Frjáls verslun - 01.10.2005, Side 104

104 F R J Á L S V E R S L U N • 1 0 . T B L . 2 0 0 5
Tölvumiðlun er hugbúnaðarfyrirtæki sem stofnað var 1985 og fagnar í ár tuttugu ára starfsafmæli sínu. Starfsemi Tölvu-
miðlunar fer fram á þremur meginsviðum,
sem skiptast í hugbúnaðarsvið, ráðgjafar- og
þjónustusvið auk sölu- og markaðssviðs.
Sviðsstjóri sölu- og markaðssviðs er Daði
Friðriksson: „Starfsemin er fjölbreytt, en segja
má í stuttu máli að við séum að þróa og þjón-
usta hugbúnað sem við bjóðum fyrirtækjum
og stofnunum um allt land. Auk annarra verk-
efna hefur það verið stefna Tölvumiðlunar
að sérhæfa sig í stöðluðum heildarlausnum
í starfsmannamálum. Þekktasta afurð okkar
er launakerfið H-laun, sem búið er að vera
í notkun frá árinu 1991 og er útbreiddasta
launakerfi landsins. Á afmælisárinu kynnum
við til sögunnar nýja kynslóð H-Launa, sem
við köllum HLaun3. Nýja kynslóðin er heild-
arlausn sem býr yfir fjölmörgum einingum,
auk launakerfis, sem spannar feril launþega
frá ráðningu til starfsloka. Þessar einingar
eru meðal annars Mannauður, Ráðningar og
Starfsmannavefur.
HLaun3 gefur okkur tækifæri til að þjón-
usta viðskiptvini okkar mun betur en áður
og hefur verið mjög vel tekið. Fjölmargir
viðskiptavina okkar hafa þegar uppfært í
nýja kynslóð og er fjöldi innleiðinga yfir-
standandi.
Starf mitt snýr að sölu og markaðssetn-
ingu á afurðum okkar, þátttöku í vöruþróun,
samningagerð við birgja auk annarra mála-
flokka. Fyrir hönd fyrirtækisins hef ég
undanfarin ár tekið þátt í spennandi verk-
efni: „Putting IC into Practice“ (PIP) sem
er samstarfsverkefni tuttugu norrænna
upplýsingatæknifyrirtækja um skráningu
þekkingarverðmæta. Um er að ræða skrán-
ingu á óefnislegum verðmætum fyrirtækja
(mannauði, skipulagsauði og viðskiptaauði)
og framsetningu þeirra í þekkingarskýrslu
sem byggð er á samræmdum vísbendingum
og mælikvörðum. Við höfum lokið gerð
fyrstu þekkingarskýrslu okkar og hafið und-
irbúning að þeirri næstu.
Þess má geta að auk þess að sérhæfa
okkur í heildarlausnum í starfmannamálum
endurseljum við gagnagrunna frá Oracle
og hugbúnaðarlausnir fyrir röntgendeildir
sjúkrastofnana frá Kodak svo segja má að
starf mitt sé fjölbreytt og spanni mörg svið
í þessum geira.“
Daði kom til starfa hjá Tölvumiðlun
snemma árs 2002: „Ég var áður áratug í trygg-
ingageiranum, síðast sem markaðsstjóri og
staðgengill forstjóra hjá Alþjóða líftryggingar-
félaginu, sem nú heitir KB Líf. Ég kem sem
sagt úr tryggingum yfir í hugbúnaðargeirann.
Í tryggingum er fjallað um fjárhagslegt öryggi
og hugarró en hugbúnaðarsala og þjónusta
snýst um að leysa flókin verkefni með hag-
kvæmum hætti fyrir notendur. Þetta virðist
ólíkur starfsvettvangur í fyrstu, en gildin eru
þó hin sömu hvað varðar markaðssetningu,
sölu og þjónustu, hver svo sem varan er sem
sýslað er með.“
Eiginkona Daða er Soffía D. Halldórs-
dóttir, tannsmíðameistari og eiga þau tvö
börn, Goða Má, tíu ára og Nínu Margréti
sex ára. Áhugamál Daða eru nokkur: „Á
veturna eiga skíðin hug okkar allan og við
reynum að komast á skíði eins oft og kostur
er hér heima og þar sem það hefur verið
takmakað undanfarna vetur þá förum við
á skíði erlendis. Í vetur ætlum við að fara
á skíðasvæði sem við höfum áður heim-
sótt, sem er Sälen í Svíþjóð, ákaflega góður
og skemmtilegur staður. Þetta verður fjöl-
skylduferð þar sem við munum hitta fyrir
aðra fjölskyldumeðlimi. Við hjónum veiðum
einnig og er ég meira fyrir stangveiðina en
eiginkonan hallast að skotveiðinni. Þá er ég
aðeins farinn af stað í golfið sem markmiðið
er að verði fjölskyldusport líkt og skíða-
mennskan.“
FÓLK
sviðsstjóri sölu- og markaðssviðs
hjá Tölvumiðlun
Daði
Friðriksson Nafn: Daði Friðriksson.Fæðingarstaður: Reykjavík, 10. 5. 1967.
Foreldrar: Friðrik Bergsveinsson
og Sigrún Olgeirsdóttir.
Maki: Soffía D. Halldórsdóttir.
Börn: Goði Már 10 ára, Nína Margrét
6 ára.
Menntun: Stúdent frá Verlsunarskóla
Íslands. B.A. í alþjóðaviðskiptum frá
Assumption College í Massachusetts í
Bandaríkjunum.
TEXTAR: HILMAR KARLSSON
MYNDIR: GEIR ÓLAFSSON