Víkurfréttir - 27.11.2008, Page 14

14 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 48. TÖLUBLAÐ I 29. ÁRGANGUR
Ál og framleiðsluferlið
Skúli Þ. Skúlason,
framkvæmdastjóri
starfsmannasviðs Norðuráls
Helguvík
Hugvitið fær að njóta sín
Málmgrýtið súrál er efnasamband áls og súrefnis. Efnaformúlan Al2O3
vísar til þess að súrál samanstendur af tveimur álfrumeindum á móti
þremur súrefnisfrumeindum. Ólíkt öðrum málmum er erfitt að vinna ál
beint úr málmgrýtinu. Efnatengslin milli áls og súrefnis eru svo sterk að við
framleiðsluferlið í álverinu verður að rjúfa þessi tengsl með rafgreiningu.
Álið dregst að öðru skautinu þannig að eftir stendur hreinn málmurinn.
Við álvinnslu er notað hráefnið báxít en það er leifar af jarðvegi sem
hefur auðgast að áli við útskolun annarra jarðefna við efnaveðrun í
heitu og röku loftslagi nærri miðbaug. Úr báxítinu er súrálið unnið og ef
við ímyndum okkur að við séum við vinnu í álverinu í Helguvík, sjáum
við að súrálið er hvítt duft. Að meðaltali þarf að vinna fjögur tonn af báxíti
fyrir tvö tonn af súráli sem verða svo að einu tonni af áli út úr álverinu.
Í nútímalegu álveri eins Norðuráli byggist framleiðslan á háþróaðri tækni.
Þekking, hugvit og kunnátta hafa leyst handaflið af hólmi. Framleiðsluferlið
er tölvustýrt, tækjabúnaður er að hluta hátæknilegur og gerðar eru ríkar kröfur
til færni starfsmanna sem fylgjast með ferlinu og grípa inn í ef þörf krefur.
Álver eru þannig gott dæmi um hvernig rótgrónir atvinnuvegir geta nýtt sér
það besta sem tæknisamfélagið býður upp á til að auka afköst, gæði og
öryggi framleiðslunnar.
Vissir þú að:
● Árið 1884 var landsframleiðsla í Bandaríkjunum
á áli einungis 57 kg.
● Ál er svo sterkt að 24 áldósir nægja til að halda uppi
tveggja tonna bifreið.
● Norðurál hefur hlotið alþjóðlega viðurkenningu fyrir
tækniframfarir sem stuðla að lágmörkun á losun
koltvísýrings.
Ökumaður bifreiðar var fluttur á Heilbrigðisstofnun Suðurnesja til aðhlynningar eftir geyisharðan
árekstur á gatnamótum Reykjanesbrautar og Grænásvegar í hádeginu á mánudag. Þessi gatnamót
eru orðin ein þau hættulegustu í Reykjanesbæ í kjölfar aukinnar umferðar í tengslum við fjölmenna
íbúabyggð á Vallarheiði. Tvær fólksbifreiðar rákust saman þegar annarri var ekið af Grænásvegi í veg
fyrir hina sem ók Reykjanesbraut. Ökumennirnir voru einir í bílunum. Hvorugur slasaðist alvarlega en
lögreglan telur að annar ökumaðurinn hafi rotast um tíma við áreksturinn.
Harður árekstur á hættulegum gatnamótum
����������������������
�����������������������
��������������������������
���������
�������
���������������������������
�������������������
�������������������������
���������������
�������������������������
�������������������������
�����������������������
�����������������
�����������������