Víkurfréttir - 21.02.2008, Blaðsíða 30

30 VÍKURFRÉTTIR Á NETINU • www.vf.is • LESTU NÝJASTA SPORTIÐ DAGLEGA!VÍKURFRÉTTIR I ÍÞRÓTTASÍÐUR
jbo@vf.is Íþróttapósturinn er
Kristinn hættur hjá Keflavík
Kristinn Guðbrandsson hefur
látið af störfum sem aðstoðar-
þjálfari knattspyrnuliðs Kefla-
víkur. Kristinn vildi ekki tjá
sig um ástæður afsagnarinnar
í samtali við Víkurfréttir. Krist-
inn var aðstoðarþjálfari Krist-
jáns Guðmundssonar þegar
Keflvíkingar urðu VISA bikar-
meistarar með 2-0 sigri gegn
KR árið 2006.
„Það er ekki gaman að yfirgefa
leikmannahópinn og þjálfara-
liðið en ég hef tekið ákvörðun
og stend við hana,“ sagði Krist-
inn við Víkurfréttir en þegar
hefur hann orðið var við áhuga
annarra félaga en hann ætlar
sér ekki á önnur mið strax.
„Spurning um að upplifa það
einu sinni á ævinni að eiga sum-
arfrí,“ sagði Kristinn sem gerði
garðinn frægann í varnarlínu
Keflavíkur áður en hann varð
hluti af þjálfarateymi liðsins.
Yfirburðir ÍRB á
Gullmóti KR
Sundlið ÍRB sigraði á Gullmóti
KR með yfirburðum um síð-
ustu helgi. Lið ÍRB hlaut 1447
stig í 1. sæti en í 2. sæti hafnaði
KR með með 731 stig og í 3.
sæti SH með 602 stig. Lið ÍRB
tók forystuna strax frá fyrstu
sundum á föstudeginum og
hélt henni til loka mótsins án
þess að nokkuð lið gæti ógnað
þeim. Sundmennirnir voru
heilt í gegn að synda mjög
vel og sýndu margir hverjir
frábærar framfarir. Þó sérstak-
lega yngri sundmennirnir sem
fóru gjörsamlega á kostum í
mörgum greinum. Eldri sund-
mennirnrir voru líka að koma
með frábær sund þrátt fyrir
stífar æfingar en þeirra aðal-
mót er IM 50 í apríl og miðast
æfingar við að ná besta árangri
þar. Tveir sundmenn náðu þó
lagmörkum inn í unglinga-
landslið SSÍ fyrir keppnisferð
til Lúxemborgar. Það voru þau
Jóna Helena Bjarnadóttir og
Gunnar Örn Arnarson og bæt-
ast þau nú í hópinn með Soffíu
Klemenzdóttur.
Fjör á Samkaupsmóti
Samkaupsmót Keflavíkur í 7.
flokki drengja í knattspyrnu fór
fram í Reykjaneshöll um síð-
ustu helgi. Fjölmörg lið sendu
iðkendur til keppni og lögðu
margir aðstandendur leið sína
í mótið. Mótahald Keflavíkur í
knattspyrnu fyrir yngri flokka
hefur verið töluvert síðustu vik-
urnar og er vel af þeim látið.
14 ára körfuboltadómari
- Ísak Kristinsson fetar í fótspor föðurs síns
Páll Axel Íþróttamaður
Grindavíkur 2007
Körfuknattleiksmaðurinn Páll Axel Vilbergsson var
á þriðjudag útnefndur Íþrótta-
maður Grindavíkur fyrir árið
2007. Knattspyrnumaðurinn
Scott Ramsay varð annar í kjör-
inu og Þorleifur Ólafsson liðs-
félagi Páls í Grindavíkurliðinu
varð þriðji í kjörinu.
Páll Axel er fyrirliði Grinda-
víkur sem leikur í Iceland Ex-
press deild karla og vermir um
þessar mundir 2. sætið í deildar-
keppni úrvalsdeildar. Páll er leið-
togi á velli og hefur m.a. orðið
Íslands- og bikarmeistari með
Grindvíkingum og leikur stórt
hlutverk hjá íslenska A-landslið-
inu sem í haust vann magnaðan
heimasigur með flautukörfu
gegn Georgíumönnum. Páll
Axel hefur leikið 18 deildarleiki
með Grindavík á þessari leiktíð
og gerir að jafnaði 22,1 stig að
meðaltali í leik en Páll Axel er á
sínu fjórtánda ári í úrvalsdeild
karla og á sínu þrettánda ári
með Grindavík en hann lék eina
leiktíð með Skallagrím í Borg-
arnesi.
Sjaldan fellur eplið langt frá eikinni og þannig er í
pottinn búið hjá þeim Kristni
Óskarssyni og Ísaki Kristins-
syni körfuknattleiksdómurum.
Feðgarnir eru körfuknatt-
leiksunnendur inn að beini
og um síðustu helgi voru þeir
saman dómarapar í Njarðvík
þegar heimamenn tóku á móti
Tindastól í 1. deild kvenna. Sá
leikur var fyrsti meistaraflokks-
leikurinn sem Ísak dæmdi en
hann er aðeins 14 ára gamall
og er nemandi í 9. bekk við
Heiðarskóla í Reykjanesbæ.
Þrátt fyrir ungan aldur er Ísak
enginn nýgræðingur en hann
hefur dæmt 63 mótsleiki og
tekur dómarastarfið alvarlega.
„Ég byrjaði að suða í pabba um
að fá að fara með honum á leiki
þegar ég var um 8 ára. Hann
vildi ekki alltaf að maður kæmi
með í öll verkefnin en ég fór
t.d. síðast með honum í Stykk-
ishólm og fer á alla leiki með
honum sem ég get og það líður
vart sá dagur að við tölum ekki
um dómgæslu,“ sagði Ísak en
þessum unga manni er margt til
lista lagt. Ísak æfir einnig körfu-
bolta með Keflavík og golf hjá
GS og svo lærir hann á trompet
í tónlistarskólanum á veturna og
vílar því ekki fyrir sér að blása
hraustlega í eitt stykki dóm-
araflautu.
„Við fengum t.d. video af Njarð-
víkurleiknum um síðustu helgi
og við pabbi fórum saman í
gegnum leikinn og fórum yfir
hvað mátti gera betur og hvað
hafi verið vel gert,“ sagði Ísak
sem dæmt hefur með fleiri
dómurum úr úrvalsdeildinni
en Kristni föður sínum. Hann
segir það vera einn af lyklunum
að árangri í dómgæslustarfinu
að dæma með alvöru mönnum.
Metnaðurinn er til staðar og
segir Ísak að stefnan sé að slá
öll dómaramet föður síns og nú
þegar fyrsti meistaraflokksleik-
urinn er kominn verður það tím-
inn sem mun leiða í ljós hvort
annar fyrsta flokks körfubolta-
dómari af Suðurnesjum sé í fæð-
ingu. En hvað segir lærifaðirinn
og pabbinn um dómarann Ísak?
„Ísak er búinn að sýna dóm-
gæslu mikinn áhuga núna í tvö
ár og ég hef verið að streitast
aðeins á móti og vildi ekki að
hann færi út í þetta þegar hann
byrjaði að sína þessu áhuga.
Mér fannst þetta neikvæða sem
fylgir starfinu eitthvað sem væri
ekki fyrir börnin mín en ég
skynjaði fljótt að ekki yrði aftur
snúið með þetta,“ sagði Krist-
inn en dómgæslan hefur veitt
honum sjálfum aga og knúið
hann til að vera stöðugt með
sjálfan sig í þróun. „Þá hef ég
fengið að ferðast sem dómari
og kynnst fólki úti um alla heim
sem er eitthvað sem ég vil fyrir
börnin mín. Ísak mun þurfa ei-
lífan saman burð við mig, pabbi
hitt og pabbi þetta, en við erum
frekar ólíkir. Hann er mýkri
maður en ég og ekki jafn hvass
og harður en hefur reyndar
meiri samskiptahæfileika en
ég og er duglegur að spyrja og
læra,“ sagði Kristinn.
„Að dæma sinn fyrsta meistara-
flokksleik 14 ára er mjög ungt
en ég verð að segja að hann var
mun betri en ég átti von á. Hann
tók enga mjög slæma ákvörðun
í leiknum og dæmi ég nú oft
með dómurum sem taka mjög
slæmar ákvarðanir.“
Pabbinn hefur gefið syni sínum
svigrúm til þess að átta sig
sjálfur á dómgæslunni en Ísak er
duglegur að bera sig eftir aðstoð-
inni og ræðast þeir feðgar mikið
við. „Leiðin til að verða góður
dómari er sú að þú verður að al-
ast upp í íþróttinni og þú verður
að spila íþróttina í a.m.k. 6-10
ár. Hann verður að halda áfram
að æfa og elska körfubolta, þetta
er ekki hægt öðruvísi,“ sagði
Kristinn. Sjálfur var Ísak nú lítið
stressaður þegar hann dæmdi
sinn fyrsta meistaraflokks um
síðustu helgi.
„Það kom nú reyndar smá
skjálfti í mig þegar ég sá íþrótta-
húsið fyrst en svo varð þetta
bara eins og hver annar leikur
sem maður hefur dæmt, þetta
er spenna og allt það en maður
verður bara að dæma þetta eins
og hvern annan leik,“ sagði Ísak,
einn efnilegasti körfuboltadóm-
ari landsins um þessar mundir.
...hann er mýkri
maður en ég og
ekki jafn hvass og
harður en hefur
reyndar meiri sam-
skiptahæfileika...
Frá vinstri: Scott Ramsay, Páll Axel og Þorleifur.