Víkurfréttir - 03.04.2008, Blaðsíða 14

14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 14. TÖLUBLAÐ I 29. ÁRGANGUR
www.kaffitar.is
Kaffitár hefur með frumkvæði og forystu lagt sitt af mörkum
til fjölbreytileikans í kaffilífi þjóðarinnar. Megin áhersla
Kaffitárs er að gera vel við kaffibændur sem og viðskiptavini
sína - og að gera alltaf betur. Grundvöllur þess er vitanlega
ástríða okkar að finna og framleiða hið allra besta úrvalskaffi
og leyfa öðrum að njóta þess.
Kaffibarþjónn
Starfið/starfssvið
Óskum eftir starfsmanni á kaffihús okkar Stapabraut 7
í hlutastarf eftir hádegi. Starfið felst í framreiðslu á
kaffidrykkjum, veitingum og sölu á úrvalskaffi og
kaffivörum.
Hæfniskröfur:
Við leitum að áhugasömum og þjónustuljúfum einstakling
með metnað og frumkvæði. Kaffitár leggur sig fram við
að þjálfa og fræða starfsfólk sitt þannig að hver og einn
sé svo vel að verki farinn að öruggt sé að bestu eiginleikar
kaffisins komist til skila.
Umsóknum má skila með tölvupósti á marta@kaffitar.is,
einnig má koma umsóknum til skila á kaffihús okkar
Stapabraut 7. Frekari upplýsingar veitir Marta í síma 696-
8832.
-leggur heiminn að vörum þér
Björk Guð jóns dótt ir, al-
þingismaður og forseti bæj-
arstjórnar Reykjanesbæjar,
lýsti yfir stuðningi við upp-
skiptingu á embætti lögreglu-
stjórans á Suðurnesjum á Al-
þingi í vikunni.
Félagar hennar í stjórnarlið-
inu og þingmenn Samfylk-
ingarinnar, Lúðvík Bergvins-
son, Árni Páll Árnason og
Helgi Hjörvar, lýstu sig allir
mótfallna þessum umdeildu
breytingum líkt og stjórnar-
andstæðingar. Birgir Ármanns-
son, Sjálfstæðisflokki, sagðist
hlynntur breytingunum.
Í ræðu sinni á Alþingi sagði
Björk m.a.: „Er ekki eðlilegt
að stjórnsýsla á Suðurnesjum
sé með sama hætti og almennt
gerist í landinu? Það er að færa
ábyrgðina á tollgæslu undir
fjármálaráðuneytið, öryggis-
og vopnaleit til samgönguráðu-
neytis og lögregluna til dóm-
stólanna [sic].
„Fyrirkomulagið sem nú er
viðhaft er arfur frá því að Varn-
arliðið var á Suðurnesjum og
er sjálfsagt eðlilegt að endur-
skoða fyrirkomulagið og færa
það í annað horf ef það er ekki
að ganga upp eins og ætlast
er til.“
Hún bætti því við að samstarf
á milli aðila yrði áfram á fag-
legum nótum þó yfirstjórn sé
Skiptar skoðanir á stjórnarheimilinu
Lögreglan á Suðurnesjum:
mismunandi og bætti því við
að hún sagðist skilja áhyggjur
starfsmanna að mörgu leyti.
Gott og farsælt starf hafi farið
fram undir stjórn lögreglu-
stjóra.
„Ég vona svo sannarlega að
löggæslan á Suðurnesjum
njóti hans krafta,“ sagði Björk
að lokum og bætti því við að
hún vonaðist til að málið fengi
farsæla lausn.
Lúð vík, sem er jafn framt
þingflokksformaður Samfylk-
ingarinnar, sagði í máli sínu
að veigameiri rök þurfi til
að honum snúist hugur. Þau
rök að með breytingunum sé
verið að færa embættið í sama
horf og önnur embætti á land-
inu eigi ekki við. Það sé í raun
meginregla í embættum lands-
ins að þar fari sami maður
með lögregluvald og tollvald,
raunar sé höfuðborgarsvæðið
eina undantekningin af átta
embættum.
Aðspurður um það hvort að
hann hyggist styðja þessar
breytingar þegar til kastanna
kæmi sagði hann: „Ég met það
þannig að til lengri tíma, ef
þetta verði brotið upp, muni
það skaða embættið og starfið
sem er suður frá og ég mun
ekki standa að því.“
Skömmu eftir að þessum um-
ræðum lauk bárust fregnir af
því að Jóhann R. Benedikts-
son, sem hugðist segja upp
starfi lögreglustjóra, hafi séð
sig um hönd. Hann muni því
vinna að lausn á þeirri erfiðu
stöðu sem komin er upp.
Þá samþykkti forsætisnefnd
Alþingis, á fundi sínum í dag,
að fela Ríkisendurskoðun að
gera úttekt á rekstri lögreglu-
embættisins síðustu 16 mán-
uði, eða frá því að lögreglu-
embættin á Suðurnesjum voru
sameinuð undir einn hatt.
Kristinn H. Gunnarsson, full-
trúi Frjálslyndra í forsætis-
nefnd, lagði tillöguna fram,
en von Frjálslyndra stendur
til þess að ákvörðun um upp-
skiptingu lögregluembættisins
verði frestað þar til skýrsla Rík-
isendurskoðunar liggur fyrir.
Það er ekki á hverjum degi sem flöskuskeyti
finnast í fjöru nú til dags. Þeir félagar Ívar
Snær Halldórsson og Guðsteinn Fannar Ell-
ertsson voru því heldur undrandi þegar þeir
rákust á eitt slíkt í fjörunni við Seltanga
austan við Grindavík þar sem þeir voru í
fjöruferð nú á dögunum.
Skeytið er sent af William Hansen, skip-
stjóra á Atlantic Enterprise. Samkvæmt eft-
irgrennslan á Google er það feiknastórt
rækjuveiðiskip sem gert er út frá Halifax en
William skipstjóri mun vera færeyskur sam-
kvæmt heimilisfangi sem hann gefur upp í
skeytinu. Skeytið er dagsett 25. september
2006 og hefur William hent því í sjóinn
á miðunum út frá Labrador, samkvæmt
hnitum sem gefin eru upp.
Skeytið hefur því borist með Labrador-
straumnum niður fyrir suðurodda Græn-
lands þar sem hann mætir Golfstraumnum,
sem borið hefur skeytið upp að Íslands-
ströndum.
Ekki er ólíklegt að það hafi farið með
straumnum umhverfis landið áður en haf-
aldan skolaði því upp á land við Selatanga.
Þeir Ívar Snær og Guðsteinn eru búnir að
skrifa Willam Hansen skipstjóra bréf með
myndum af fundinum og bíða nú spenntir
svars. Það bréf var reyndar sent með hefð-
bundnum pósti en ekki í flöskuskeyti.
Óvæntur fundur í fjöruferð:
Fundu flöskuskeyti
Á þessu korti sést leið
flöskuskeytisins.
Ívar Snær og Guðsteinn Fannar með flöskuskeytið góða. VF-mynd:elg
Flöskuskeytið
í fjörunni við
Selatanga.
VF-mynd: elg.