Frjáls verslun - 01.09.2006, Side 94

94 F R J Á L S V E R S L U N • 9 . T B L . 2 0 0 6
ÚR EINU Í ANNAÐ
Leynd hvílir yfir starfsemi
Frímúrarareglunnar. Sigurður Kr.
Sigurðsson, framkvæmdastjóri
Sturlaugs & Co, er félagi í regl-
unni; hann samþykkti að fara í
viðtal að beiðni Sigurðar Arnar
Einarssonar, stórmeistara regl-
unnar.
„Ég gekk í regluna árið 1979
vegna þess að margir af þeim
bestu mönnum sem ég þekkti
voru í henni. Ástæðan var líka
félagsleg þörf. Það skiptir máli
hvernig maður ver tíma sínum
og ég vildi gera eitthvað upp-
byggilegt í frítíma mínum.“
Fundir eru haldnir nánast alla
virka daga yfir vetrartímann og
segist Sigurður mæta um einu
sinni í viku. Í reglunni hefur hann
eignast marga af sínum bestu
vinum.
Þegar hann er spurður um
leyndina sem hvílir yfir starf-
semi reglunnar segir hann:
„Reglan er ekki leynifélag. Það
vita allir að reglan er til og
hvar hún er til húsa og grund-
vallarlög hennar er að finna
á Landsbókasafninu. Mestu
máli skiptir að menn fái næði
og þetta gerir félagsskapinn
áhugaverðari. Það skiptir miklu
máli á tíma hraða og spennu
að eiga stund með sjálfum sér
og velta grundvallaratriðunum
fyrir sér; endurnæra sjálfan
sig.“
Sigurður bendir á að hjá
Frímúrarareglunni sé unnið að
mannrækt á kristilegum grund-
velli. „Reglan gerir góða menn
að enn betri mönnum.“
Frímúrarareglan:
FÉLAGSLEG ÞÖRF OG FORVITNI
Sigurður Kr. Sigurðsson. „Það skiptir máli hvernig maður ver tíma
sínum og ég vildi gera eitthvað uppbyggilegt í frítíma mínum.“
Trausti Harðarson, forstöðumaður
markaðs- og sölusviðs Securitas, fór
fyrir tveimur árum á námskeið hjá
Ingólfi Guðbrandssyni. Námskeiðið
kallaðist „Hvernig á að ferðast um
heiminn?“ „Námskeiðið var glimrandi,“
segir Trausti sem síðan hefur lagt
áherslu á að fara til framandi staða og
er ekki hættur.
„Ég fór ásamt fleirum til Kúbu í
fyrra; við vorum til að mynda í fjóra
daga í Havana og í fjóra daga á sól-
arströndinni Varadero. Við skoðuðum
meðal annars herminjasafn Castros,
fornar byggingar og gamla þinghúsið
sem notað var fyrir byltinguna. Kúba
er einstaklega falleg og það var
gaman að vera þar. Ég varð hins vegar
þreyttur á því þegar tónlistarmenn
voru að sníkja peninga með því að
spila við borðið hvort sem maður var
að borða morgunmatinn, hádegismat-
inn, drekka kaffi eða borða kvöldmat-
inn. Þótt landið sé fallegt þá fann ég
fyrir beiskju hjá íbúunum á ástandinu.“
Trausti hélt síðan til Spánar í sumar
og fór þá til Marokkó. „Ég bjóst við
meiri fátækt og að allt væri í verra
ásigkomulagi. Marokkó er þokkalegt í
samanburði við Kúbu.“
Trausti stefnir á að fara á fleiri
framandi staði á komandi árum. Hann
langar að fara til Suður-Afríku, Brasilíu,
Malasíu, Kína og honum finnst hann
verða að fara til Rússlands.
„Það sem mér finnst mest spenn-
andi við þetta er að auka víðsýnið.
Ég legg áherslu á að upplifa og skoða
sem flest á þessum stöðum og borða
framandi mat.“
Ferðalög:
FRAMANDI LÖND HEILLA
„Það sem mér finnst mest spennandi við þetta er
að auka víðsýnið,“ segir Trausti Harðarson.