfa. Höfundur ræður fyrirles-
urum frá því og leggur enn og aftur áherslu
á einfaldleikann. Frekar að draga úr efni
glæranna en að bæta við. Tekin eru dæmi
um nokkrar glærur fyrir og eftir einföldun og
það atriði eitt og sér á eflaust eftir að nýtast
fjölmörgum við að skerpa á kynningunum
og gera þær áhrifaríkari. Hvenær á að nota
myndir og hvenær ekki, hvernig á að nota
línurit og súlurit. Hvernig á að nýta sér autt
rými til aukins skýrleika, skipulags og áhuga.
Einnig er góð útlistun á því hvar hægt er að
nálgast góðar myndir til að nota í glærunum
því eins og sagt er: „Mynd segir meira en
þúsund orð“ og það á við um glærur eins
og annað.
Flutningur
Það er sama hvort við eigum samræður við
einn aðila eða höldum kynningu fyrir 1000
manns, lykilatriði við flutninginn er að vera
ekki með hugann annars staðar heldur ýta
vandamálum og erfiðleikum til hliðar og ein-
beita sér að kynningunni. Þetta ætti að vera
sjálfsagður hlutur en einhvern veginn er það
svo að stundum finnst manni fyrirlesarinn
víðs fjarri. Tenging við áheyrendur er þessu
náskylt, hvernig við verðum að höfða til til-
finninga áheyrenda og hreyfa við þeim eins
og tónlistarmenn hreyfa við tónleikagestum.
Sýnum ástríðuna sem við höfum fyrir efninu
sem um ræðir. Tæknileg atriði eins og að
fjarlægja hindranir milli fyrirlesara og áheyr-
enda geta skipt miklu máli, með hindrunum
er átt við púlt, pallborð o.s.frv. Þegar þessi
atriði eru höfð í hávegum ætti fyrirlesarinn
að upplifa þá góðu tilfinningu sem fylgir því
að sjá áheyrendur áhugasama, kinka kolli,
jánka þegar við á og skella upp úr þegar við á.
Áheyrendur eru þátttakendur í kynningunni,
ekki bara áheyrendur.
Fyrir hverja er bókin?
Bókin er fyrir alla sem vilja skapa sér sérstöðu
og halda einfaldar en kraftmiklar kynningar.
Hvort sem er fyrir stóra hópa eða maður á
mann. Hún er jafnt fyrir þá sem hafa mikla
reynslu og þá sem eru að feta sín fyrstu spor í
kynningum því jafnvel reyndustu fyrirlesarar
hafa lært eitthvað nýtt við lestur bókarinnar.
Það sem gerir bókina sérstaklega notadrjúga
eru hin fjölmörgu dæmi sem eru tekin frá
þekktum fyrirlesurum, hvað það er sem þeir
gera til að ná tengingu við áheyrendur og
koma skilaboðum sínum á framfæri. Dæmin
sanna aðferðirnar.
Tekin eru dæmi um mann eins og Steve
Jobs og vísað er í vefsíður með kynningum
sem hægt er að skoða til að fá enn fleiri
dæmi. Höfundur er trúr sínum aðferðum
og er bókin sett fram á skýran, einfaldan og
mjög hnitmiðaðan hátt sem gerir skilaboðin
enn skýrari en ella.
Bókin er mjög hagnýt og þeir sem hana
lesa ættu eftir stuttan lestur að hafa fengið
fjölda hugmynda um hvernig má gera kynn-
ingarnar áhrifaríkari. Hvernig við komum
skilaboðum okkar á framfæri skiptir höf-
uðmáli í hörðu samkeppnisumhverfi dagsins
í dag.
Kynningartækni eins og sú sem sett er
fram í bókinni getur því haft úrslitaáhrif á
hvernig okkur vegnar í daglegum störfum.
Hristum aðeins upp í kynningunum okkar
og sjáum hver áhrifin verða.
Að halda góðan fyrirlestur Margir setja saman tugi PowerPoint slæða sem
innihalda kynninguna
sjálfa. Höfundur ræður
fyrirlesurum frá því og
leggur enn og aftur áherslu
á einfaldleikann – og hafa
glærurnar færri en fleiri.
Spyrjið ykkur þessarar spurningar:
Hvaða lykilatriði vil ég koma á fram-
færi?
Þetta merkir eftirfarandi: Ef þú vilt að
áheyrendur muni aðeins eitt atriði úr
kynningunni, hvaða atriði væri það?
Unnur Valborg Hilmarsdóttir skrifar að
þessu sinni um bókina Presentation Zen.