Litli Bergþór - 01.12.2012, Blaðsíða 30

30 Litli-Bergþór
Þær Camilla og Guðný Rósa beittu sinni
alkunnu snilld við að útbúa eitthvað æti-
legt í liðið úr engu:
Guðný Rósa með glöðu geði,
gerir skonsur í mannskapinn.
Stendur keik í eldhússtreði,
steikir bita í magann minn.
MÞJ
Kát sig Milla í líma leggur,
lummur bakar úr hafragraut.
Enginn verður hér svangur seggur,
segjum “farvel” við hungurþraut.
MÞJ

Í hádeginu hafragraut,
hafa skal í matinn.
Úti fennir holt og laut,
hvar er veðurbatinn?
EJ & MÞJ
Eitthvað var mönnum farið
að leiðast:
Að hanga og bíða, öld og ár,
yndi þykir lítið.
Að fjallmenn fengju legusár,
forðum þótti skrítið.
JHE
Fjallmenn liggja fenntir inni í sínu fleti,
uppfullir af leiða og leti,
leiðindi af þessu hreti.
MÞJ

Leiddist okkur letin sú,
liggja í bæli þröngu.
Í hesthúsið við héldum þrjú,
í heilsubótargöngu.
JHE
Safnið komið í heimahaga, nálægt Kjarnholtum.
Matseljurnar okkar góðu, Guðný Rósa og Camilla njóta
lífsins yfir kaffibolla í Myrkholti, nýkomnar af fjalli.
EJ: Egill Jónasson
JHE: Jón Hjalti Eiríksson
KKG: Klemenz K. Guðmundsson
MÞJ: María Þ. Jónsdóttir