Frjáls verslun - 01.10.2005, Side 17

FORSÍÐUGREIN • GRÁÐUSNOBB
GRÁÐUSNOBB
F R J Á L S V E R S L U N • 1 0 . T B L . 2 0 0 5 17
„Á áttunda áratugnum komu fram nýjar
stefnur og straumar við gerð stjórnskipu-
lags fyrirtækja. Framboð á menntun varð
meira og algengara var að fólk aflaði sér
menntunar erlendis og bar heim með sér
nýja þekkingu,“ segir Katrín S. Óladóttir,
framkvæmdastjóri Hagvangs.
„Viðskiptalífið kallaði á breytingar í
stjórnun í takt við öflugri fyrirtæki. Nýjar
stefnur og straumar áttu því greiða leið
inn í viðskiptalífið. Þannig fjölgaði smátt
og smátt nýjum starfsheitum. Gerð voru
skipurit þar sem ábyrgðarsvið hvers
stjórnanda voru skilgreind, nýir titlar,
s.s. markaðsstjóri, framleiðslustjóri,
fjármálastjóri, starfsmannastjóri o.s.frv.
urðu meira áberandi.
Það sama má segja í dag, við erum
að sjá miklu stærri og öflugri fyrirtæki,
íslensk og erlend, hér á landi sem og
erlendis heldur en var fyrir 15-20 árum.
Stjórnendur þeirra eru fleiri hvort sem
stjórnskipulagið er flatt eða lagskipt.
Í sumum fyrirtækjum eru framkvæmda-
stjórar hinna ýmsu sviða og síðan fjöl-
margir aðrir stjórnendur. Þar af leiðandi
hafa titlar verið að bólgna svolítið út.
Starfs- og ábyrgðarsvið er vel skil-
greint enda veitir ekki af í stækkandi
fyrirtækjum. Þrátt fyrir sameiningu fyrir-
tækja, sem kemur örugglega til með
að halda áfram, forðast stjórnendur að
þenja skipuritið mikið út. Þá þekktist
það ekki hér áður fyrr að í fyrirtækjum
væri starfandi stjórnarformaður eins og
nú eru dæmi um. Það hefur því margt
breyst frá því að titlarnir voru bundnir við
framkvæmdastjórann og skrifstofustjór-
ann sem hafði ansi vítt starfssvið.“
Katrín nefnir að Hagvangur, sem er
eitt elsta ráðgjafafyrirtæki landsins, hafi
starfað mikið að endurskipulagningu fyrir-
tækja. Hefur verið áhugavert að fylgjast
með þeim breytingum sem átt hafa sér
stað í rekstri margra þeirra. Stór hluti
stjórnenda hefur verið ráðinn í gegnum
Hagvang.
Þá hafa störf almennt breyst talsvert
í áranna rás, s.s. hin hefðbundnu skrif-
stofustörf. Fjölbreytni og aukin sam-
keppni hafa gert það að verkum að nú
eru viðskiptafræðingar ráðnir í upphafi
starfsferils síns í störf sem voru áður
nefnd skrifstofustörf. Í dag heita þessi
störf t.d. þjónustufulltrúi, markaðsfulltrúi,
fjármálafulltrúi o.s.frv. Það þótti gott að
hafa stúdentspróf til að gegna þeim.
Þetta er í takt við breytingar sem
orðið hafa á störfunum sem krefjast
sífellt meiri fjölhæfni, ábyrgðar og mögu-
leika starfsmannsins til þróunar innan
stækkandi fyrirtækja – sem starfa mörg
hver í öflugu alþjóðlegu umhverfi. Sem
betur fer eru einhæfu störfin, s.s. inn-
sláttar- og vélritunarstörfin, að hverfa.
Katrín bendir á að í rauninni sé ekki
langt síðan að Íslendingar fóru almennt
að mennta sig á háskólastigi. „Það þótti
ekkert sjálfgefið að fólk færi í háskóla-
nám fyrir um 20 til 25 árum. Hvað þá að
konur væru hvattar sérstaklega til þess.
Áhersla á menntun er gríðarlega mikil í
dag og að menntun sé undirstaða hag-
sældar í framtíðinni.
Það er mikið framboð af viðskipta-
menntuðu fólki. Með tilkomu fjármála-
og verðbréfafyrirtækjanna jókst eftir-
spurnin eftir ungu vel menntuðu fólki. Ég
er þess vegna ekki hissa á því að svo
margir háskólar skuli vera starfandi á
Íslandi í dag sem leggja aukna áherslu á
viðskiptagreinar.
Katrín segir að það sé vandmeðfarið
að bera titil, fara með völd og hafa áhrif.
„Ungt fólk er tilbúið að axla ábyrgð en
gerir sér kannski ekki alltaf grein fyrir
því í hverju sú ábyrgð er fólgin. Ég segi
að í flestum tilfellum er farsælast að
öðlast góða reynslu, vinna vel úr tækifær-
unum og byggja þannig upp orðstír sinn.
Þá kemur titillinn!“
Titlar bólgna út
Katrín S. Óladóttir, framkvæmdastjóri Hagvangs.
Katrín S. Óladóttir, framkvæmdastjóri
Hagvangs, segir að með aukinni menntun
hafi titlar bólgnað út í fyrirtækjum.
Í sumum fyrirtækjum eru
framkvæmdastjórar hinna
ýmsu sviða og síðan fjöl-
margir aðrir stjórnendur.
Þar af leiðandi hafa titlar
verið að bólgna svolítið út.
TEXTI: SVAVA JÓNSDÓTTIR