Neytendablaðið - 01.09.2011, Blaðsíða 19

Neytendasamtökin gerðu í ágúst markaðskönnun á stafrænum
myndavélum í verslunum á höfuðborgarsvæðinu. Alls fundust
rúmlega 150 vélar með fastri linsu á verðbilinu 10.000­262.900
kr. Myndavélarnar voru bornar saman við gæðakönnun ICRT sem
nær til fleiri en 300 myndavéla með fastri linsu. 85 myndavélar
reyndust vera í báðum könnunum og niðurstöðurnar eru birtar
í töflunni.
Upplausn ekki lengur mikið mál
Allar myndavélar sem eru til sölu hér geta tekið ágætar ljósmyndir.
Upplausn var einu sinni mikilvægur þáttur við að meta gæði
myndavélar en er það ekki lengur. Of há upplausn getur jafnvel
verið ókostur. Myndavélarnar í könnuninni voru allar með að
minnsta kosti 10 MP (Megapixel) sem gæti jafnvel talist of mikið
við venjulega notkun. Sumar vélar eru með allt að 16 MP. Myndir
í slíkri upplausn taka mikið pláss á hörðum diski og í tölvupósti, en
hægt er að minnka stærðina í vélinni. Myndavélar virðast almennt
nokkuð góðar en kannanir neytendasamtaka sýna að stafrænar
myndavélar bila sjaldan.
Hvaða eiginleikar skipta máli?
Það eru einna helst aðrir eiginleikar en upplausn sem skipta máli
við val á myndavél og hafa áhrif á verð:
• Vídeóupptaka: Upptökugæði myndavéla eru mjög
mis munandi.
• Tegund rafhlöðu: Flestar vélar nota sérstakar litín­raf­
hlöður en aðrar nota AA­rafhlöður sem henta stundum
betur.
• Aðdráttarlinsa: Sumar vélar eru með mjög öfluga
að dráttarlinsu. Sumar hafa gleiðhorn á bilinu 24­28mm
sem hentar vel ef markmiðið er að taka landslags­ eða
hóp myndir.
• Stærð vélarinnar: Á að geyma vélina í vasa, í bakpoka
eða í tösku?
• Hversu mikið er hægt að stilla vélina handvirkt (not and­
inn stjórnar litlu í sumum vélum, meiru í öðrum; hvers
konar notandi ert þú?)
• Sérstakir eiginleikar: Það eru t.d. nokkrar vélar til sölu
á Íslandi sem geta tekið myndir í vatni, svo sem Canon
PowerShot D10 eða Samsung WP10.
Myndavélar
- fjölhæfar með hárri upplausn
Gæðakönnun á stafrænum myndavélum með fastri linsu
19 NEYTENDABLA‹I‹ 3. TBL. 2011