Frjáls verslun - 01.07.2008, Blaðsíða 107
F R J Á L S V E R S L U N • 4 . T B L . 2 0 0 8 107
stúlka skorin í tvennt
Claude Chabrol var í hópi leikstjóra
sem ábyrgir voru fyrir frönsku nýbylgj-
unni. Hann, eins og Francois truffaut
og Jean-Luc Godard, hóf afskipti af
kvikmyndum sem gagnrýnandi á Cahier
du Cinema. Chabrol, sem þótti ekki
eins framúrstefnulegur og Godard eða
búa yfir snilld truffauts, sendi samt frá
sér mjög athyglisverðar kvikmyndir sem
oftar en ekki byggðu á sakamálum þar
sem kafað var djúpt í sálarlíf aðalper-
sónanna. Chabrol sem orðinn er 78 ára
gamall er enn að og nýjasta kvikmynd
hans La fille coupée en deux hefur vakið
athygli og verður sýnd í Bandaríkjum í
haust undir nafninu The Girl Cut in Two.
Fjallar myndin um veður-fréttakonu sem á
tvo aðdáendur sem hún vill ekki sleppa
tökum á. Annar er vinsæll miðaldra rithöf-
undur og hinn er erfingi mikilla auðæfa.
Þegar annar þeirra afneitar henni þá gift-
ist hún hinum og setur af stað atburðarás
sem hefur alvarlegar afleiðingar. Með
aðalhlutverkin fara Ludivine Sagnier,
Francois Berleand og Benoit Magimel.
Ludivine Sagnier í hlutverki veðurfrétta-
konunnar.
Hættulegar upplýsingar
Eitt mesta illmenni kvikmyndasögunnar,
Anton Chigurh, kom fram í hinni frábæru
kvikmynd No Country For Old Men, sem
þeir bræður Ethan og Joel Cohen gerðu.
Eins og öllum er minnisstætt stóð
Chigurh uppi í lok myndarinnar og til alls
vís. Cohen bræður eru ekki á þeim bux-
unum að gera framhaldsmynd, allavega
ekki á næstunni, þar sem í Burn After
Reading, nýjustu kvikmynd þeirra, slá þeir
á léttari strengi. Um er að ræða gráleita
gamanmynd þar sem tveir starfsmenn lík-
amsræktarstöðvar komast yfir geisladisk
sem inniheldur viðkvæmar upplýsingar
yfirmanns hjá CIA. Þeir ákveða að selja
diskinn hæstbjóðanda, en eins og nærri
má geta eru ekki allir á því að borga pen-
inga fyrir þær upplýsingar sem þar koma
fram. Í aðalhlutverkum eru Brad Pitt,
George Clooney, John Malkovich, tilda
Swinton og Frances Mcdormand. Burn
After Reading verður frumsýnd hér á landi
10. október.
George Clooney og Frances McDormand
í hlutverkum sínum í Burn After Reading.
Blindur leiðir blindan
Brasilíski leikstjórinn Fernando Meirelles
vakti fyrst heimsathygli þegar hann sendi
frá sér hina margverðlaunuðu Borg guð-
anna (Cidade de deus). Hann fylgdi henni
eftir með ekki síðri kvikmynd, Constant
Gardener. Nýjasta kvikmynd hans, Blinda
(Blindness), var sýnd á kvikmyndahátíðinni
í Cannes og verður tekin til almennra sýn-
inga í lok september. Viðtökur við henni
hafa verið misjafnar. Myndin gerist í borg
þar sem allir eru smám saman að verða
blindir. Aðalpersónan er eina alsjáandi
manneskjan. Myndin er byggð á skáldsögu
eftir nóbelsverðlaunahöfundinn José
Saramago og hefur verið þýdd á íslensku.
Sagan þótti fyrirfram ekki fýsileg til kvik-
myndunar. Í aðalhlutverkum eru Julianne
Moore, Gael García Bernal, Mark ruffalo,
Sandra oh og danny Glover.
Julianne Moore er eina alsjáandi
manneskjan í borg hinna blindu.
er eitthvað athugavert við þig. Þú ert sjálfstæð
kona.“ Christine slapp af geðveikrahælinu með
aðstoð predikara og hún hélt áfram leit sinni
að syni sínum.
Segja má með sanni að hin dramatíska
saga í Changeling sé án endis þar sem ekkert
er vitað hvað varð af Christine Collins: „Við
vitum ekki hvað varð um Christine. Ég reyndi
að komast að því en án árangurs og þar sem lík
Walters fannst aldrei var ekki einu sinni hægt
að enda myndina á líkfundi, en við komumst
að niðurstöðu sem er að mínu viti góð enda
leynist von í henni þó ekki sé það fyrir Chris-
tine eða son hennar.“
Hefur alltaf dáðst að angelinu jolie
Angelina Jolie leikur Christine Collins og
eru þeir sem hafa fjallað um Changeling í
kjölfar sýningarinnar í Cannes á því að leikur
hennar sé frábær og hún sé örugg um að fá
tilnefningu til óskarsverðlauna. Sjálfur segist
Eastwood hafa valið Jolie fyrst og fremst vegna
þess hversu sterkur persónuleiki hún er og að
hún sé ein af fáum bandarískum leikkonum
nútímans sem passi vel í hlutverk á borð við
þau sem Ingrid Bergman og Bette Davis léku
óaðfinnanlega í gömlum Hollywoodmyndum.
„Ég hef alltaf dáðst að henni bæði vegna
útlitsins og einnig vegna þess hversu sjálf-
sörugg hún er. Það hefur því miður gleymst oft
í umræðunni um hana hversu einstök leikkona
hún er og þar vinnur útlitið gegn henni á sama
hátt og það gerði gegn Ingrid Bergman. Aðrir
leikarar í Changeling eru John Malkovich, Jeff-
rey Donovan, Amy Ryan og Colm Feore.
Clint Eastwood slakar ekki á og er með
tvær myndir í farvatninu. Fyrst ber að telja
Gran Torino sem hann vinnur að um þessar
mundir og verður frumsýnd í desember. Um
er að ræða litla kvikmynd á mælikvarða East-
woods, um fyrrum hermann úr Kóreustríðinu
sem aldrei hefur aðlagast lífinu og leikur hann
sjálfur aðalhlutverkið. Á næsta ári tekur hann
svo til við að leikstýra The Human Factor sem
byggist á ævi Nelsons Mandela, hefst þegar
Mandela kemur úr fangelsi og endar á fyrsta
kjörtímabili hans sem forseta Suður-Afríku.
Morgan Freeman á að leika Mandela og Matt
Damon verður helsti mótleikari hans. Að
öllum líkindum mun The Human Factor verða
frumsýnd snemma árs 2010 eða um sama leyti
og Clint Eastwood verður 80 ára gamall.
KVIKMyNdAFrÉttIr