Frjáls verslun - 01.07.2006, Síða 104

104 F R J Á L S V E R S L U N • 7 . T B L . 2 0 0 6
FÓLK
Gutenberg er með elstu fyrirtækjum landsins og hefur starfað óslitið
í meira en eina öld. Fram-
kvæmdastjóri Gutenbergs er
Einar Birkir Einarsson: „Ég tók
við þessari stöðu í maí og frá
fyrsta degi hefur þetta verið
fjörugur tími. Fyrirtækið hefur
gengið í gegnum talsverðar
breytingar á undanförnum miss-
erum, sérstaklega hvað snýr að
framleiðsluferlinu, þ.e. sjálfri
prentuninni. Helstu verkefni
mín þessa stundina eru því að
fylgja þessum breytingum eftir
og um leið að byggja upp sölu-,
markaðs og þjónustustörfin.“
Einar Birkir segir Guten-
berg alltaf hafa staðið fyrir
gæði og persónulega þjónustu.
„Við lítum á okkur sem fólk
sem starfar með fólki fremur
en fyrirtæki sem starfar með
fyrirtækjum. Þessa sérstöðu
á markaði viljum við vernda
enda hefur hún byggst upp
á mörgum áratugum. Ég hef
sennilega aldrei starfað með
jafnhæfu starfsfólki. Eldmóður
starfsmanna í þágu fyrirtæk-
isins og viðskiptavina minnir
helst á starfsanda hjá nýstofn-
uðu fyrirtæki, jafnvel þótt fyr-
irtækið sé meira en 100 ára.“
Að sögn Einar Birkis er
áætlað að þær breytingar sem
nú eru í gangi munu tryggja
Gutenberg aukna framleiðslu-
getu og meiri fjölbreytni.
„Við höfum sett okkur mark-
mið að þessum breytingum
verði lokið í byrjun október,
og lokahnykkurinn er flutn-
ingur héðan úr Síðumúla 16
og í glæsilegt húsnæði að Suð-
urlandsbraut 24.“
Einar Birkir lærði rafmagns-
verkfræði í DTU í Kaupmanna-
höfn. „Eftir grunnskóla fór
ég í Iðnskólann á Ísafirði og
þaðan í Tækniskóla Íslands.
Ég lauk rafmagnstæknifræði í
Tækniskólanum í Árósum og
síðan meistaragráðunni í Kaup-
mannahöfn árið 1996. Ég er
bóndasonur að vestan og kem
úr stórri fjölskyldu. Við syst-
kinin erum átta og ég veit að
það kenndi mér m.a að samn-
ingaleiðin er yfirleitt best til að
leysa vandamál.“
Einar Birkir er giftur Odd-
rúnu Lilju Birgisdóttur iðju-
þjálfa og saman eiga þau Birg-
ittu Ösp, Svanhildi og Matthías
Mar. Lilja starfar hjá Styrkt-
arfélagi lamaðra og fatlaðra.
Hún er með aðsetur í útibúi
þeirra í Hafnarfirði þar sem hún
sér um þjálfun barna á leik- og
grunnskólastigi. Fjölskyldan er
nýflutt í Hafnarfjörð eftir að
hafa búið í Noregi um nokkurt
skeið.
„Við keyptum gamalt fallegt
hús við Hverfisgötuna og erum
þessa dagana að koma okkur
fyrir. Upphaflega ætluðum
við bara að mála áður en við
flyttum inn, en ég hef varla mátt
líta af Lilju, þá hefur hún verið
komin með kúbeinið í gegnum
hvern vegginn á fætur öðrum.
Ég hef þó náð að gera risið
fokhelt aftur, en það er mikið
óunnið uppbyggingarstarf á
miðhæðinni.“
Einari Birki finnst það í
sjálfu sér ekki mikið mál að
flytja milli Íslands og Noregs,
megi jafnvel líkja því við að
flytja frá Hafnarfirði til Akur-
eyrar. „Nema hvað norskan er
ótrúlega lík íslenskunni!“ Hann
segir að Norðmönnum finnist
Íslendingar mjög merkilegir og
taki okkur ekki sem útlend-
ingum heldur sem ættingjum
sem þeir hafa ekki séð lengi.
„Uppáhaldsáhugamálið
mitt þessa dagana er eðlilega
vinnan og svo húsasmíðin. Við
hjónin veiðum silung og lax
þegar tími gefst til og eigum
lítið félag sem er með Vatns-
dalsá og Vatnsdalsvatn á
Barðaströnd á leigu til ársins
2011. Við reynum að vera fyrir
vestan öllum lausum stundum
sem því miður hafa ekki verið
svo margar í sumar.“
TEXTI:
HILMAR KARLSSON
MYNDIR:
GEIR ÓLAFSSON
framkvæmdastjóri prentsmiðjunnar Gutenbergs
EINAR BIRKIR EINARSSON
Nafn: Einar Birkir Einarsson.
Fæðingarstaður: Barðaströnd,
þann 30. apríl 1967.
Foreldrar: Bríet Böðvarsdóttir
og Einar Guðmundsson.
Maki: Oddrún Lilja Birgisdóttir.
Börn: Birgitta Ösp, 12 ára,
Svanhildur,10 ára, og Matthías Mar,
8 ára.
Einar Birkir Einarsson: „Ég er bóndasonur að vestan og kem úr stórri fjölskyldu.“
FV.07.06.indd 104 7.9.2006 13:01:30