Víkurfréttir - 15.05.2008, Blaðsíða 8

8 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 20. TÖLUBLAÐ I 29. ÁRGANGUR
Bætt aðgengi hefur lengi
verið eitt helsta baráttumál
fatlaðra. Þrátt fyrir að lög
um þetta hafi verið í gildi
síðan seint á 8. áratug síðustu
aldar er ennþá víða pottur
brotinn. Engu að síður hefur
mik ið áunn ist í þess um
efnum, að sögn Guðjóns Sig-
urðssonar, formanns MND
sam tak anna. Hann kom
einmitt í stutta vettvangsferð
til Reykjanesbæjar ekki alls
fyrir löngu og kannaði að-
gengi í nokkrum stofnunum
og verslunum. Á flestum
stöðum voru hlutirnir í góðu
lagi og afhenti Guðjón þeim
aðilum sérstakan límmiða til
að setja í glugga en miðinn
gefur til kynna að ALLIR séu
velkomnir.
Guðjón endaði rúntinn með
heimsókn á bæjarskrifstofuna
þar sem honum var vel tekið.
Þar á bæ er nú unnið að átaki
til að bæta aðgengi fyrir fatl-
aða í bæjarfélaginu í samræmi
við markmið bæjaryfirvalda
um slysalausa sýn og aðgengi
fyrir alla.
Bær inn mun að stoða og
hvetja fyrirtæki til að bæta að-
gang að starfsstöðum sínum
og á helstu þjónustuleiðum.
Gerð verður úttekt á farar-
tálmum og í framhaldi lögð
fram áætlun um það hvernig
megi fækka þeim eða eyða.
Skipuð var sérstök undirbún-
ingsnefnd vegna þessa í haust
og eiga sæti í henni tveir fatl-
aðir einstaklingar. Vinna við
undirbúninginn hefur tafist í
vetur vegna snjóa og ófærðar
en er að fara á fullt aftur.
Verslanir og þjónustufyrirtæki
mega því búast við heimsókn
tæknimanna á næstunni, sem
munu yfirfara og skoða stöð-
una á hverjum stað með það
fyrir augum að meta kostnað
og gera tillögur til úrbóta.
Þeir sem fengu hrós og lím-
miða hjá Guðjóni í þessari
umferð voru Hitaveita Suður-
nesja, Sýslumannsembættið,
bæjarskrif stofan, Ráin og
Sjúkraþjálfun Suðurnesja.
Aðgengismál í Reykjanesbæ:
Stuðlað að
aðgengi fyrir alla
Guðjón í kaffi á bæjarskrifstofu Reykjanesbæjar. Hann var að vonum hrifinn af þeim fyrirætl-
unum sem þar eru uppi í aðgengismálum og hvatti menn til dáða. VF-myndir: elg
Óárennilegar tröppur. Helstu vandamálin varð-
andi aðgengi hafa verið við eldri byggingar
sem voru reistar löngu áður en reglugerðir um
aðgengi fyrir fatlaða komu til sögunnar.
Sýslumannsskrifstofan var á meðal þeirra
sem fengu hrós og límmiða frá Guðjóni.
Hér tekur Halldóra Katrín, skrifstofustjóri
við límmiðanum.
Þetta á ekki að sjást við opinberar byggingar.
Ef Guðjón ætlaði að kæra einhvern fyrir að
brjóta lög um aðgengi gæti hann það ekki því
hann kemst ekki inn á lögreglustöðina.
Háir þröskuldar eins og þessi eru því miður
allt of víða og eru vitaskuld farartálmar fyrir
manneskju í hjólastól. Nokkrir slíkir eru við
verslanir á Hafnargötunni. Lítil skábraut sem
kostar ekki mikið væri allt og sumt til að bæta
úr í þessu tilviki. Guðjón segir að það þurfi
nefnilega ekki alltaf að kosta mikið eða vera
flókið að bæta aðgengi.
Um leið og við óskum viðskiptavinum okkar
gleðilegs sumars
viljum við minna á persónulega þjónustu
og afslappað andrúmsloft
Pöntunarsími: 421 3080
Kveðja, Bára og Gréta
Túngötu 16
Bára - s. 847 2506
Gréta - s. 846 8132