Frjáls verslun - 01.09.2006, Page 72

72 F R J Á L S V E R S L U N • 9 . T B L . 2 0 0 6
Fransk-íslenska viðskiptaráðið var stofnað 29. ágúst 1990 í tengslum við opinbera heimsókn Frakklandsforseta, Francois Mitterand.
Meðlimir eða fyrirtæki eru 85. Tvær stjórnir koma að ráðinu; önnur
er á Íslandi en hin í Frakklandi. Markmið ráðsins er að stuðla að
auknum tengslum á milli Íslands og Frakklands sem geta treyst og
eflt viðskipti á milli þjóðanna. Virkir félagar geta orðið einstaklingar
og lögaðilar, fyrirtæki á vegum einkaaðila eða opinberra aðila, félög,
hvers kyns aðilar í viðskiptum, lánastofnarnir og opinberar stofnanir.
„Tilgangurinn er að opna dyr á milli mismunandi viðskiptahópa
í leit að tækifæri í löndunum og vera þeim innan handar í að finna
þá aðila sem henta þeirra viðskiptum,“ segir Gunnlaugur Páll Pálsson
sem situr í ráðinu. ,,Ráðið kemur einnig að hinum ýmsu verkefnum
bæði sem ráðgjafi en einnig sem skipuleggjandi svo sem hvað varðaði
„franska daga“ í Kringlunni og einnig var staðið að slíku í samvinnu
við kaupmenn miðbæjarins í vor.“
Helstu samstarfsaðilar ráðsins eru sendiráð landanna tveggja og
ýmis hagsmunasamtök eins og Alliance Francaise og Viðskiptaráð
Íslands og Frakklands. „Þar fyrir utan eru mörg fyrirtæki sem eiga
hagsmuna að gæta í löndunum eins og Icelandair, bankarnir og út- og
innflutningsfyrirtæki.“
Upplifun og að njóta
Gunnlaugur Páll, sem vinnur hjá Vínkaupum ehf., tók sæti í Fransk-
íslenska viðskiptaráðinu árið 2003 á vegum Austurbakka. „Meg-
inmarkmið setu minnar í ráðinu er að efla þekkingu landsmanna á
frönskum víntegundum og koma þeim skilaboðum áleiðis að þau séu
ekki endilega dýrust, sem var reyndin hér áður fyrr. Í dag eru margar
franskar víntegundir á boðstólum sem eru á fyllilega samkeppnishæfu
verði miðað við svokölluð ,,nýja heims vín“ eða vín sem er framleitt
utan Evrópu. Mitt markmið er að kenna Íslendingum suður-evr-
ópska siði, þar með talda franska, við neyslu á léttu víni. Vínmenning
okkar er skammt á veg komin og við erum því miður enn þá svolítið
þvinguð af íhaldssemi og ótta gagnvart víndrykkju og þá sérstaklega
í miðri viku. Vínneysla okkar einkennist enn þá af svokölluðum
,,helgaralkóhólisma“ þar sem fólk drekkur stíft um helgar. Sá gamli
hugsunarháttur ætti að hverfa með öllu að menn þurfi að finna á sér
ef þeir á annað borð fá sér í glas. Neysla léttvíns snýst um allt annað
en það – hún snýst um upplifun og að njóta og þá sérstaklega með
mat. Við viljum miklu frekar sjá jafnari neyslu yfir vikuna en þessa
óhóflegu neyslu um helgar.“
Innflutningur á frönsku víni er mikill og Gunnlaugur Páll nefnir
líka franska matvöru. Þá nefnir hann bíla, föt og snyrtivörur. ,,Færri
vita um franskar flugvélar en ráðið kom einmitt að því að kynna
franskar flugvélar fyrir forsvarsmönnum landhelgisgæslunnar.“
Menntun
„Fransk-íslenska viðskiptaráðið hefur unnið að því að koma á
tengslum á milli Hótel- og matvælaskólans í Reykjavík og samsvar-
andi skóla í París með það fyrir augum að setja af stað eins konar
skiptinemaprógramm. Ráðið vinnur því mjög náið með franska
sendiráðinu því þar er einmitt hægt að leita ráðgjafar og leiðbeininga
varðandi nám í Frakklandi. Það sem færri vita er að ráðið er þjónustu-
stofnun sem hægt er að leita til og fá ráðleggingar og leiðbeiningar um
hvert eða til hvaða fyrirtækis á að leita sé maður að huga að út- eða
innflutning. Ráðið er nánast að öllu leyti rekið af félagsgjöldum og
hefur því takmarkað svigrúm.“
Gunnlaugur Páll Pálsson.
„Það sem færri vita er að ráðið er
þjónustustofnun sem hægt er að
leita til og fá ráðleggingar og leið-
beiningar um hvert eða til hvaða
fyrirtækis á að leita sé maður að
huga að út- eða innflutningi.“
FRANSK-ÍSLENSKA VIÐSKIPTARÁÐIÐ
Frönsk vín, matvara, bílar,
föt og snyrtivörur
„Neysla léttvíns
snýst um upplifun
og að njóta.“