Víkurfréttir - 09.10.2008, Blaðsíða 14
14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 41. TÖLUBLAÐ I 29. ÁRGANGUR
Kennarar í Fjölbrautaskóla
Suðurnesja þjálfa framtíð-
arrann sókna menn fyr ir
CSI! Valáfanginn, CSI, er
kenndur nú í fyrsta sinn í FS.
CSI, hefur það að markmiði
að kynna fyrir nemendum
tæknirannsóknir með það í
huga að dýpka þekkingu nem-
enda í raungreinum.
Nemendur fara í hlutverk
tæknimanna og rannsaka saka-
mál, þau beita eðlis-, efna- og
líffræðikunnáttu fyrir sig við
úr lausnir. Fingraför, blóð-
slettur, fótspor og DNA grein-
ing er meðal þeirra verkefna
sem nemendur þurfa að fást
við.
Mik i l s temmn ing var á
göngum skólans á 3. hæð þar
sem glæpavettvangur var svið-
settur. CSI nemendur fengu að
fara á vettvang þar sem glæpur-
inn var framinn og eiga síðan í
kjölfarið að leysa málið. CSI
áfanginn er unnin í samvinnu
við leiklistaráfanga innan skól-
ans.
Leikararnir sviðsetja morðið
eftir handriti frá kennurunum
og afrakstur þeirra verður stutt-
mynd. Nemendur í leiklistar-
hópnum eru „fórnarlömb“ CSI
tæknimanna þar sem þau gefa
hársýni, skóför og fingraför
sem CSI nemendur greina og
finna út hver eigandinn er.
Nemendur CSI fara í hlutverk
tæknimanna sem upplýsa mál,
rannsaka vettvang og eiga
að finna út hvað gerðist. Þau
koma á vettvang, taka myndir,
taka ýmis sýni, skrásetja, at-
huga hvort blóð sé raunveru-
legt, vinna með fingraefni til
að skoða fingraför. Allt tengist
þetta efnafræði, efnafræðitil-
raunum, eðlisfræði og líffræði.
Þau vinna með raunveruleg
sýni, fá t.d. hársýni úr leiklist-
arnemendum sem voru á vett-
vangi og bera saman við það
sem finnst o.s.frv.
Bjarni Freyr Rúnarsson, nem-
andi á fjórða ári, segir áfang-
ann vera mjög áhugaverðan
og praktískan fyrir þá sem
ætla sér að vinna við rannsókn-
arstörf á glæpavettvangi eða
með lögreglu. Við erum búin
að taka fingraför og gera blóð-
sletturannsókn. Þetta minnir
á þættina Dexter sem sýndur
er á Skjá einum. Bjarni Freyr
er ekki ákveðinn hvað hann
ætlar að gera eftir að skóla-
göngu í FS lýkur en hann út-
skrifast í vor.
Kennarar í CSI eru Harpa
Kristín Einarsdóttir, Ragn-
heiður Ásta Þorvarðardóttir og
Guðmundur Grétar Karlsson,
kennari í leiklistarhópnum
er Jóna Guðrún Jónsdóttir.
Lögreglumenn komu í heim-
sókn og sögðu nemendum frá
hvernig þeir hafa unnið ýmis
mál með aðferðum eins og
nemendur nota í áfanganum.
Harpa Kristín, raungreina-
kennari, er mjög ánægð með
hvernig nemendur nýta sér
þekkingu sína úr öðrum raun-
greinaáföngum í úrvinnslu
verkefnanna sem þau fá í CSI.
„Nemendurnir fá tækifæri til
að nýta sér þá þekkingu sem
þau hafa lært t.d. í efna-, líf-
og eðlisfræði. Við kennararnir
erum búin að viða að okkur
mjög f lott um tækj um og
CSI-áfangi í Fjölbrautaskóla Suðurnesja
tólum sem eru raunverulega
notuð af tæknimönnum við
rannsóknir sakamála.“
Í Fjölbrautaskóla Suðurnesja
eru mjög vel tækjum búnar
raungreinastofur svo aðstaðan
til rannsókna fyrir CSI nema
er góð. Í skólanum er unnið
metnaðarfullt starf á mörgum
sviðum og reynt að fylgjast
með nýjungum. Skólameistari
FS er Ólafur Jón Arnbjörns-
son og nemendur í dagskóla
eru um 900.
Bjarni Freyr Rúnarsson
lærir að taka fingraför í CSI.
Harpa Kristín Einarsdóttir, kenn-
ari í FS, með afsteypu af fótspori
úr einu sakamáli.
Nemendur í leiklistar-
áfanga FS, sviðsetja
morð fyrir CSI.
Myndir-VF/IngaSæm
Nemendur í CSI ásamt kennurunum þeim
Hörpu Kristínu og Ragnheiði Ástu.