Víkurfréttir - 10.01.2008, Blaðsíða 8
8 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 2. TÖLUBLAÐ I 29. ÁRGANGUR
Frá og með áramótum tóku í gildi hjá Reykja-
nesbæ breytingar á stjórnskipulagi og nýir
starfsmenn hafa verið ráðnir í stjórnunar-
stöður.
Fjármála- og þjónustusviði hefur verið skipt í
tvennt: fjármála- og rekstrarsvið og upplýsinga-
svið.
Markmið breytinganna er skýrari áhersla á
þátt fjármála og starfsþróunar sem og áhersla
á samræmda og öfluga upplýsingaþjónustu.
Þórey I. Guðmundsdóttir hefur verið ráðin
framkvæmdastjóri fjármála- og rekstarsviðs
og tekur við fjármálastjórnun af Árna Hinrik
Hjartarsyni sem hverfur til annarra starfa. Að
auki hefur Guðrún Þorsteinsdóttir verið ráðin í
stöðu starfsþróunarstjóra í stað Helgu Jóhönnu
Oddsdóttur sem einnig hverfur til annarra
starfa.
Undir upplýsingasvið munu heyra: kynning-
armál, stjórnun og viðhald, upplýsingatækni,
verkefnastjórn og þjónustuver. Staða fram-
kvæmdastjóra verður auglýst innan skamms.
Menningarsvið er nýtt svið hjá Reykjanesbæ en
það tilheyrði áður Íþrótta- og tómstundasviði.
Íþrótta- og tómstundasvið mun áfram starfa með
svipuðu sniði og verið hefur en þar framundan
er mikil uppbygging íþróttamannvirkja og auk-
inn stuðningur við íþróttir- og tómstundir.
Valgerður Guðmundsdóttir menningarfulltrúi
hefur verið ráðin framkvæmdastjóri menning-
arsviðs frá og með áramótum en hún hefur
starfað sem menningarfulltrúi Reykjanesbæjar
frá árinu 2000. Umfang menningarmála hefur
aukist í bæjarfélaginu undanfarin ár og er vilji
til þess að málaflokkurinn fái aukið vægi í
stjórnkerfinu. Með þessu móti hlýtur menn-
ingarráð starfssvið líkt og önnur ráð Reykjanes-
bæjar en litið er svo á að menningarmál hafi
víðari tengingu en íþrótta- og tómstundamál
s.s. atvinnumál og fræðslumál.
Reykjanesbær:
Nýir starfsmenn í stjórnunarstöður
Víkurfréttir ehf. sem er í eigu
Páls Ketilssonar, Ásdísar
Pálmadóttur og fjölskyldu
fagnaði tuttugu og fimm ára
afmæli 7. janúar.
Hlutafélagið var stofnað form-
lega á þessu degi 1983 af Páli
og þáverandi meðeiganda,
Emil Páli Jónssyni en Páll
keypti hann út úr fyrirtækinu
1993 og hefur rekið það með
fjölskyldu sinni síðan.
Upphaflega voru starfsmenn
tveir, fjölgaði fljótt í þrjá og
reksturinn eingöngu bund-
inn við útgáfu samnefnds
vikublaðs sem Prentsmiðjan
Grágás stofnaði í ágúst 1980.
Í dag starfa um 20 starfs-
menn hjá Víkurfréttum ehf.
en útgáfum VF hefur fjölgað
og starfsemin hefur að sama
skapi aukist mikið á þessum
aldarfjórðungi. Í dag eru rekin
tvö vikublöð, eitt tímarit, tveir
fréttavefir sem og frétta- og
ljósmyndaþjónusta fyrir aðra
fjölmiðla, auglýsingastofa og
nýjasta afurðin er prentþjón-
usta undir nafninu prentun.
com. Það er því óhætt að segja
að það hafi mikið vatn runnið
til sjávar frá stofnun fyrirtæk-
isins.
„Það er enn mjög skemmtilegt
í vinnunni. Fjölmiðla- og út-
gáfumarkaðurinn er svo fjöl-
breyttur en velgengni okkar
byggist á því að við höfum
verið mjög heppin með starfs-
fólk sem er opið fyrir nýj-
ungum og fylgist vel með. Við
erum með ungt og reynslu-
mikið fólk í bland og það
gengur mjög vel. Eftir rúm
tvö ár verða þrjátíu ár liðin
frá því blaðið okkar á Suður-
nesjum, Víkurfrétt ir, kom
fyrst út. Við stefnum að því að
minnast þess með veglegum
hætti og vonandi kemur þá út
fyrsta bókin okkar sem gæti
verið unnin úr viðtölum og
áhugaverðum frásögnum úr
blaðinu. Slíka útgáfu þarf að
undirbúa vel og við erum að
byrja á þeirri vinnu. Nýjasta
þjónustan okkar, prentun.com
hefur einnig fengið góðar við-
tökur. Við lítum því björtum
augum á framtíðina,“ sagði
Páll Ketilsson.
Tveir starfsmenn hafa fylgt
Páli nán ast frá upp hafi ;
Hilm ar Bragi Bárð ar son,
fréttastjóri en hann fagnaði
tuttugu ára starfsamæli nýlega
og Aldís Jónsdóttir, sem hefur
sinnt bókhalds- og skrifstofu-
störfum ásamt fleiru, er að ná
þeim áfanga á næsta ári.
VÍKURFRÉTTIR EHF.
Í ALDARFJÓRÐUNG
Páll Ketilsson, ritstjóri og eigandi VF með Hilmari Braga Bárðar-
syni, fréttastjóra og Aldísi Jónsdóttur, skrifstofudömu með af-
mælisköku í tilefni tuttugu og fimm ára afmælisins.
Víkurfréttir eru ört vaxandi fyrirtæki: