Neytendablaðið - 01.10.2008, Blaðsíða 11
Góður morgunverður
• Forðist hvítt brauð með sætuefnum, t.d.
kryddbollur og tebollur. Fáið ykkur gróft
brauð eða rúgbrauð í staðinn.
• Skiptið út marmelaði, súkkulaðikremi
og sætu áleggi og snæðið í staðinn létt-
ost, kjötálegg eða banana- og jarðar-
berjasneiðar. Hafið mikið af ávöxtum í
morgunverðinum.
• Hafragrjón eru ein besta varan vegna þess
að þau eru unnin úr heilhveiti og eru án
viðbætts sykurs. Í staðinn fyrir sykur er
hægt að nota ferska eða þurrkaða ávexti
til að ná fram sætubragðinu.
• Súrmjólk, ab-mjólk, jógúrt og svipaðar
vörur með sykurlausu músli eru líka
góðir kostir.
Barátta gegn auglýsingum
Alþjóðadagur neytendaréttar, 15. mars,
var í ár helgaður baráttunni fyrir því að
settar verði alþjóðlegar reglur um að stöðva
markaðssetningu á óhollum matvælum
fyrir börn. Sendu Neytendasamtökin heil-
brigðisráðherra bréf um efnið og það má
lesa á vef samtakanna.
Undanfarin ár hafa neytendasamtök og
margir aðrir aðilar beitt sér fyrir því að
settar verði reglur sem komi í veg fyrir að
auglýst séu óholl matvæli í sjónvarpi, fyrir
og eftir og inni í dagskrárefni sem vitað
er að börn horfa á. Nú eru til meðferðar í
heilbrigðisnefnd Alþingis hugmyndir um
slíkar reglur í þingsályktunartillögu Ástu R.
Jóhannesdóttur.
Stærstu framleiðendur morgunverðarkorns
í Evrópusambandinu hafa sætt svo mikilli
gagnrýni vegna slíkra sjónvarpsauglýsinga
að þeir sáu sér þann kost vænstan að fallast
sjálfir á að hætta birtingum í tengslum við
barnaefni í sjónvarpi í síðasta lagi undir
lok þessa árs. Meðal þessara fyrirtækja eru
Coca-Cola, Groupe Danone, Burger King,
General Mills, Kellogg, Kraft Foods, Mars,
Nestlé, PepsiCo, Ferrero og Unilever.
Hitt er annað mál að auglýsingatímar
nærri barnaefni eru ekki eini vettvangurinn
þar sem fyrirtækin beita sér. Nú er auglýs-
ingar um sætt morgunkorn að finna á
veraldarvefnum, í farsímum og í tengslum
við DVD-kvikmyndaefni og tölvuleiki.
Vefsíður
Fríða R. Þórðardóttir, næringarfræðingur:
Morgunkorn á mannamáli.
- www.doktor.is
Ásta R. Jóhannesdóttir: Tillaga til þings-
ályktunar um takmörkun auglýsinga á
óhollri matvöru sem beint er að börnum.
- www.althingi.is/altext/135/s/0047.html
Junk Food Generation - Campaign to stop
the marketing of unhealthy food to children
- www.junkfoodgeneration.org/
11 NEYTENDABLA‹I‹ 3. TBL. 2008