Frjáls verslun - 01.11.2006, Side 6

krónan hríðfélli. Viðbrögðin við þessum fréttum urðu
til þess að hlutabréfamarkaðurinn, sem hafði hækkað
grimmt fyrstu tvo mánuðina, féll hratt nokkra daga í röð
– en þó aldrei niður fyrir stöðuna eins og hún hafði verið
í desember 2005 þegar menn gátu ekki haldið vatni af
ánægju yfir hinu ótrúlega háa verði og mikilli ávöxtun.
Hvílíkt og annað eins skammtímaminni!
NÆSTU VIKURNAR VAR rifist um það hvernig
ætti að matreiða og flytja stórar viðskiptafréttir. Þessi
umræða kom til af forsíðufrétt Morgunblaðsins þriðju-
daginn 14. mars með stríðsfyrirsögninni: Hlutabréfin,
krónan og skuldabréfin falla! Eftir þessa forsíðu snerist
umræðan upp í það hvort Morgunblaðið stundaði æsi-
fréttamennsku og birti hverja skýrsluna af annarri hráa
þegar augljósar rangtúlkanir væru í þeim. Umræðan um
það hvort hægt væri „að tala niður verð“ á hlutabréfum
náði jafnvel inn á aðalfund FL Group þar sem stjórnar-
formaðurinn sagði: „Ástæða er til að hvetja þá sem hefja
upp raust sína hér heima að hafa það hugfast að tiltölu-
lega saklaust neistaflug á hinu íslenska alþingi götunnar
getur orðið að afdrifaríku báli á stærri markaðssvæðum.“
En umræðan fjaraði út og allir tóku gleði sína á ný þegar
líða tók á árið og verð hlutabréfa tók að hækka og nálg-
aðist fyrri hæðir.
STÓRAR VIÐSKIPTAFRÉTTIR UM krónuna,
verðbólguna, vaxtahækkanir Seðlabankans og hvort taka
eigi upp evruna hafa rétt sísvona flotið með stórfréttum
um yfirtökur og kaup á erlendum fyrirtækjum; blaðastríði
í Danmörku og skrifum Ekstrablaðsins um íslensku fjár-
festanna. Ef það er eitthvað sem árið 2006 hefur kennt
íslensku fjárfestunum þá er það að venjast því að erlendir
blaðamenn fjalli um þá mjög óvægið og skrifi greinar
fullar af rangfærslum og lygi. Þeir hafa líka lært að oftast
er betra að svara þessum umfjöllunum en hundsa þær.
EIN AF STÓRU viðskiptafréttum ársins var að
gömlu VÍS-mennirnir, Finnur Ingólfsson og Axel Gísla-
son, hefðu í samvinnu við gömlu Sjóvámennina, Einar
Sveinsson og Benedikt Sveinsson, verið kjölfestan í
kaupunum á Icelandair af FL Group. Ekki nóg með það;
Finnur virðist hafa náð Icelandair fyrir framan vin sinn
Ólaf Ólafsson í Samskipum sem var á sama tíma í við-
ræðum um kaupin á félaginu en hætti við.
Þarf að segja eitthvað meira; síðasta stóra viðskipta-
fréttin verður sem betur fer aldrei skrifuð.
Jón G. Hauksson
ÉG KANN AÐ hafa sagt þessa sögu áður; en fyrir
þremur árum var ég í útvarpsviðtali að ræða um stórfrétt
í viðskiptalífinu þegar ég var spurður að því hvort ekki
færi að koma að síðustu stóru viðskiptafréttinni. Getur
það gengið til lengdar að stórfréttir í viðskiptalífinu séu
daglegt brauð? Ég svaraði því til að blaðamenn yrðu
aldrei uppiskroppa með viðskiptafréttir á meðan til væru
duglegir fjárfestar sem hefðu áhuga á að kaupa, sameina,
yfirtaka, umbreyta og láta að sér kveða í viðskiptum,
bæði hér heima og erlendis.
ÁRIÐ 2006 HEFUR verið ár stórra viðskiptafrétta
– líkt og sex undanfarin ár. Það er enn ekki komið að síð-
ustu stóru viðskiptafréttinni; og verður aldrei. Hins
vegar má halda því fram að stórfréttir í viðskiptalíf-
inu hafi gengisfallið þegar þær eru orðnar daglegt
brauð. Fyrir rúmum tíu árum þótti yfirtaka Jóns
Ólafssonar á Stöð 2 upp á einn milljarð ein stærsta
frétt ársins og henni var slegið rækilega upp, dag
eftir dag. Núna kemst yfirtaka upp á einn millj-
arð varla í eindálk á baksíðu blaðanna og hún ratar
ekki inn í útvarps- og sjónvarpsfréttir. Jafnvel nýleg
frétt um að Björgólfur Thor Björgólfsson hefði
á dögunum innleyst 56 milljarða króna hagnað
vegna fjárfestingar í tékknesku símafyrirtæki fyrir
aðeins rúmum tveimur árum fékk tæpast athygli
hjá fólki almennt – þótt viðskiptalífið hafi sperrt eyrun.
Í UPPHAFI ÞESSA árs varð mér hugsað til þess
hvaða atburðir yrðu helst í fréttum á árinu – hvort
íslenskir fjárfestar „yrðu í tökustuði“ – svo maður vísi í
orðatiltæki hjá laxveiðimönnum – og hvort draga myndi
úr daglegum stórum viðskiptafréttum. En það var varla
búið að skjóta upp flugeldunum þegar hver stórfréttin
af annarri fór að glymja; kaup á banka í Úkraínu,
digrir starfslokasamningar og sala Straums-Burðaráss á
margumtöluðum hlut í Glitni! Þessar fréttir voru bara
smjörþefurinn á litríku ári stórra viðskiptafrétta.
STÆRSTA VIÐSKIPTAFRÉTT ÁRSINS var fjaðra-
fokið í kringum skýrslufargan erlendu matsfyrirtækjanna
sem létu í ljós efasemdir um styrk bankanna til lengri
tíma litið. Í skýrslunum var því haldið fram að bankarnir
væru ofmetnir í verði; að stórfelldur hagnaður þeirra
væri að miklu leyti til kominn vegna gengishækkana á
hlutabréfum og krosseignatengsla við stærstu fyrirtæki
landsins. Þau vöruðu við miklum erlendum skuldum
bankanna og þjóðarinnar – sem og viðskiptahalla sem
gæti endað með mjög „harðri lendingu“ ef og þegar
NÚ ÁRIÐ ER LIÐIÐ:
Síðasta stóra viðskiptafréttin?
RITSTJÓRNARGREIN
Síðasta stóra
viðskiptafréttin
verður sem betur
fer aldrei skrifuð.
Alltént ekki á
meðan til eru
duglegir og frískir
athafnamenn.
BÍL ÁRSINS 2007
UPPLIFÐU
The pursuit of perfection
Þegar Lexus IS250 ber þig mjúklega eftir þjóðbrautinni og þú
finnur aflið, sem þér er gefið, verður þér ljóst hvers vegna
Bandalag íslenskra bílablaðamanna útnefndi þennan kjörgrip
„Bíl ársins 2007“. Innrétting, munaðarþægindi, gæði,
aksturseiginleikar og tæknibúnaður í IS250 eru fullkomin
umgjörð um líf þeirra sem vilja skara fram úr, ekki aðeins í ár
eða á næsta ári heldur um ókomna framtíð.
Sjáðu, snertu og prófaðu Lexus IS250. Við erum sannfærðir
um að niðurstaða þín verður í samræmi við niðurstöðu
dómnefndar BÍBB. Hún kom okkur reyndar ekki á óvart. Við
gerum nefnilega sömu kröfur til lúxusbíla og þú sem og
íslenskir bílablaðamenn. Við njótum þess að tvinna saman afl
og hugvit í fullkomna heild.
Verð frá 4.350.000 kr.
ÍS
L
E
N
S
K
A
/S
IA
.I
S
/T
O
Y
3
53
70
1
2/
06
Nýbýlavegi 6 Kópavogur Sími 570 5400 www.lexus.is6 F R J Á L S V E R S L U N • 1 1 . T B L . 2 0 0 6