Frjáls verslun - 01.05.2005, Blaðsíða 60

60 F R J Á L S V E R S L U N • 5 . T B L . 2 0 0 5
GUÐBRANDUR SIGURÐSSON
Guðbrandur Sigurðs-
son, forstjóri Mjólkur-
samsölunnar - MS.
„Á aðeins örfáum árum hafa orðið algjör vatnaskil í íslensku
atvinnulífi. Gömlum gildum hefur verið varpað fyrir róða og starfað
er samkvæmt nýjum viðmiðum í flestum efnum. Breytingar í
þá veru að hlutur kvenna í áhrifastöðum í
atvinnulífinu hefur aukist er hluti af þessu,
en betur má ef duga skal. Fullnaðarsigur
vinnst ekki nema fólki finnist hlutur þeirra
til jafns við karlana sjálfsagt mál. Við sam-
einingu Mjólkursamsölunnar í Reykjavík og
Mjólkurbús Flóamanna í eitt fyrirtæki nú á
vormánuðum reyndi ég sem kostur var að
taka tillit til jafnréttissjónarmiða. Í stjórnendahópi félagsins eru
tíu manns, þar af ein kona, en val á þessum hópi tók mið af því
starfsfólki sem var til staðar í félögunum sem voru sameinuð.
Það er ljóst að við eigum nokkuð í land á þessu sviði en mjór er
mikils vísir og vonandi munum við sjá eðlileg hlutföll í þessum
hópi þegar fram líða stundir.“
H V E R N I G A U K A M Á H L U T K V E N N A
„Reyndi sem
kostur var að
taka tillit til
jafnréttissjónar-
miða.“
SIGURÐUR G. GUÐJÓNSSON
Sigurður G. Guðjónsson, lögmaður og útgefandi.
„Við brautskráningu frá framhaldsskólunum í vor vakti athygli
mína að alla jafna voru stúlkur að ná mjög góðum námsárangri
og oft sköruðu þær beinlínis fram úr. Vísast munu þessar val-
kyrjur halda áfram í námi og stefna hátt. Þannig leggja æ fleiri
konur til dæmis verkfræðinám fyrir sig - og það er áberandi að
margir af helstu stjórnendum
íslenskra fyrirtækja í dag hafa
slíka menntun að baki og þá
hugsanlega MBA-gráðu að auki.
Það að viðskiptaráðherra sendi
út bréf með hvatningarorðum
um að fjölga konum í stjórnum
fyrirtækja skilar takmörkuðum
árangri að minni hyggju og eins
það framtak þegar konur buðu fram krafta sína við stjórnarsetu.
Að auka hlut kvenna í stjórnunarstörfum í atvinnulífinu snýst fyrst
og fremst um að breyta hugarfari og það gerist á löngum tíma
- en þar vinnur tíminn þó með konunum.“
„Stúlkur eru að
ná mjög góðum
námsárangri og
oft skara þær bein-
línis fram úr.“
Valkyrjurnar stefna hátt
Betur má ef duga skal