Víkurfréttir - 21.02.2008, Blaðsíða 31

31ÍÞRÓTTASÍÐUR VÍKURFRÉTTA ERU Í BOÐI LANDSBANKANS VÍKURFRÉTTIR I ÍÞRÓTTASÍÐUR
1 Fulham-West Ham 2 X2
2 Liverpool-Middlesbro 1X 1
3 Portsmouth-Sunderland 1 1
4 Wigan-Derby 1X 1
5 Blackpool-Charlton 12 2
6 C.Palace-Wolves 1X2 12
7 Q.P.R.-Sheff. Utd. 2 1
8 Stoke-Ipswich 1 1
9 Colchester-Bristol C. 2 2
10 Coventry-Leicester 2 1X
11 Plymouth-Burnley 1 1X2
12 Scunthorpe-Southampton 2 X2
13 Sheff.Wed.-Cardiff 1X 2
Fyrirtækjaleikur
barna- og
unglingaráðs
Keflavíkur
SG Bílar Sjúkraþj. Suðurnesja
Áfangar skelltu
Bílahorninu hjá Sissa
í síðustu viku með
11 rétta gegn 8 þegar
fyrirtækjaleikur
barna- og unglingaráðs
Keflavíkur hóf göngu
sína að nýju. Þórarinn
Kristjánsson reyndist
öflugur fyrir Áfanga
en að þessu sinni
eru það SG Bílar og
Sjúkraþjálfun Suðurnesja
sem mætast með
tipphæfileikana að vopni.
Allt er þegar
þrennt er!
- Grindavík leikur til bikarúrslita á sunnudag
Það er ekki í boði að koma heim til Grindavíkur með
fjórða bikarsilfrið segir Jovana
Lilja Stefánsdóttir fyrirliði
Grindavíkur sem á sunnudag
mætir Íslands- og bikarmeist-
urum Hauka í úrslitum Lýsing-
arbikars kvenna í körfuknatt-
leik. Leikurinn fer fram í
Laugardalshöllinni og hefst kl.
14:00. Leikurinn verður fjórði
bikarúrslitaleikur kvennaliðs
Grindavíkur sem ávallt hafa
hafnað í 2. sæti. Á sunnudag
leikur Jovana Lilja sinn þriðja
bikarúrslitaleik á ferlinum og
ætlar sér alls ekki að bæta við
þriðja bikarsilfrinu í safnið.
„Auðvitað er maður þreyttur á
silfrinu í Höllinni, það er svekkj-
andi. Nú er ekki í boði að tapa
í annað sinn fyrir Haukum
í bikarúrslitum, allt er þegar
þrennt er,“ sagði Jovana hress
í bragði en þetta verður þriðja
tilraun Jovönu til þess að landa
bikargulli. „Mér finnst við
með meiri breidd en Haukar
og við eigum að geta keyrt
aðeins á þær en Haukar hafa
stóra leikmenn sem minna er
af hjá okkur. Það er því ákjósan-
legt að hleypa hraðanum upp í
leiknum, spila góða vörn og fá
auðveldar körfur,“ sagði Jovana
og viðurkenndi að síðustu miss-
eri hefði bikarúrslitaleikurinn
verði henni ofarlega í huga.
„Maður hefur samt þurft að
setja bikarleikinn aðeins á bið út
af deildarleikjum en ég er búin
að hugsa mikið um leikinn,“
sagði Jovana sem átti von á því
að Grindvíkingar myndu gera
eitthvað skemmtilegt saman til
að efla andann í hópnum fyrir
leik. „Við erum vanar að gera
eitthvað saman fyrir svona leiki,
fara að borða saman og peppa
liðið aðeins upp. Sjálf reyni ég
að vakna tímanlega á leikdegi
en ekki of snemma. Ég hugsa
ekki mikið um leikinn yfir dag-
inn, hef ekki lagt það í vana
minn því mér hefur fundist það
truflandi. Ég tek mér nú samt
smá tíma í að spá í þessu, allt
er gott í hófi,“ sagði Jovana en
hverju má búast við af Haukum
á sunnudag?
„Ég held að Haukar komi dýr-
vitlausar í þennan leik, þetta er
bikarúrslitaleikur og við búumst
ekki við neinu öðru af þeim.
Við vitum hvað við þurfum til
að vinnan þennan leik, ef við
gerum það sem Igor leggur
fyrir okkur þá vinnum við
þennan leik. Við erum sjálfum
okkur verstar og bestar. Það er
draumur hvers körfuboltamanns
að leika til bikarúrslita í Höllinni
og við förum ekki þangað til að
koma heim til Grindavíkur með
silfur fyrir okkur og alla sem
koma að körfunni í Grindavík.
Við munum gera okkar besta til
að taka dolluna núna.“
Keflavíkurvöllur hlýtur
nafn Sparisjóðsins
Knattspyrnudeild Kefla-víkur skrifaði á dög-
unum undir styrktarsamning
við Sparisjóðinn í Keflavík en
í honum felst m.a. að SpKef
verður, eins og mörg síðustu
ár, aðalstyrktaraðili deildar-
innar og með jafnvel enn veg-
legri hætti en síðustu ár.
Á meðal þess sem um er getið
í samningnum sem Rúnar Arn-
arsson, fráfarandi formaður
deildarinnar, og Geirmundur
Kristinsson, Sparisjóðsstjóri,
undirrituðu er að á samnings-
tímanum mun Keflavíkurvöllur
ganga undir nafninu Sparisjóðs-
völlurinn í Keflavík. Mærðu
þeir Rúnar og Geirmundur
báðir samstarfið sem hefur að
þeirra sögn verið afar ánægju-
legt í gegnum árin og spáðu
því að svo yrði um ókomna tíð.
Það skal tekið fram að knatt-
spyrnuvöllurinn í Sandgerði
ber einnig nafn Sparisjóðsins.
Samheldinn hópur! Víkurfréttir litu við á æfingu
hjá Grindavíkurkonum sem ætla sér stóra hluti
í Laugardalshöllinni á sunnudag.