Franskir dagar - 01.07.2004, Page 19

íslandsmeistara-
mót í Pétanque
Sumariö 1999 var í fyrsta sinni keppt í Pétanque á Frönskum dögum.
Síðan hefur keppnin verið fastur liöur í hátíðarhöldunum og hefur hún
öll árin farið fram neöan við félagsheimilið Skrúð. Svo verður einnig í
ár. Hér er um ævafornt kúluspil að ræða, ættað frá Skotlandi og mik-
ið spilað á sumarleyfisstööum víða um Evrópu. Ekki er fjarri lagi að
líkja Pétanque við boccia. Keppendur kasta stálkúlum, getur fjöldi
þeirra veriö breytilegur, eða frá tveimur til sex. Á Frönskum dögum fær
hver keppandi aðeins tvær kúlur til að kasta. Um liðakeppni er að ræða
og eru aðeins tveir í liði. Þar sem um íslandsmeistaramót er að tefla
þarf varla að taka fram að keppt er til verðlauna á mótinu.
Keppendur standa inni í hring þegar þeir kasta. Sá sem hefur leik-
inn fær í hendur hnetu sem hann kastar fyrst og verður hún að koma
niður að lágmarki fjórum metrum frá hringnum. Síðan kastar hann
fyrri kúlu sinni og reynir að láta hana koma niður sem næst hnetunni.
Eftir það kasta keppendur hver af öðrum. Sá vinnur sem kemur kúlu
sinni næst hnetunni.
Þessi ófullkomna lýsing á leiknum er látin fljóta hér með til að
sýna lesendum fram á að Pétanque er einfalt en um leið skemmtilegt
spil sem allir ættu að hafa yndi af að prófa.
Austurland
að Glettingi
Línudanshópurinn Austurland að Glettingi sýnir á Frönskum dögum í
ár eins og hann hefur gert síðustu tvö sumur. Dansarar koma víða aö
af Austurlandi, allt frá Hornafiröi til Vopnafjarðar. Stjórnandi er Óli
Geir, danskennari. Myndin sýnir hópinn dansa á sviði Franskra daga
2002. Mynd: Guöný Elisdóttir.
Myndlistarsýning
Reynis Katrínar
Reynir Katrínar sýnir eigin listaverk á Frönskum dögum og er sýningin
í Grunnskólanum. Hann sýnir myndir unnar með vatns- og olíulitum og
einnig verk sem hann hefur gert úr Djúpalónsperlum. Auk þess að vera
myndlistarmaður er Reynir einnig sjáandi og heilari. Hann er mikill á-
hugamaöur um norræna goða-
fræöi og hefur hannað nýtt rúna-
sett sem hann nefnir Steina guð-
anna. Þar eru rúnir goðanna
grafnar í Djúpalónsperlur. Á sýn-
ingunni verður hægt að fá skýr-
ingar á rúnasettinu og öðrum
verkum Reynis, eins og Þagnar
þulum og Altari sannleikans.
Örsmá er hræðslan
er breyti ég orku.
Við hreyfingu augnloks
gufar hún upp.
Frjálst hef ég valið
um mína framtíð
því einn mun mér stjórna, ég.
Þetta er hluti af þagnarþulu gyðjunnar Gná, segir Reynir Katrínar. Af
lýsingu Reynis á verkum sínum má ráða aö sýning hans geti komið
gestum á óvart og spennandi er að kynnast list hans og nýstárlegum
viðfangsefnum.
Svanhildur Sigurðardóttir, sem ættuð er frá
Fáskrúðsfirði, sýnir í Grunnskólanum
pastelteikningarsem hún hefurgertaf kon-
um. Svanhildur er fjölhæfur listamaður, hún
býr á Englandi og starfar sem myndhöggv-
ari.
Eftir myndlistarnám í Reykjavík með
megináherslu á textíllist vann hún um tíma
sem textíl- og tískuhönnuður og náði góð-
um árangri. Þá hóf hún nám í höggmyndalist, fyrst í Reykjavík og sið-
an um fjögurra ára skeið í Emerson College of Art á Englandi þaðan
sem hún útskrifaðist árið 1995. Svanhildur hefur sýnt verk sín víða,
bæöi heima og erlendis. Sýning hennar, Birting orkunnar, stendur yfir
Pastelteikningar
afkonum
í Reykjavík, var opnuö þann 3. júlí. Fjölmörg verka hennar prýða hús-
næði fyrirtækja og opinberra stofnana.
Svanhildur helgar listinni krafta sína alla og skapar brons- og
steinskúlptúra sem hún er þekkt fyrir. Innblásin af landslagi ættjarðar-
innar býr höggmyndalist hennar yfir náttúrlegum þokka þar sem sam-
an fer hljóðlátur styrkur og myndugleiki.
19