Neytendablaðið - 01.10.2008, Blaðsíða 5

Á laugardeginum fór fram hefðbundið
nefndastarf. Á þinginu var samþykkt ítarleg
ályktun um stefnu og áherslur samtakanna
næstu tvö árin. Hér verður tæpt á nokkrum
atriðum úr þessari samþykkt en þeir sem
vilja kynna sér hana betur geta skoðað
hana í heild sinni á heimasíðu samtakanna,
www.ns.is.
Helstu áhersluatriði
Í ályktuninni kemur fram að óstöðugleiki í
efnahagsmálum sé helsta vandamál almenn-
ings. Því þurfi að koma böndum á verð-
bólguna og gengi krónunnar enda tapar
launafólk hratt kaupmætti sínum í þeirri
miklu verðbólgu sem hér ríkir. Fákeppni
á íslenskum markaði er áhyggjuefni og
minnt er á að virk samkeppni er það eina
sem tryggir hagsmuni neytenda. Einnig var
þess krafist að matvöruverð lækki og á það
ekki síst við um landbúnaðarvörur. Þá hafa
iðgjöld trygginga hækkað langt umfram
almennar verðhækkanir og mun meira en
sem nemur tjónakostnaði tryggingafélag-
anna.
Þingið lagði áherslu á að Íbúðalánasjóður
haldi áfram að lána til almennings vegna
íbúðarkaupa. Þetta sé mikilvægt með tilliti
til samkeppni á þessum markaði. Einnig að
stimpilgjöld verði með öllu felld niður. Í
ályktun um lyfjamarkaðinn var bent á að
lyfjaverð sé alltof hátt, fákeppni sé allt of
mikil á þessum markaði og að auka þurfi
framboð samheitalyfja hér á landi. Þingið
taldi eðlilegt að virðisaukaskattur á lyfjum
verði felldur niður og að auka þurfi frelsi í
sölu lausasölulyfja. Einnig að netverslun frá
öðrum löndum verði ódýrari en nú er til að
veita innlendum fyrirtækjum aukið aðhald.
Neytendalöggjöf
Þingið samþykkti að auka þyrfti og bæta
neytendalöggjöf. Þar voru sérstaklega
nefndar breytingar á uppbyggingu neyt-
endastarfs stjórnvalda og að embætti tals-
manns neytenda og Neytendastofa yrðu
sameinuð í eina stofnun. Einnig að sett
yrðu lög um ábyrgðarmenn, greiðslukort
og hópmálsókn, að lögfest yrði bann við
seðilgjöldum og loks að breytingar yrðu
gerðar á lögum um þjónustukaup. Áhersla
var lögð á að neytendur hafi aðgang að
ódýrum og fljótvirkum úrlausnarleiðum í
ágreiningsmálum við seljendur og minnt
á að leiðbeininga- og kvörtunarþjónusta
Neytendasamtakanna, Evrópska neytenda-
aðstoðin og úrskurðarnefndir gegni þar
lykilatriði.
Neytendafræðsla – upplýsingar til
neytenda
Þingið lagði áherslu á mikilvægi neyt-
endafræðslu, bæði í skólakerfinu og í full-
orðinsfræðslu. Þannig er afar mikilvægt að
efla neytendavitund, þekkingu á fjármálum
og fjármálalæsi. Lögð var áhersla á að
upplýsingar til neytenda um verð liggi ávallt
fyrir við kaup á vörum og þjónustu. Sumir
markaðir, sérstaklega fjármálamarkaðurinn,
tryggingamarkaðurinn og fjarskiptamark-
aðurinn, séu það erfiðir fyrir neytendur að
koma þurfi upp reiknivélum á netinu til
að auðvelda neytendum verðsamanburð.
Minnt var á að markaðssetning sem beinist
að börnum og unglingum verði æ áleitnari.
Þingið fagnaði framtaki talsmanns neyt-
enda og umboðsmanns barna við að tak-
marka slíka markaðssókn.
Önnur atriði í ályktuninni
Loks má nefna eftirfarandi atriði sem
voru í ályktuninni: Opinber þjónusta á
að vera ódýr og góð, góðar og hollar
matvörur, erfðabrettar afurðir og merk-
ingar, höfundarréttur og einkaleyfi, breytt
forgangsröðun í vegamálum – ný umferðar-
mannvirki á fjölförnustu vegina, samgöngur
fyrir alla, við þurfum neyslustaðal, umhverfi
og neytendur, siðræn neysla og staðlastarf
og mikilvægi þess fyrir neytendur.
 NEYTENDABLA‹I‹ 3. TBL. 2008