Víkurfréttir - 10.04.2008, Blaðsíða 4

4 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 15. TÖLUBLAÐ I 29. ÁRGANGUR
Hita veita Suð ur nesja hf.
tók orkuver 6 formlega í
notkun í sl. viku. Afkasta-
geta hverfils orkuversins er
30 megawött. Raforkan sem
unnin er í Orkuveri 6 er að
hluta til orka úr jarðhitakerfi
Svartsengis sem ekki hefur
nýst hingað til. Gufuhverfill-
inn er einnig mjög sérstakur
þar sem hann er hægt að
keyra á 16 bara þrýstingi, 6
bara þrýstingi og 0,6 bara
þrýstingi. Vegna þessa hefur
hverfillinn fengið nafnið
Kolkrabbinn, en inn á vélina
liggja fjölmargar leiðslur.
Hugmyndin um að nýta mis-
munandi þrýsting í vinnslu-
kerfinu var borin undir Fuji
Electric Systems í Japan sem
framleitt hafa flestar vélar
virkjunarinnar í Svartsengi.
Sérfræðingum Fuji leist ekki á
hugmyndina um fjölþrýstivél
í upphafi en sáu svo að slík
vél gæti einnig hentað öðrum
jarðhitakerfum og aukið nýtni
og sveigjanleika.
Framkvæmdir við virkjunina
hafa staðið yfir í nærri tvö ár.
Framleiðsla í virkjuninni hófst
fyrir áramót en þar sem gufu-
öflun var ekki lokið komst
hann ekki í full afköst fyrr en
í síðasta mánuði. Þá var tengd
við hann ný hola sem boruð
var í Svartsengi, hola SV-22.
Orkuver 6 er í afar flóknu sam-
spili við aðra hluta orkuvers-
ins í Svartsengi.
15 megavött af raforkunni
frá Orkuveri 6 fara til álvers
Norðuráls á Grundartanga til
seinni hluta árs 2011 en eftir
það er sú orka laus til annarra
verkefna og 15 megavött fara
á almennan markað.
Heildarkostnaður við fram-
kvæmdina, ásamt fjármagns-
kostnaði, verður um 4,4 millj-
arðar kr.
Ósáttur við uppskipti
Hitaveitu Suðurnesja hf.
Aðalfundur Hitaveitu Suður-
nesja hf. var haldinn í síðustu
viku. Þar kom fram að nú er
verið að bora fjórðu holuna á
Reykjanesi sem er ætluð fyrir
aflvél 3 og á að framleiða 50
megavött. Þá er verið að vinna
í heimildum til borana í Eld-
vörpum og síðan á Krísuvíkur-
svæðinu. Hitaveita Suðurnesja
er að vonast til að geta bætt
við 70-100 megavöttum í raf-
orkuframleiðslu á Reykjanesi
innan þriggja ára.
Varðandi orkuöflun fyrir fyrir-
hugað álver Norðuráls í Helgu-
vík, sagði Júlíus Jónsson, for-
stjóri HS, að möguleikarnir
væru klár lega fyr ir hendi
frá náttúrunnar hendi. Leyf-
isferlar þurfi hins vegar að
ganga upp og í sátt við allt.
Gengishagnaður varð upp
á 900 milljónir hjá Hitaveitu
Suðurnesja hf. á síðasta ári. HS
seldi eignir á síðasta ári fyrir
500 milljónir króna og fékk
einnig eingreiðslu frá Varnarlið-
inu upp á 10 milljónir dollara.
Á þessu ári mun Hitaveita Suð-
urnesja hf. leggja nýja neyslu-
vatnslögn til Vestmannaeyja.
Verkið verður unnið í júlí og
mun kosta um einn milljarð
króna án virðisauka. HS hefur
verið í viðræðum við stjórn-
völd vegna vatnsveitunnar
í Eyjum, þar sem hún getur
ekki talist arðbær. Þannig eiga
vatnsveitur að standa undir
eigin rekstri en hins vegar er
þak á því hvernig verðleggja
má vatn til viðskiptavina.
Það módel getur engan veg-
inn gengið upp í Vestmanna-
eyjum. Júlíus sagði í samtali
við Víkurfréttir að stjórnvöld
væru að viðurkenna stöðuna
og á von á að þau komi til
móts við Hitaveitu Suðurnesja
hf. í málinu, vegna sérstöðu
Vestmannaeyja.
Júlíus ræddi einnig um frum-
varp sem nú liggur fyrir þing-
inu um uppskiptingu er varða
einkaleyfisþætti og samkeppn-
isþætti. Ef frumvarpið verður
að lögum, verða líklega tveir
aðalfundir á næsta ári. Hita-
veita Suðurnesja, sem byggð
hefur verið upp í 30 ár, verður
þá skipt upp og þá er spurn-
ing hvernig þeim fyrirtækjum
mun reiða af.
Júlíus er ekki sáttur við frum-
varpið og þær breytingar sem
yrðu á HS og fyrirtækið sér
engan ávinning af breyting-
unni. „Breytingin mun aðeins
hafa í för með sér kostnaðar-
auka og minni skilvirkni sem
allir vita, sem vilja vita, að
lendir á endanum á viðskipta-
vinum. Júlíus segir að það sem
þarf að tryggja er að auðlind-
irnar og jarðhitinn nýtist fólk-
inu í landinu með eðlilegum
hætti. Hver á auðlindirnar,
skiptir ekki máli, ef nýtinga-
rétturinn er klár“, sagði Júlíus
í samtali við Víkurfréttir.
Varðandi fyrirhugað álver í
Helguvík, sagði Júlíus að Hita-
veita Suðurnesja ætli að koma
með 100-150 megavött af raf-
orku í fyrsta áfanga álversins.
Júlíus telur að HS fari langt
með að ná 100 megavöttum
á Reykjanesi og því sem uppá
vantar í öðrum virkjunar-
kostum HS.
Kolkrabbinn
framleiðir 30 megavött í Svartsengi
Frá stjórnarfundi Hitaveitu Suðurnesja, sem
haldinn var strax eftir aðalfund. Þar var Árni
Sigfússon kosinn stjórnarformaður HS.
Myndir: Páll Ketilsson
Barnabörn sex vélfræðinga Hitaveitu
Suðurnesja, sem tóku skóflustunguna
að Orkuveri 6, klipptu á borða og tóku
orkuverið formlega í notkun.