Víkurfréttir - 17.01.2008, Blaðsíða 8
8 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 3. TÖLUBLAÐ I 29. ÁRGANGUR
Gríðarlegt annríki var hjá
Brunavörnum Suðurnesja
á mánudag. Um tíma voru
14 slökkviliðs- og sjúkra-
flutningamenna samtímis
að störfum vegna umferðar-
óhappa og allir sjúkrabílar
Bruna varna Suð ur nesja,
auk sjúkrabíls Grindavíkur,
samtímis uppteknir vegna út-
kalla.
Beita þurfti björgunartækjum
þ. e . a . s . vök v a k l ipp u m ,
tjökkum og spili slökkviliðs
BS til að ná fólki úr klesstum
bíl sem fór út af á Reykjanes-
braut við gatnamótin inn á
Seylubraut í Njarðvík í Reykja-
nesbæ.
Hvert útkall var mjög tíma-
frekt því að stæð ur voru
slæmar, mikil hálka og skaf-
renningur var á brautinni, sér-
staklega á svæðinu þar sem
vegaframkvæmdir standa yfir,
en flest slysin urðu á þeim
vegakafla. Erfitt var því fyrir
viðbragðsaðila að komast að
slysavettvangi og m.a. varð að
loka Reykjanesbrautinni um
tíma.
Um átta leytið á mánudags-
kvöld fór tilfellum að fækka,
en frá há degi og fram á
kvöldið voru komin samtals
16 útköll á sjúkra- og tækjabíl
slökkviliðs BS, þar af voru 9
tilfelli vegna umferðaróhappa
á Reykjanesbraut, alls voru 7
slasaðir og þar af voru 4 fluttir
áfram til sjúkrahúsa á höfuð-
borgarsvæðinu vegna alvar-
leika meiðsla þeirra.
Önnur útköll slökkviliðsins BS
voru misalvarleg og tengdust
að mestu veikindum, að því er
segir í frétt á vef Brunavarna
Suðurnesja.
Reykjanesbraut:
Sjö slasaðir eftir fjölda
umferðaróhappa
Frá einu slysanna á Reykjanesbraut. Þarna þurfti að beita klippum.
Karlmaður var í síðustu viku
dæmdur í 45 daga fangelsi,
skilorðsbundið til tveggja
ára, fyrir húsbrot og líkams-
árás sem átti sér stað í Sand-
gerði vorið 2006. Hann var
sakfelldur fyrir að hafa ráð-
ist á konu í heimahúsi, hent
henni í gegnum hurð á bað-
herbergi þannig að hún lenti
utan í klósettinu og hlaut af
mar.
Forsaga málsins er sú, að sögn
ákæranda, að maðurinn hafði
hringt í hana, drukkinn, og
sagst viljað eiga við hana náin
kynni. Hún hafi neitað og
borið því við að hún væri á
heimili sínu í Reykjavík. Þekkt-
ust þau lítillega fyrir, en þau
eru bæði Pólverjar.
Hann sætti sig greinilega ekki
við þær málalyktir og fór því,
ásamt félaga sínum, sem átti
þá í sambandi við kæranda,
að heimili bróður hennar þar
sem hún var stödd og hellti sér
yfir hana með skömmum og
fúkyrðum. Reiddist kærandi
þá og löðrungaði ákærða sem
brást ókvæða við, greip í kon-
una og fleygði henni í lokaða
baðherbergishurð sem brotn-
aði upp. Hún lenti svo með
síðuna í klósettinu og segir í
ákærunni að hún hafi hlotið
af marbletti á handlegg og
vinstra megin á baki, stífleika
í mjóbaki, eymsli í vöðvum
hægra megin í mjóbaki.
Eftir það tókust ákærði og
bróðir fórnarlambsins á en
þegar árásarmaðurinn varð
þess áskynja að lögreglan var
á leiðinni lét hann sig hverfa
ásamt félaga sínum.
Við yfirheyrslur og fyrir dómi
kvaðst ákærði ekki kannast við
málið og hafi aldrei komið í
það hús sem um er rætt. Hann
hafi eflaust verið heima hjá
sér það kvöld og kona hans
geti vottað það. Um ástæður
kærunnar veit hann ekki en
getur sér þess til að kærandi
sé reið út í hann, því hann hafi
hafnað tilboði hennar um að
sænga hjá henni og vinkonu
hennar saman.
Mörg vitni báru þó að um
þennan mann hafi verið að
ræða, m.a.s. félagi hans sem
var með honum, en ákærði
getur sér þess til að kærða hafi
fengið þann mann til að ljúga
upp á sig til að koma honum
í koll.
Þrátt fyrir að maðurinn hafi
neitað sakargiftum taldi dóm-
urinn sannað að hann hafi
komið óboðinn inn á heim-
ilið og veist þar að kæranda.
Hann var því dæmdur, eins og
áður kom fram, í 45 daga skil-
orðsbundið fangelsi og til að
greiða málsvarnarlaun skipaðs
verjanda að upphæð 220.116
krónur.
Dómsmál:
Skilorð fyrir líkamsárás