Víkurfréttir - 06.03.2008, Blaðsíða 14
14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 10. TÖLUBLAÐ I 29. ÁRGANGUR
Bæjaryfirvöld í Sandgerði
vinna nú að nýju deiliskipu-
lagi fyrir Rockville-svæðið
þar sem fara mun sam an
landnotkun iðnaðar, athafna,
verslunar- og þjónustu við
það að svæðið verði tekið
í borgaraleg not. Um er að
ræða landsvæði upp á 53
hektara.
Í samræmi við óskir atvinnu-
ráðs er gert ráð fyrir upp-
bygg ingu hátækniþorps á
Rockvillesvæðinu. Gert er ráð
fyrir að atvinnustarfsemi að-
lagi starfsemi sína að grænni
ímynd og ítrustu mengunar-
vörnum. Boðið verði upp á
stórar, stakstæðar lóðir sem
gera fjölbreyttum fyrirtækjum
innan hátækniiðnaðar kleift
að skapa sér sérstöðu hvað
varðar ásýnd og umhverfi.
Gert er ráð fyrir að deiliskipu-
lag Rockville verði auglýst sam-
hliða breytingu á aðalskipulagi
Sandgerðisbæjar. Málið var
lagt fram til kynningar á bæj-
arstjórnarfundi nú í vikunni.
Unnið verður áfram að mál-
inu og er að því stefnt að það
komi til afgreiðslu í mars.
Rockville-svæðið
verði hátækniþorp
Sandgerði
Fiskisaga og Gallerí Kjöt
opnaði á þriðjudaginn
nýja verslun í verslunar-
kjarnanum á Fitjum og
er þetta ellefta verslun
fyrirtækisins í röð sælkera-
búða sem reknar eru á
stór-Reykjavíkursvæðinu
og á Akranesi.
Fiskisaga og Gallerí Kjöt
bjóða upp á mikið úrval af
girnilegum og gómsætum
fisk- og kjötréttum, framandi
jafnt sem hefðbundnum.
Einnig selja búðirnar
ferskan fisk eftir vigt og
hafa á boðstólum meðlætið
með fiskinum. Úrvalið
í kjötvörunni er einnig
mikið en þar má m.a. finna
villibráð og veislusteikur,
gómsætt paté, grafna gæs og
kryddlegið lamb, hangikjöt
og himneskar nautasteikur.
Í verslunum Fiskisögu og
Gallerí Kjöts er rík áhersla
lögð á vörugæði og ferskleika
og persónulega þjónustu.
Verslunin er opin frá kl.
10 – 18:30 virka daga og
11 – 17 á laugardögum.
Fiskisaga og Gallerí Kjöt opna á Fitjum
Sandra Gísladóttir, verslunarstjóri og Jóhann Waage, aðstoðarverslunarstjóri
við glæsilegt kjöt- og fiskborð verslunarinnar.